Gəncə Şəhəri Nizami Rayon Məhkəməsi Qərardad — İş №8(044)-49/2022

Azərbaycan Respublikası adından QƏRARDAD Gəncə şəhəri İş № 8(044)-49/2022 18.03.2022 GƏNCƏ ŞƏHƏRİ NİZAMİ RAYON MƏHKƏMƏSİ hakim Hüseynov Kənan Zakir oğlunun sədrliyi, Quliyeva Günay Ələstun qızının katibliyi ilə, 12 saylı ƏVBİ-nin **********322900 nömrəli, 05.03.2020-ci il tarixli qərarına əsasən Borclu MMC-yə məxsus Vaz 21214 minik markalı ** AA *** dövlət qeydiyyat nişanlı və Chevrolet Niva minik markalı ** AH *** dövlət qeydiyyat nişanlı avtomobillərin üzərinə həbs qoyularaq, cərimə meydançasına yerləşdirilməsinə və tələbin həmin əmlaka yönəldilməsi barədə Gəncə şəhəri üzrə İcra idarəsinin icra məmuru X1 təqdimatına açıq məhkəmə iclasında baxaraq, MÜƏYYƏN ETDİ: 12 saylı ƏVBİ-nin **********322900 nömrəli, 05.03.2020-ci il tarixli qərarına əsasən Borclu MMC-dən 23597.53 manat icra ödənişi tutulması qət edilmişdir. İcra sənədi 18.11.2020-ci il tarixdə icraata daxil olmuş və “İcra haqqında” Azərbaycan Respublikasının Qanunun 8-ci maddəsinin tələblərinə uyğun olaraq 20.11.2020-ci il tarixdə icraata başlamaq haqqında qərar qəbul edilmiş, surəti tərəflərə və 12-saylı ƏVBİ-nə göndərilmişdir. Gəncə şəhəri üzrə İcra idarəsinin icra məmuru X2 təqdimatla məhkəməyə müraciət edərək, məcburi icra tədbiri qismində Borclu MMC-yə məxsus Vaz 21214 minik markalı ** AA *** dövlət qeydiyyat nişanlı və Chevrolet Niva minik markalı ** AH *** dövlət qeydiyyat dövlət nömrə nişanlı avtomobillərin üzərinə həbs qoyularaq, cərimə meydançasına yerləşdirilməsinə və tələbin hənin əmlaklara yönəldilməsinə dair qərardad çıxarılmasını xahiş etmişdir. İcra məmuru təqdimatını onunla əsaslandırmışdır ki, Borclu MMC-yə tələbin könüllü icrası haqqında bildiriş göndərilsə də, lakin borclu tələbi könüllü icra etməmişdir. “İcra haqqında” Azərbaycan Respublikasının Qanunun 78-ci maddəsinə əsasən Borclu MMCdən 23597.53 manat icra ödənişi tutulması barədə 19.01.2020-ci il tarixdə qərar qəbul edilmişdir. “İcra haqqında” Azərbaycan Respublikasının Qanunun 45.2-ci, 45.6 maddəsinə borclunun tələbi yönəldə biləcək əmlakının olub-olmaması barədə aidiyyəti orqanlara sorğu verilmişdir.Məlum olmuşdur ki, Vaz-21214 minik markalı **-AA-*** dövlət nömrə nişanlı və Chevrolet Niva minik markalı **-AH-*** dövlət nömrəli nişanlı avtomobillər Borclu MMC-nin adına qeydə alınmışdır. Göstərilənləri nəzərə alaraq və “İcra haqqında” Azərbaycan Respublikası Qanununun 43.1.1, 45-ci, 50-ci və 78-ci maddələrini rəhbər tutaraq Borclu MMC-yə məxsus Vaz-21214 minik markalı **-AA-*** dövlət nömrə nişanlı və Chevrolet Niva minik markalı **-AH-*** dövlət nömrə nişanlı avtomobillərin üzərinə həbs qoyularaq cərimə meydançasına yerləşdirilməsinə va tələbin həmin əmlaklara yönəldilməsinə diar qərardad çıxarılmasını xahiş etmişdir. İcra məmuru və tərəflər məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəməyə gəlməməyin səbəbini və ya mümkünsüzlüyünü bildirmədən və bu barədə sübutlar təqdim etmədən məhkəməyə gəlməmişlər. Azərbaycan Respublikası Mülki Prosessual Məcəlləsinin 231.2-ci maddəsinə əsasən işdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. Məhkəmə təqdimatı və əlavə olunmuş sənədləri nəzərdən keçirərək hesab edir ki, təqdimat qismən təmin olunmalıdır. Belə ki, Azərbaycan Respublikası Konstitusiyasının 129-cu maddəsinin 1-ci hissəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. “İcra haqqında” Azərbaycan Respublikası Qanununun 44.1 və 44.1.3-cü maddələrinə uyğun olaraq, könüllü icra üçün icra məmuru tərəfindən borcluya verilmiş müddətin keçməsi məcburi icra tədbirinin tətbiqi üçün əsasdır. Həmin Qanunun 43.1 və 43.1.1-ci maddələrinə əsasən borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbiridir. “İcra haqqında” Azərbaycan Respublikası Qanununun 45.1-ci maddəsinə görə tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.2-ci maddəsinin 2-ci hissəsinə əsasən icra sənədi icraya yönəldilənə qədər borclunun əmlakı üzərinə həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs icra məmurunun əsaslandırılmış təqdimatına əsasən məhkəmənin qərardadı ilə qoyulur. Təqdimata əlavə olunmuş sənədlərdən görünür ki, icra vərəqəsi üzrə icra məmuru icraata başlamış, tələbin könüllü icrası barədə borcluya bildirişlər verilmiş, lakin tələb icra olunmamış, bununla da məcburi icra tədbirinin tətbiqi üçün əsas yaranmışdır. İş materiallarında olan Elektron İcra informasiya sistemindən çıxarışdan görünür ki, Borclu MMC-yə məxsus Vaz 21214 minik markalı ** AA *** dövlət qeydiyyat nişanlı və Chevrolet Niva minik markalı ** AH *** dövlət qeydiyyat nişanlı avtomaşınlar vardır. Məhkəmə hesab edir ki, icra sənədi qanunvericiliklə müəyyən olunmuş müddət ərzində icra olunmadığından tələb borcluya məxsus olan əmlaka yönəldilməli və həmin əmlakın üzərinə həbs qoyulmalıdır. Lakin bununla belə məhkəmə İcra haqqında Qanunun tələblərini nəzərə alaraq hesab edir ki, tələbin əmlaka yönəldilməsi prosedurlarından yalnız əmlakın üzərinə həbs qoyulması məhkəmənin səlahiyyətinə aid edildiyindən və tələbin əmlaka yönəldilməsinin digər mərhələləri, yəni qanunvericilikdə avtomobilin tutularaq cərimə meydançasına salınması kimi məcburi icra tədbiri nəzərdə tutulmamışdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 231, 263, 264, 267 və 268-cı maddələrini rəhbər tutaraq, məhkəmə QƏRARA ALDİ: İcra məmuru X1 təqdimatı qismən təmin edilsin. 12 saylı ƏVBİ-nin **********322900 nömrəli, 05.03.2020-ci saylı icra sənədi üzrə tələb Borclu MMC-yə məxsus Vaz 21214 minik markalı ** AA *** dövlət qeydiyyat nişanlı və Chevrolet Niva minik markalı ** AH *** dövlət qeydiyyat nişanlı avtomobillərin üzərlərinə həbs qoyulsun və tələb həmin əmlaklara yönəldilsin. Təqdimat qalan hissədə təmin edilməsin. Qərardadın icrası Gəncə şəhəri üzrə İcra idarəsinə həvalə edilsin. Qərardad tərəflərə rəsmi qaydada verildikdən sonra 10 gün müddətində ondan Gəncə Şəhəri Nizami Rayon Məhkəməsinə şikayət verilə bilər. Sədrlik edən: Kənan Hüseynov