Yevlax Rayon Məhkəməsi Qərardad — İş №8(039)-113/2022

Azərbaycan Respublikası adından QƏRARDAD Yevlax Rayou İş № 8(039)-113/2022 29.07.2022 YEVLAX RAYON MƏHKƏMƏSİ Hakim Əliyev Kamil Çingiz oğlunun sədrliyi, Qasımov Nurlan Asif oğlunun katibliyi, Yevlax rayon icra və probasiya şöbəsinin böyük icra məmuru X1, Borclu nümayəndəsi X2 iştirakı ilə, Yevlax Rayon Məhkəməsinin qəbul etdiyi 8(039)-7/2022 saylı, xx.xx.2021-ci il tarixli icra sənədinin icrasını təmin etmək məqsədilə borclunun əmlakı üzərinə qoyulmuş həbsin götürülməsi barədə Yevlax rayon icra və probasiya şöbəsinin böyük icra məmuru Kənan Süleymanovun təqdimatına açıq məhkəmə iclasında baxaraq, məhkəmə müəyyən etdi: Yevlax rayon icra və probasiya şöbəsinin böyük icra məmuru Kənan Süleymanov təqdimatla məhkəməyə müraciət edərək, Yevlax Rayon Məhkəməsi tərəfindən 8(039)- 7/2022 saylı iş üzrə verilmiş xx.xx.2022-ci il tarixli qərardadı ilə üzərinə həbs qoyulmuş Borclu mülkiyyətində olan “TOYOTA PRADO” markalı **-BG-*** dövlət nömrə nişanlı və “MERCEDES E200” markalı **-EK-*** dövlət qeydiyyat nişanlı avtomobillərin üzərindən həbsin götürülməsi barədə qərardad qəbul edilməsini xahiş etmişdir. İcra məmuru təqdimatını onunla əsaslandırmışdır ki, Yevlax Rayon Məhkəməsinin 2(039)-427/2021 saylı, xx.xx.2021-ci il tarixli icra sənədinə əsasən iş üzrə Borclu 18 yanvar 2021-ci il tarixdən başlayaraq bir uşağın yetkinlik yaşına çatan kimi saxlanılması üçün hər ay 120 manat sabit pul məbləğində aliment alınıb tələbkar X3 xeyrinə verilməlidir. Qeyd olunan icra sənədinin məcburi icrası ilə əlaqədar Yevlax Rayon Məhkəməsinin 8(039)-7/2022 saylı, xx.xx.2022-ci il tarixli qərardadı ilə Borclu mülkiyyətində olan “TOYOTA PRADO” markalı **-BG-*** dövlət nömrə nişanlı və “MERCEDES E200” markalı **-EK-*** dövlət qeydiyyat nişanlı avtomobillərin üzərinə həbs qoyulmuşdur. İyul ayda daxil olmaqla aliment ödəmişdir. Təqdimata baxılması üzrə məhkəmə iclasının vaxtı və yeri barədə iş üzrə tələbkara məhkəmə iclasında iştirakını təmin etmədiklərindən və gəlmədiklərinin səbəbi barədə məhkəməyə heç bir məlumat vermədiklərindən məhkəmə Azərbaycan Respublikası Mülki- Prosessual Məcəlləsinin 231.2-ci maddəsinə əsasən, təqdimata gəlməyən tərəflərin iştirakı olmadan baxılmasını mümkün hesab etmişdir. Məhkəmə iclasında iştirak edən icra məmuru Kənan Süleymanov təqdimatın məzmununa uyğun izahat verərək, məhkəmədən təqdimatın təmin olunmasını xahiş etdi. İcra sənədi üzrə borclunun nümayəndəsi X4 məhkəmə iclasında təqdimatın təmin olunmasını xahiş etmişdir. Təqdimatı və ona əlavə olunmuş sənədləri araşdıraraq məhkəmə belə hesab edir ki, təqdimat təmin olunmalıdır. Belə ki, təqdimata əlavə edilmiş sənədlərdən görünür ki, Yevlax rayon icra və probasiya şöbəsinin icra məmurunun təqdimatı əsasında Yevlax Rayon Məhkəməsinin qəbul etdiyi 8(039)-7/2022 saylı, xx.xx.2022-ci il tarixli qərardada əsasən Borclu məxsus olan “TOYOTA PRADO” markalı **-BG-*** dövlət nömrə nişanlı və “MERCEDES E200” markalı **-EK-*** dövlət qeydiyyat nişanlı avtomobillərin üzərinə həbs qoyulmuşdur. Borclunun nümayəndəsi X2 təqdim etdiyi bank qəbzlərinə əsasən borc tam şəkildə ödənildiyi üçün icra sənədinin icraatına xx.xx.2022-ci il tarixli qərarla xitam verilmişdir. “İcra haqqında” Azərbaycan Respublikası 43.1.1-ci maddəsinə əsasən borclunun əmlakı üzərinə həbs qoymaq məcburi icra tədbirlərinin bir növüdür. Həmin Qanunun 45.1ci maddəsinə əsasən bu tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə, əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Məhkəmə araşdırması zamanı müəyyən olundu ki, icra sənədi üzrə borc məbləği tam olaraq ödənilmiş və məcburi icra tədbiri kimi borclunun avtomobillərin üzərində həbsin saxlanılması zərurəti aradan qalxmışdır. Yuxarıda göstərilənlərə əsasən və Azərbaycan Respublikası Mülki Prosesual Məcəlləsinin 231, 263 və 268-ci maddələrini rəhbər tutaraq, məhkəmə qərara aldı: Təqdimat təmin edilsin. Yevlax Rayon Məhkəməsinin qəbul etdiyi 8(039)-7/2022 saylı, xx.xx.2022-ci il tarixli qərardada əsasən Borclu məxsus olan “TOYOTA PRADO” markalı **-BG-*** dövlət nömrə nişanlı və “MERCEDES E200” markalı **-EK-*** dövlət qeydiyyat nişanlı avtomobillərin üzərinə qoyulmuş həbs götürülsün. Qərardaddan rəsmi qaydada verildiyi gündən 10 gün müddətində Yevlax Rayon Məhkəməsinə şikayət verilə bilər. Hakim Kamil Əliyev