Gədəbəy Rayon Məhkəməsi Qərardad — İş №8(042)-164/2025

Azərbaycan Respublikası adından QƏRARDAD Gədəbəy rayonu İş № 8(042)-164/2025 17.09.2025 GƏDƏBƏY RAYON MƏHKƏMƏSİ Gədəbəy Rayon Məhkəməsinin hakimi Rəsulov Zamiq Akif oğlu, X1 Gədəbəy Rayon Məhkəməsinin xx.xx.2019-cu il tarixli, 2(042)-789/2019 saylı qətnaməsi ilə müəyyən edilmiş “alimentin indeksasiyası” barədə ərizəsini və ərizəyə əlavə olunmuş sənədləri nəzərdən keçirib müəyyən etdi: X2 xx.xx.2025-ci il tarixdə Gədəbəy Rayon Məhkəməsinin xx.xx.2019-cu il tarixli, 2(042)-789/2019 saylı qətnaməsi ilə müəyyən edilmiş “alimentin indeksasiyası” barədə ərizə ilə Gədəbəy Rayon Məhkəməsinə müraciət etmişdir. Məhkəmə ərizəni və ona əlavə edilmiş sənədləri nəzərdən keçirib hesab edir ki, ərizə imzalanmadığına görə geri qaytarılmalıdır. Belə ki, məhkəmə qeyd edir ki, verilməli pul məbləğinin indeksasiyasının aparılması barədə müraciətlərə məhkəmə qətnamələrinin (qərarlarının) icrası qaydasında baxılır. Həmin icraat qaydasında baxılan işlər üzrə verilən ərizələrin geri qaytarılması üçün əsaslar barədə qanunvericilikdə ayrıca müddəalar nəzərdə tutulmadığından mülki məhkəmə icraatı üçün nəzərdə tutulmuş müddəlar tətbiq edilməlidir. Azərbaycan Respublikası Mülki Prosessual Məcəlləsinin 149.1-ci maddəsinin tələbinə görə iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Həmin Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.2-ci maddəsinin tələbinə görə iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Şərh olunanlara əsaslanaraq və Azərbaycan Respublikası Mülki-Prosessual Məcəlləsinin 152, 263 və 264-cü maddələrini rəhbər tutaraq, məhkəmə QƏRARA ALDİ: X1 Gədəbəy Rayon Məhkəməsinin xx.xx.2019-cu il tarixli, 2(042)-789/2019 saylı qətnaməsi ilə müəyyən edilmiş “alimentin indeksasiyası” barədə ərizəsi və ona əlavə edilmiş sənədlər ərizəçiyə geri qaytarılsın. Ərizəçiyə izah olunsun ki, ərizənin qaytarılması barədə nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildiyi gündən 10 (on) gün müddətində Gədəbəy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Zamiq Rəsulov