Gəncə Şəhəri Kəpəz Rayon Məhkəməsi Qərardad — İş №8(043)-258/2022

Azərbaycan Respublikası adından QƏRARDAD Gəncə şəhəri İş № 8(043)-258/2022 27.04.2022 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Hüseynov Zaur Nazim oğlunun sədrliyi, Sadıxov Rəşad Şahin oğlunun katibliyi, Borclu iştirakı ilə, Gəncə şəhəri üzrə İcra İdarəsindən daxil olmuş “borclunun məcburi gətirilməsi barədə” təqdimata açıq məhkəmə iclasında baxaraq, müəyyən etdi: Gəncə şəhəri üzrə İcra İdarəsinin icra məmuru Anar ibrahimov təqdimatla məhkəməyə müraciət edərək, Gəncə şəhəri Kəpəz Rayon Məhkəməsinin 2(043)- 2231/2020 saylı 21.08.2020-ci il tarixli icra sənədinin icrasının təmin edilməsi məqsədilə, Borclu məcburi qaydada gətirilməsi barədə qərardad çıxarılmasını məhkəmədən xahiş etmişdir. Təqdimat onunla əsaslandırılmışdır ki, Gəncə şəhər Kəpəz Rayon Məhkəməsinin 2(043)-2231/21 saylı, 21.08.2020-ci il tarixli icra sənədinə əsasən Borclu 1831 manat və 30 manat dövlət rüsumu tutularaq "xxxx" MMC-nin xeyrinə ödənilməsi qət edilmişdir. Tələbin könüllü icrası üçün Borclu rəsmi qaydada bildiriş verilərək qanunla müəyyən edilmiş vaxt ərzində icranın təmin edilməsi tələb edilmişdir. Lakin Borclu tələbin müəyyən edilmiş vaxt ərzində könüllü icrasını təmin etməmişdir. Tələbin könüllü icrası haqqında bildiriş və xəbərdarlıq göndərilməsinə baxmayaraq Borclu bu günkü tarixə cəmi 1861 manat borcu qalmaqdadır. Borclu həmin borcu ödəməkdən yayınır, icra məmurunun çağırışı ilə icra hərəkətlərinin həyata keçirildiyi yerə gəlməkdən üzrsüz səbəbdən yayınır. Məhkəmə iclasında iştirak edən Borclu izahatında bildirdi ki, qeyd edilən icra sənədinin icrası ilə əlaqədar olaraq o, icra şöbəsinə çağırılmamışdır. Ona bu barədə rəsmi olaraq hər hansı bildiriş gəlməmişdir. Eyni zamanda iş materiallarında olan ***-***-**-** nömrəsi onun istifadəsində deyil, onun istifadəsində olan nömrə ***-***-**-** nömrəsidir ki, uzun illərdir həmin telefon nömrəsini istifadə edir. Həmin telefon nömrəsinə isə heç bir çağırış bildirişi gəlməmişdir. Odur ki, o, təqdimatın rədd edilməsini xahiş edir. Məhkəmə iclasının vaxtı və yeri barədə məlumat verilməsinə baxmayaraq, tələbkar və icra məmuru məhkəmə iclasına gəlməmişlər. Məhkəmə AR MPM-in 231.2-ci maddəsinə əsasən işə onların iştirakı olmadan baxılmasını mümkün hesab edir. Məhkəmə, borclunu dinləyib, iş üzrə toplanmış sənədləri araşdıraraq hesab edir ki, təqdimat əsassız olduğundan təmin olunmamalıdır. Belə ki iş materialları ilə müəyyən olunur ki, icra məmuru təqdimatda icra sənədi üzrə Borclu icra hərəkətlərinin həyata keçirildiyi yerə gəlməkdən üzrsüz səbəbdən yayındığını bildirsə də, bu barədə rəsmi sübutlarını məhkəməyə təqdim etməmişdir. Təqdimata əlavə edilmiş sənədlərdən görünür ki, Borclu məhkəmə qərarının icrası ilə əlaqədar Gəncə şəhəri üzrə İcra İdarəsinə çağırılması ilə bağlı ***-***-**-** mobil nömrəsinə sms bildirişi göndərilmişdir. Lakin məhkəmə iclasında iştirak edən Borclu həmin mobil nömrəsinin ona məxsus olmadığını bildirmişdir. İş materiallarında da həmin mobil nömrəsinin həqiqətən də Borclu məxsus olması görünmür. Bundan başqa təqdimata əlavə edilmiş sənədlərlə icra məmurunun tələbin könüllü icrası barədə bildirişin borcluya çatdırılmasının qanuna müvafiq qaydada təmin olunması üçün müvafiq icra hərəkətlərini yerinə yetirməsini müəyyən etmək mümkün deyil. Bundan başqa icra məmuru tərəfindən icra sənədinin icrası ilə bağlı hər hansı tədbirin görülməsi, eləcə də borclunun İcra İdarəsinə çağırılması, ona xəbərdarlıqların göndərilməsi təqdimata əlavə edilmiş sənədlərdən görünmür. «İcra haqqında» Azərbaycan Respublikası Qanununun 84.2-ci maddəsinə əsasən, icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Qanunun mənasına görə, borclu icra hərəkətlərinin keçirildiyi yerə gəlməkdən üzrsüz səbəbdən yayındığı halda, onun barəsində məhkəmə qərarı əsasında məcburi gətirilmə tətbiq oluna bilər. Hazırki halda isə, borclunun icra hərəkətlərinin keçirildiyi yerə çağırılması və onun bu çağırışdan üzrsüz səbəbdən yayınması müəyyən olunmur. Şərh olunanlara əsaslanaraq və Azərbaycan Respublikasının Mülki Prosessual Məcəlləsinin 231, 263-264, 267-268-ci maddələrini rəhbər tutaraq, məhkəmə q ə r a r a a l d ı: Gəncə şəhəri Kəpəz Rayon Məhkəməsinin 2(043)-2231/2020 saylı 21.08.2020-ci il tarixli icra sənədi üzrə Borclu məcburi gətirilməsinə dair icra məmuru tərəfindən verilmiş təqdimat təmin edilməsin. Qərardaddan rəsmi qaydada verildiyi gündən 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Hakim Zaur Hüseynov