Gədəbəy Rayon Məhkəməsi Qərardad — İş №8(042)-190/2025

Azərbaycan Respublikası adından QƏRARDAD Gədəbəy rayonu İş № 8(042)-190/2025 24.11.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Salmanov Orxan Aqil oğlunun katibliyi ərizəçi X8 və Maraqlı şəxs iştirakları ilə X2nın alimentin indeksasiya edilməsi haqqında ərizəsinə açıq məhkəmə iclasında baxaraq, müəyyən etdi: X2 xx.xx.2017-ci il tarixində doğulmuş X3 yetkinlik yaşlarına çatanadək saxlanılması üçün müəyyən edilmiş alimentin miqdarının 2025-ci il üçün nəzərdə tutulmuş minimum əməkhaqqı məbləğinin 0.615 misli həddində indeksasiya edilməsi haqqında ərizə ilə məhkəməyə müraciət etmişdir. Məhkəmə iclasında X2 ərizəsini müdafiə etmiş, izahat verərək, bildirmişdir ki, Maraqlı şəxs ilə 2017-cı ildə nikah bağlamadan ailə qurmuşlar.Birgə ailə münasibətlərindən xx.xx.2017-ci il tarixdə X5 doğulmuşdur.Gədəbəy Rayon Məhkəməsinin xx.xx.2020-ci il tarixli qətnaməsi ilə uşağın yetkinlik yaşına çatanadək saxlanılması üçün hər ay uşaq üçün 120 manat məbləğində alimentin Maraqlı şəxs alınaraq, ona verilməsi qət edilmişdir.Hazırda məhkəmə qətnaməsi ilə müəyyən edilmiş alimentin indeksasiya olunması zərurəti yaranmışdır. Ona görə də ərizəsinin təmin edilməsini xahiş edir. Maraqlı şəxs məhkəmə iclasında ərizəyə etiraz etmiş və izahhat verərk bildirmişdir ki, onun hazırda maddi vəziyyəti pisdir. Ona görə də qərar çıxarılarkən nəzərə alinmasını xahiş eidr. İşdə olan Gədəbəy Rayon Məhkəməsinin xx.xx.2020-ci il tarixli 2(042)- 263/2020saylı Qətnaməsindən görünür ki, xx.xx.2017-ci il tarixdə X4 yetkinlik yaşına çatanadək saxlanılması üçün hər ay 120 manat məbləğində alimentin Maraqlı şəxs alınaraq, X7 verilməsi qət edilmişdir. Azərbaycan Respublikasinin MPM-nin 232.1-ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Azərbaycan Respublikası Ailə Məcəlləsinin 110.1-ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. Həmin Məcəllənin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. “20 dekabr 2024-cü il Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun qərarnın 8.4-2-ci bəndinə əsasən nəzərə alınmalıdır ki, Azərbaycan Respublikasının Ailə Məcəlləsinin 110.1-ci maddəsinə əsasən yuxarıda göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında məhkəmə tərəfindən qərardadın qəbul edilməsi yolu ilə həyata keçirilməlidir. “Minimum aylıq əməkhaqqının artırılması haqqında” Azərbaycan Respublikası Prezidentinin sərəncamları ilə 2019-ci il sentyabrın 1-dən etibarən minimumum aylıq əmək haqqının məbləği 250 manat, 1 yanvar 2025-ci il tarixdən isə 400 manat miqdarında müəyyən edilmişdir. Beləliklə, məhkəmə araşdırması ilə müəyyən edilmişdir ki, Gədəbəy Rayon Məhkəməsinin xx.xx.2020-ci il tarixli 2(042)-263/2020 saylı Qətnaməsi ilə xx.xx.2017-ci il tarixində doğulmuş X4 yetkinlik yaşına çatanadək saxlanması üçün Maraqlı şəxs hər ay 120 manat olmaqla, yəni həmin il üçün müəyyən edilmiş minimum əməkhaqqının 0.48 misli məbləğində alimentin alınaraq, X7 verilməsi qət edilmişdir. Ərizəçi məhkəməyə ərizə verərək, alimentin miqdarının 2025-ci il üçün nəzərdə tutulmuş minimum əmək haqqı məbləğinin 0.615 misli həddində indeksasiya edilməsini xahiş etmişdir. Ona görə də ərizə qismən təmin edilməli, xx.xx.2017-ci il tarixində doğulmuş X4 yetkinlik yaşına çatanadək saxlanılması üçün sonrakı artırılmalar nəzərə alınmaqla hər ay hər uşaq üçün 2025-ci il üçün müəyyən edilmiş minimum əməkhaqqının 0.48 misli məbləğində aliment Maraqlı şəxs alınaraq, X7 verilməlidir. Məhkəmə yuxarıda göstərilənləri nəzərə alaraq və Azərbaycan Respublikası MPMnin 110.1, 232-ci maddələrini rəhbər tutaraq, qərara aldı: Ərizə qismən təmin edilsin. xx.xx.2017-ci il tarixində doğulmuş X1 üçün Maraqlı şəxs sonrakı artırılmalar nəzərə alınmaqla hər ay 2025-ci il üçün müəyyən olunmuş minimum əməkhaqqının 0.48 misli məbləğində aliment alınaraq, X7 verilsin. Qərardaddan rəsmi verildiyi gündən 10 gün müddətində Gədəbəy Rayon Məhkəməsinə şikayət verilə bilər. Sədrlik edən: Fizuli Mirzəquliyev