Lerik Rayon Məhkəməsi Qərardad — İş №8(048)-42/2025

Azərbaycan Respublikası adından QƏRARDAD Lerik rayonu İş № 8(048)-42/2025 02.12.2025 LERİK RAYON MƏHKƏMƏSİ Lerik Rayon Məhkəməsinin hakimi Zeynalov Yusif Səmədağa oğlunun sədrliyi, Məhkəmə iclas katibi Şıxaliyev Nurlan Pərviz oğlunun katibliyi, X1 iştirakı ilə, Lerik Rayon Məhkəməsinin 2(048)-304/2025 saylı, xx.xx.2025-ci il tarixli icra sənədinin icrasını təmin etmək məqsədilə Borclu Lerik rayon İcra və Probasiya şöbəsinə gətirilməsi barədə Lerik rayon İcra və Probasiya şöbəsindən daxil olmuş təqdimata baxaraq, məhkəmə MÜƏYYƏN ETDİ: Lerik rayon İcra və Probasiya şöbəsinin icra məmuru Həsən Zeynalov təqdimatla məhkəməyə müraciət edərək, Lerik Rayon Məhkəməsinin 2(048)-304/2025 saylı, xx.xx.2025-ci il tarixli icra sənədinin icrasını təmin etmək məqsədilə xx.xx.1958-ci il təvəllüdlü, Lerik rayonu, Zərdəbərə kəndində qeydiyyatda olan Borclu Lerik rayon İcra və Probasiya şöbəsinə məcburi qaydada gətirilməsi barədə qərardad çıxarılmasını xahiş etmişdir. Hazırda Lerik rayon İcra və Probasiya şöbəsinin icra məmuru Həsən Zeynalov ərizə ilə məhkəməyə müraciət edərək, zərurət aradan qalxdığından borclunun məcburi gətirilməsi barədə təqdimatın baxılmadan geri qaytarılmasını xahiş etmişdir. Məhkəmə iclasında iştirak edən tələbkar X3 təqdimatın geri qaytarılmasına etiraz etdiyini bildirmişdir. Məhkəmə iclasının vaxtı və yeri barədə məhkəmə bildirişi göndərilməsinə baxmayaraq borclu və icra məmuru məhkəməyə gəlməmişlər, gəlməmələrinin üzrlü səbəbləri barədə məlumat verməmişlər. Məhkəmə Azərbaycan Respublikası Mülki Prosessual Məcəlləsinin 231.2-ci maddəsinə əsasən ərizəyə borclunun və icra məmurunun iştirakı olmadan baxılmasını mümkün hesab etmişdir. Məhkəmə, Lerik rayon İcra və Probasiya şöbəsinin təqdimatın baxılmadan geri qaytarılması barədə ərizəsini nəzərə alaraq hesab edir ki, təqdimat baxılmadan geri qaytarılmalıdır. Göstərilənlərə əsasən və Azərbaycan Respublikası MPM-nin 263-264, 266-268-ci maddələrini rəhbər tutaraq, məhkəmə QƏRARA ALDİ: Lerik Rayon Məhkəməsinin 2(048)-304/2025 nömrəli, xx.xx.2025-ci il tarixli icra sənədinin icrasını təmin etmək məqsədilə Borclu Lerik rayon İcra və Probasiya şöbəsinə gətirilməsi barədə Lerik rayon İcra və Probasiya şöbəsindən daxil olmuş təqdimat geri qaytarılsın. Qərardaddan rəsmi qaydada verildikdən sonra 10 gün müddətində (elektron kabinet vasitəsilə MPM-nin 2 saylı əlavəsinə uyğun) Lerik Rayon Məhkəməsinə şikayət verilə bilər. Hakim: Yusif Zeynalov