Gədəbəy Rayon Məhkəməsi Qərardad — İş №8(042)-123/2025

Azərbaycan Respublikası adından QƏRARDAD Gədəbəy rayonu İş № 8(042)-123/2025 28.07.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Qasımov Fuad Kamil oğlunun katibliyi ilə Gədəbəy Rayon Məhkəməsinin 2(042)-477/2025 nömrəli xx.xx.2025-ci il tarixli icra sənədinin icrası ilə əlaqədar Gədəbəy Rayon İcra və Probasiya Şöbəsinin icra məmuru X2 tərəfindən verilmiş əmlak üzərinə həbs qoyulması barədə təqdimata açıq məhkəmə iclasında baxaraq, müəyyən etdi: Gədəbəy Rayon İcra və Probasiya Şöbəsinin icra məmuru X1 Rayon Məhkəməsinin 2(042)-477/2025 nömrəli xx.xx.2025-ci il tarixli icra sənədi üzrə borclu "xxxx"MMC-nin əmlakı üzərinə həbs qoyulmasına dair təqdimatla məhkəməyə müraciət etmişdir. Təqdimat onunla əsaslandırılır ki, Gədəbəy Rayon Məhkəməsinin 2(042)-477/2025 nömrəli xx.xx.2025-ci il tarixli icra sənədinə əsasən Borclu MMC-dən vurulmuş maddi ziyan görə 2.744 manat,mənəvi zərərə görə 500 manat məbləğində pul vəsaiti və dövlət rüsumu tutularaq, Tələbkar xeyrinə ödənilməlidir. İcra sənədi xx.xx.2025-ci il tarixdə Gədəbəy Rayon İcra və Probasiya Şöbəsinin icraatına daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul olunaraq, surəti bildirişlə bərabər icra sənədi üzrə boclu "xxxx"MMC-ə icra sənədində qeyd olunan ünvanına göndərilmişdir. Borclu könüllü icra müddətində icra sənədi üzrə tələbi təmin etmədiyi üçün borclunun əmlak vəziyyəti yoxlamaq məqsədilə elektron sistem vasitəsilə sorğular edilmişdir. “Elektron icra” informasiya sistemindən əldə olunmuş sorğu məlumatına əsasən müəyyən olunmuşdur ki, borclu "xxxx"MMCnin mülkiyyətində “KİA Sorento” minik markalı **-YT-*** dövlət qeydiyyat nişanlı avtomobil vardır. Ona görə də həmin avtomobilin üzərinə həbs qoyulmasını xahiş etmişdir. Təqdimat müəllifinə, tələbkara və borcluya məhkəmə iclasının yeri və vaxtı barədə lazımi qaydada məlumat verilməsinə baxmayaraq onlar məhkəmə iclasına gəlməmiş və bu barədə məhkəməyə heç bir məlumat verməmişlər. Məhkəmə Azərbaycan Respublikası MPM-nin 231.2-ci maddəsinə əsasən işə tələbkarın, icra məmurunun və borclunun iştirakı olmadan baxılmasını mümkün hesab etmişdir. İşdə olan Azərbaycan Respublikası Ədliyyə Nazirliyinin Portalından Çıxarışdan görünür ki, "xxxx" MMC-nin mülkiyyətində “KİA Sorento” minik markalı **-YT-*** dövlət qeydiyyat nömrə nişanlı avtomobil vardır. İcra haqqında Azərbaycan Respublikasının qanunun 50.2-ci maddəsinin ikinci abzasına əsasən, icra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Həmin Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Qanunun 45.6-cı maddəsinə əsasən, tələbkarın tələblərinin təmin edilməsi üçün borclunun yetərli pul vəsaitləri olmadıqda, Azərbaycan Respublikasının qanunvericiliyinə uyğun olaraq tələbin yönəldilə bilmədiyi əmlak istisna olmaqla, tələb borcluya məxsus olan digər əmlaka yönəldilir. Beləliklə, məhkəmə araşdıması ilə müəyyən edilmişdir ki, borclu "xxxx"MMC-nin mülkiyyətində “KİA Sorento” minik markalı **-YT-*** dövlət qeydiyyat nişanlı avtomobil vardır.O, borcu ödəmir. Ona görə də təqdimat təmin edilməli, "xxxx"MMC-nin mülkiyyətində olan “KİA Sorentro” minik markalı **-YT-*** dövlət qeydiyyat nişanlı avtomobilin üzərinə həbs qoyulmalıdır. Məhkəmə göstərilənləri nəzərə alaraq və Azərbaycan Respublikası MPM-nin 263, 264, 231-ci maddələrini rəhbər tutaraq, qərara aldı: Təqdimat təmin edilsin. Borclu "xxxx" MMC-nin mülkiyyətində olan “KİA Sorento” minik markalı **-YT-*** dövlət qeydiyyat nişanlı avtomobilin üzərinə həbs qoyulsun. Qərardad icra olunması üçün Gədəbəy Rayon İcra və Probasiya Şöbəsinə göndərilsin. Qərardaddan rəsmi verildiyi gündən 10 (on) gün müddətində Gədəbəy Rayon Məhkəməsinə şikayət verilə bilər. Sədrlik edən: Fizuli Mirzəquliyev