Göyçay Rayon Məhkəməsi Qərardad — İş №8(046)-11/2024

Azərbaycan Respublikası adından QƏRARDAD Göyçay rayonu İş № 8(046)-11/2024 23.02.2024 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi ilə, Göyçay rayon İcra və Probasiya Şöbəsinin icra məmuru X1 Göyçay rayon Məhkəməsinin 2(046)-332/2023 saylı xx.xx.2023-ü il tarixli icra sənədi üzrə borclunun məcburi gətirilməsi barədə təqdimatına Göyçay şəhərində baxaraq, məhkəmə müəyyən etdi: Göyçay rayon Məhkəməsinin 2(046)-332/2023 saylı xx.xx.2023-ü il tarixli icra sənədinə əsasən Borclu 2251 manat pulun və 42.6 manat dövlət rüsumunun tutularaq ABC Telecom MMC-yə ödənilməsi qət edilmişdir. Təqdimat belə əsaslandırılmışdır ki, icra sənədinin icrası ilə bağlı Borclu icra məmurunun çağırışı ilə gəlməkdən üzrsüz səbəbdən boyun qaçırır. Buna görə də icra məmuru Borclunun məcburi qaydada şöbəyə gətirilməsi məsələsinə baxılmasını məhkəmədən xahiş etmişdir. Məhkəmənin iclasının yeri və vaxtı barədə icra məmuruna və tərəflərə məlumat verilmiş, icra məmuru və tərəflər məhkəmə iclasında iştirak etməmişlər. Məhkəmə icra məmurunun və tərəflərin iştirakı olmadan işə baxılmasını mümkün hesab etmişdir. Təqdimatı araşdıran məhkəmə hesab edir ki, təqdimat təmin edilməməlidir. İcra haqqında Azərbaycan Respublikası Qanununun 84.2-ci maddəsinə İcra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Həmin Qanunun 84.3-cü maddəsinə əsasən bu Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 gün müddətində müvafiq məhkəməyə şikayət verə bilərlər. İş materaillarına əlavə edilmiş Göyçay rayon İcra və Probasiya Şöbəsinin icra məmuru X2 tərəfindən qəbul edilmiş xx.xx.2024-cü il tarixli borclunun məcburi gətirilməsi haqqında qərardan görünür ki, Göyçay şəhəri Vaqif küçəsi ev 32-də yaşayan Borclunun icra işinin icrası ilə əlaqədar Göyçay rayon İcra və Probasiya Şöbəsinə məcburi gətirilməsi üçün Göyçay rayon Məhkəməsinə müraciət edilməsi qərara alınmışdır. Məhkəmə baxışı zamanı müəyyən edilmişdir ki, Göyçay rayon İcra və Probasiya Şöbəsinin icra məmuru X2 tərəfindən İcra haqqında Azərbaycan Respublikası Qanununun tələblərinə əməl edilməmiş, qəbul edilmiş qərar icra qrumunun rəhbəri tərəfindən təsdiq edilməmiş, həmin qərar məlumat üçün borcluya göndərilməmişdir. Buna görə də məhkəmə hesab edir ki, təqdimat təmin edilməməlidir. Şərh olunanlara əsasən və Azərbaycan Respublikası MPM-nin 263, 264, 268, 395, 396-cı maddələrini və İcra haqqında Azərbaycan Respublikası Qanununun 84-cü maddəsini rəhbər tutaraq , məhkəmə Qərar verdi: Borclu Göyçay şəhəri Vaqif küçəsi ev 32-də yaşayan Borclunun Göyçay rayon İcra və Probasiya Şöbəsinə məcburi gətirilməsi barədə Göyçay rayon İcra və Probasiya Şöbəsinin icra məmuru X1 təqdimatı təmin edilməsin. Qərardaddan rəsmi qaydada verildikdən sonra 10 gün müddətində Göyçay Rayon Məhkəməsinə şikayət verilə bilər. Hakim: İbrahim Fəttahov.