Gəncə Şəhəri Kəpəz Rayon Məhkəməsi Qərardad — İş №8(043)-256/2022

Azərbaycan Respublikası adından QƏRARDAD Gəncə şəhəri İş № 8(043)-256/2022 05.05.2022 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Qocayev Tural Şəmsi oğlunun sədrliyi, Abdullayev İlkin Hafiz oğlunun katibliyi ilə, Gəncə şəhəri üzrə İcra İdarəsinin icra məmuru Anar İbrahimov tərəfindən verilmiş “borclunun məcburi gətirilməsi” barədə təqdimata açıq məhkəmə iclasında baxaraq, müəyyən etdi: Gəncə şəhəri üzrə İcra İdarəsinin icra məmuru Anar İbrahimov təqdimatla məhkəməyə müraciət edərək, Gəncə şəhər Kəpəz Rayon Məhkəməsinin 2(043)-960/2021 nömrəli, 21 aprel 2021-ci il tarixli icra vərəqəsinin icrasının təmin edilməsi məqsədilə, Borclu Gəncə şəhəri üzrə İcra İdarəsinə məcburi gətirilməsi barədə qərardad çıxarılmasını xahiş etmişdir. Təqdimat onunla əsaslandırılmışdır ki, Gəncə şəhər Kəpəz Rayon Məhkəməsinin 2(043)-960/2021 nömrəli, 21 aprel 2021-ci il tarixli icra vərəqəsinə əsasən Borclu 29 dekabr 2019-cu il tarixli, 01172015 nömrəli müqavilə üzrə 1672,2 manat ödənilməmiş məbləğ 167 manat cərimə olmaqla, ümumilikdə 1839,2 manat və dövlət rüsumunun əvəzi olaraq 30 manat alınaraq "xxxx" MMC-nin xeyrinə ödənilməsi qət edilmişdir. Tələbin könüllü icrası üçün Borclu rəsmi qaydada bildiriş verilərək qanunla müəyyən edilmiş vaxt ərzində icranın təmin edilməsi tələb edilmişdir. Lakin borclu tələbin müəyyən edilmiş vaxt ərzində könüllü icrasını təmin etməmişdir. İcra sənədi qanuna müvafiq qaydada icraata daxil olmuş və icraata başlamaq haqqında qərar qəbul edilmişdir. Tələbin könüllü icrası haqqında bildiriş və xəbərdarlıq göndərilməsinə baxmayaraq Borclu bünədək cəmi 1869,20 manat məbləğində borcu qalmışdır. Borclu həmin borcu ödəməkdən yayınır, icra məmurunun çağırışı ilə icra hərəkətlərinin həyata keçirildiyi yerə gəlməkdən üzrsüz səbəbdən yayınır. Məhkəmə iclasının vaxtı və yeri barədə məlumat verilməsinə baxmayaraq, tərəflər və icra məmuru məhkəmə iclasına gəlməmişlər. Məhkəmə Azərbaycan Respublikası MPM-in 231.2-ci maddəsinə əsasən işə onların iştirakı olmadan baxılmasını mümkün hesab edir. Təqdimata əlavə edilmiş Gəncə şəhər Kəpəz Rayon Məhkəməsinin 2(043)- 960/2021 nömrəli, 21 aprel 2021-ci il tarixli icra vərəqəsinin surətindən görünür ki, Borclu 29 dekabr 2019-cu il tarixli, 01172015 nömrəli müqavilə üzrə 1672,2 manat ödənilməmiş məbləğ, 167 manat cərimə olmaqla, ümumilikdə 1839,2 manat və dövlət rüsumunun əvəzi olaraq 30 manat pulun alınaraq "xxxx" MMC-nin xeyrinə ödənilməsi qət edilmişdir. İş materialarına əlavə edilmiş 08.06.2021-ci il tarixli bildirişin və icraata başlamaq haqqında qərarın surətindən görünür ki, Borclu Gəncə şəhəri Kəpəz Rayon Məhkəməsinin 2(043)-960/2021 nömrəli, 21 aprel 2021-ci il tarixli icra sənədində göstərilən tələbin könüllü icra edilməsi üçün 10 gün vaxt verilmişdir. İş materiallarına əlavə edilmiş Borclu ünvanlanmış 16.09.2021-ci il tarixli və 01.10.2021-ci il tarixli xəbərdarlığın surətindən görünür ki, ona icra sənədinin icra edilməsi ilə bağlı xəbərdarlıq edilmiş, 21.09.2021-ci il tarixli SMS bildirişlə Gəncə şəhəri üzrə İcra İdarəsinə çağırılmışdır. İş materiallarında olan 01.03.2022-ci il tarixli qərarla Borclu məcburi gətirilməsi barədə qərar qəbul edilmiş, həmin qərar icra orqanının rəhbəri tərəfindən təsdiq edilmişdir. İcra haqqında “Azərbaycan Respublikasının Qanununun 84.2-ci maddəsin əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə getməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Məhkəmə borclunun hər hansı üzrlü səbəb olmadan icra məmurunun çağırışı ilə gəlməkdən boyun qaçırmasını nəzərə alaraq hesab edir ki, təqdimat təmin edilməlidir. Şərh olunanlara əsasən və Azərbaycan Respublikası MPM-nin 261, 263, 264, 268, 395, 396-cı maddələrini və "İcra haqqında" Azərbaycan Respublikası Qanununun 84.2-ci maddələrini rəhbər tutaraq, məhkəmə qərara aldı: Təqdimat təmin edilsin. xx.xx.1984-cü il tarixdə Gəncə şəhərində doğulmuş, Gəncə şəhəri, 3-cü mikrorayon, bina 13, mənzil 73-də yaşayan Borclu Gəncə şəhər Kəpəz Rayon Məhkəməsinin 2(043)-960/2021 nömrəli, 21 aprel 2021-ci il tarixli icra vərəqəsinin icrası ilə bağlı Gəncə şəhəri üzrə İcra İdarəsinə məcburi qaydada gətirilsin. Qərardadın icrası Gəncə şəhər Baş Polis İdarəsinin 2-ci Polis Şöbəsinə həvalə edilsin. Qərardaddan rəsmi qaydada verildikdən sonra 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Sədrlik edən Tural Qocayev