Lerik Rayon Məhkəməsi Qərardad — İş №8(048)-5/2025

Azərbaycan Respublikası adından QƏRARDAD Lerik rayonu İş № 8(048)-5/2025 06.03.2025 LERİK RAYON MƏHKƏMƏSİ Hakim Xəlilov Rövşən Elburus oğlunun sədrliyi, Məhkəmə iclas katibi Mirzəyev Faiq Fizuli oğlunun katibliyi, Maraqlı şəxs1 icra məmuru X4 iştirakı ilə, Lerik Rayon Məhkəməsinin 09 aprel 2024-cü il tarixli 2(048)-226/2024 saylı qətnaməsi ilə tutulan alimentin indeksasiya edilməsinə dair ərizəyə açıq məhkəmə iclasında baxaraq, MÜƏYYƏN ETDİ: X5 ərizə ilə məhkəməyə müraciət edərək Lerik rayon məhkəməsinin 09 aprel 2024cü il tarixli 2(048)-226/2024 saylı qətnaməsinə əsasən himayəmdə olan 24 fevral 2012-ci il tarixdə anadan olmuş X6 yetkinlik yaşına çatanadək saxlanması üçün cavabdeh Maraqlı şəxs2 hər ay tutulmalı olan 100 manat sabit pul məbləğində alimentin 2025-ci il üzrə müəyyən edilmiş minimum əmək haqqına uyğun, bu günə qədər yaranmış 1300 manat aliment borcunun isə Mərkəzi Bankın 2024-2025-ci il üzrə infilyasiya dərəcəsinə uyğun indeksasiaya edilməsi barədə qərardad qəbul edilməsini xahiş etmişdir. Ərizəçi ərizəsin onunla əsaslandırmışdır ki, Lerik rayon Məhkəməsinin 09 aprel 2024-cü il tarixli 2(048)-226/2024 saylı qətnaməsinə əsasən himayəsində olan 24 fevral 2012-ci il təvəllüdlü X6 yetkinlik yaşına çatanadək saxlanması üçün cavabdeh Maraqlı şəxs2 hər ay 100 manat sabit pul məbləğində aliment tutulub xeyrinə ödənilməsi qət edilmişdir. Qeyd olunan məhkəmə qətnaməsi icra olunması üçün Maraqlı şəxs1nə göndərilsə də, hal-hazırki tarixədək alimentin ödənilməsi təmin edilməmiş və nəticə etibarı ilə 1300 manat borc yaranmışdır. Ona görə də, Lerik rayon Məhkəməsinin 09 aprel 2024-cü il tarixli 2(048)-226/2024 saylı qətnaməsi ilə müəyyən edilmiş aliment məbləğinin indeksasiya olunması zərurəti yaranmışdır. Buna görə də görə də ərizənin təmin olunmasını xahiş etmişdir. Tələbkar- ərizəçi X1 vəkili Vəkil ərizə ilə məhkəməyə müraciət edərək xx.xx.2025-ci il tarixdə təyin olunmuş məhkəmə iclasında iştirak edə bilməycəyini bildirərək məhkəmə iclasının onun iştirakı olmadan keçirilib ərizənin təmin olunmasını xahiş etmişdir. Məhkəmə iclası zamanı Maraqlı şəxs1 icra məmuru X8 izahat verərək bildirmişdir ki, Lerik Rayon Məhkəməsinin 19 dekabr 2023-cü il tarixli icra sənədinə və 09 aprel 2024-cü il tarixli 2(048)-226/2024 saylı qətnaməsinə əsasən 100 manat aliment Maraqlı şəxs2 tutularaq X6 xeyrinə ödənilməlidir.Qeyd olunan icra sənədinndən 13 ay keçdiyindən baxmayaraq cavabdeh tərəfindən bu günədək heç bir ödəniş olunmamışdır.Cavabdehin aliment borcu hal-hazırki tarixə 1300 manat təşkil edir. Məhkəmə iclasının vaxtı və yeri barədə xəbərdar edilmiş borclu Maraqlı şəxs2 məhkəməyə gəlməsə də, məhkəmə tərəfindən Azərbaycan Respublikası Mülki Prosessual Məcəlləsinin 232.2-ci maddəsinə əsasən ərizəyə onların iştirakı olmadan baxılması mümkün hesab edilmişdir. Məhkəmə ərizəni təqdim edilmiş sənədlərlə birlikdə nəzərdən keçirərək, hesab edir ki, ərizə təmin olunmalıdır. İş materiallarına əlavə edilmiş Lerik Rayon Məhkəməsinin 19 dekabr 2023-cü il tarixli 16(048)-18/2023 saylı qərardadına əsasən 24 fevral 2012-ci il tarixdə anadan olmuş X6 yetkinlik yaşına çatanadək saxlanması üçün xx.xx.1988-ci il təvəllüdlü, Lerik rayonu, Bradi kəndində qeydiyyatda olan, X7 hər ay 100 manat sabit pul məbləğində müvəqqəti aliment tutularaq ərizəçi X3 verilməsi qərara alınmışdır. İş materiallarına əlavə edilmiş Lerik Rayon Məhkəməsinin 09 aprel 2024-cü il tarixli 2(048)-226/2024 saylı qətnaməsinə əsasən tərəflərin birgə nikahından olan 24 fevral 2012-ci il tarixdə anadan olmuş X6 yetkinlik yaşına çatanadək saxlanması üçün cavabdeh Maraqlı şəxs2 hər ay tutulmalı olan 100 manat sabit pul məbləğində aliment tutularaq İddiaçı X3 verilməsi qət edilmişdir. İş materiallarına əlavə edilmiş Azərbaycan Respublikası Dövlət statistika Komitəsinin İstehlak qiymətlərinin hesablanmasına dair kalkulyatorun hesablamasına əsasən 2023-cü ilin dekabr ayından 2025-ci ilin yanvar ayına kimin qiymətlərin indeksi 105.9 faiz təşkil etmiş, yəni qiymətlərin səviyyəsi 5.9 faiz təşkil etmişdir. “Uşaq hüquqları haqqında” Azərbaycan Respublikası Qanununun: 13-cü maddəsinə əsasən uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. 19-cu maddəsinə əsasən valideynlərin uşağın təbiyəsində bərabər hüquq və vəzifələri vardır. Uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. Azərbaycan Respublikası Ailə Məcəlləsinin: 75.1-ci maddəsinə əsasən valideynlər uşaqlarını saxlamağa borcludurlar; 75.4-cü maddəsinə əsasən valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur; 76.2-ci maddəsinə əsasən valideynlərindən məhkəmə tərəfindən tutulan aliment miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər; 78.1-ci maddəsinə əsasən valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya da qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və ya tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər; 100.2-ci maddəsinə əsasən, aliment məhkəməyə müraciət edildiyi vaxtdan tutulur. 112.1-ci maddəsinə əsasən aliment ödənilməsi barədə saziş olmadıqda məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə Azərbaycan Respublikası Mülki Prosessual Məcəlləsinin 233.4-cü maddəsinə əsasən cavabdehdən vaxtaşırı ödəmələrin alınmasını qət edən qətnamə qanuni qüvvəyə mindikdən sonra, ödəmələrin miqdarını müəyyənləşdirən və ya onların davam etməsinə təsir edən hallar dəyişərsə, hər bir tərəf yeni iddia vermək yolu ilə ödəmələrin miqdarını və müddətlərini dəyişdirməyi tələb etməyə haqlıdır. Məhkəmə qeyd edir ki, Azərbaycan Respublikası Prezdentinin 23 dekabr 2024-cü il tarixli Qanununa əsasən minimum aylıq əmək haqqının məbləği 2025-ci il yanvarın 1-dən 400 manat müəyyən edilmişdir. Azərbaycan Respublikası Mülki Prosessual Məcəlləsinin: 232.1- ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. 232-2-ci maddəsinə əsasən ödənilməli pul məbləğlərinin indeksasiyası barədə ərizəyə məhkəmə iclasında baxılır. İşdə iştirak edən şəxslər məhkəmə iclasının vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. 232.2- cü maddəsinə əsasən ödənilməli pul məbləğlərinin indeksasiyası barədə məhkəmə qərardadından şikayət verilə bilər. Azərbaycan Respublikası Ailə Məcəlləsinin: 110.1- ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. 110.2- ci maddəsinə əsasən alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə Azərbaycan Respublikası Ali Məhkəməsi Plenumunun xx.xx.2024-cü il tarixli, 15 nömrəli qərarına əsasən: “Ailə Məcəlləsinin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. İstinad edilən maddənin tələbindən göründüyü kimi məhkəmələr sabit pul məbləğində aliment təyin edərkən onun miqdarını ölkə üzrə minimum əmək haqqı məbləğinin müvafiq misli həddində müəyyən etməlidirlər. Nəzərə alınmalıdır ki, Ailə Məcəlləsinin 110.1-ci maddəsinə əsasən bu Qərarın 8.4-1ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır. Alimentin indeksasiyasından fərqli olaraq, Ailə Məcəlləsinin 112-ci maddəsində nəzərdə tutulmuş halların mövcudluğu məhkəmənin müəyyən etdiyi alimentin miqdarının (minimum əmək haqqına münasibətdə müəyyən edilmiş mislinin) dəyişdirilməsi barədə müstəqil iddianın qaldırılması üçün əsasdır. Əgər iddia minimum əmək haqqı məbləğinin artımına əsaslanırsa, başqa sözlə, iddianın mahiyyəti indeksasiya xarakteri daşıyırsa, bu məsələnin icra icraatı qaydasında (Ailə Məcəlləsinin 110-cu və MPM-in 232-ci maddələri) həll edilməli olması nəzərə alınmalı və MPM-in 153.2.1-ci maddəsinə əsasən iddianın yolverilməzliyinə görə iddia ərizəsinin icraata qəbul edilməsindən imtina edilməli, əgər iddia ərizəsi artıq icraata qəbul edilmişsə, MPM-in 261.0.1-ci maddəsinə əsasən mülki iş üzrə icraata xitam verilməlidir.”; Nəzərə alınmalıdır ki, Ailə Məcəlləsinin 55.3-cü maddəsində nəzərdə tutulan tələb qətnamənin icra qaydasının müəyyən edilməsi barədə müraciətdir. Alimentin tutulması tələbinə dair iddiaya baxılarkən bu barədə edilmiş müraciət MPM-in 220.6-cı maddəsində nəzərdə tutulan qaydada həll edilir. Məhkəmə qətnaməsi ilə tutulan alimentə münasibətdə bu məsələ borclunun ərizəsi əsasında MPM-in 231.1-ci maddəsində nəzərdə tutulan qaydada həll edilir.; Alimentin ödənilməsinin Ailə Məcəlləsinin 55.3-cü maddəsində nəzərdə tutulan icra qaydasının müəyyən edilməsindən sonra həmin qaydanın dəyişdirilməsi və ya ləğv edilməsi ilə bağlı əsaslar yaranarsa, belə müraciətlərə də MPM-in 231.1-ci maddəsində Alimentin məhkəməyə müraciət edildiyi vaxtdan tutulmasına dair Ailə Məcəlləsinin 100.2-ci maddəsində nəzərdə tutulmuş qayda həmin Məcəllənin 112-ci maddəsinə əsasən artırılmış aliment məbləğinin tutulmasına da şamil edilir. Lakin nəzərə alınmalıdır ki, alimentin artırılmasına dair qətnamələr MPM-in 234.2.1-ci maddəsində nəzərdə tutulmuş dərhal icra edilən qətnamələrin sırasına aid edilməmişdir.”; Məhkəmə Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə Azərbaycan Respublikası Ali Məhkəməsi Plenumunun xx.xx.2024-cü il tarixli, 15 nömrəli qərarı nəzərə alınmaqla o nəticəyə gəlir ki, indeksasiya həyata keçirilən zaman qüvvədə olan qətnamə ilə tutulmuş alimentin miqdarının həmin alimentin tutulduğu il üzrə müəyyən edilmiş minimum əmək haqqının neçə mislini təşkil etdiyi müəyyən edilməli və alimentin məbləği ölkə üzrə müəyyən olunmuş minimum əmək haqqının eyni misli həddində indeksasiya olunmalıdır. Lerik Rayon Məhkəməsinin 09 aprel 2024-cü il tarixli 2(048)-226/2024 saylı qətnaməsi ilə müəyyən olunur ki, qətnaməsinə əsasən tərəflərin birgə nikahından olan 24 fevral 2012-ci il tarixdə anadan olmuş X6 yetkinlik yaşına çatanadək saxlanması üçün cavabdeh Maraqlı şəxs2 hər ay tutulmalı olan 100 manat sabit pul məbləğində aliment tutularaq İddiaçı X3 verilməsi qət edilmişdir. 2024-cü ildə ölkə üzrə minimum əmək haqqı 345 manat olduğundan bu da Lerik Rayon Məhkəməsinin 09 aprel 2024-cü il tarixli 2(048)-226/2024 saylı qətnaməsi ilə uşağın saxlanması üçün müəyyən olunmuş aliment minimum əmək haqqının (100:345=0.28) 0.28 mislin təşkil etdiyindən aliment eyni misli həddində indeksasiya olunmalıdır. Lerik Rayon Məhkəməsinin 19 dekabr 2023-cü il tarixli 16(048)-18/2023 saylı qərardadı və 09 aprel 2024-cü il tarixli 2(048)-226/2024 saylı qətnaməsi ilə uşağın saxlanması üçün müəyyən olunmuş 100 aliment məbləği cavabdeh tərəfindən ödənilmədiyi üçün yaranmış 1300 manat məbləğində aliment borcu indeksasiya olunarkən müəyyən olunmuşdur ki, Azərbaycan Respublikası Dövlət statistika Komitəsinin İstehlak qiymətlərinin hesablanmasına dair kalkulyatorun hesablamasına əsasən 2023-cü ilin dekabr ayından 2025-ci ilin yanvar ayına kimin qiymətlər indeksi 105.9 faiz təşkil etmiş, yəni infilasiya dərəcəsi 5.9 faiz olduğundan yaranmış 1300 aliment borcu (1300x5.9%=76.7) 76.7 manat hesablanmışdr. Bugünə yanamış indeksasiya olunmuş aliment borcu 1376.7 manat təşkil edir. Bununla da 09 aprel 2024-cü il tarixli 2(048)-226/2024 saylı qətnaməsi ilə tutulan alimentin indeksasiya edilməsi barədə ərizəsi təmin edilməli, Maraqlı şəxs2 24 fevral 2012-ci il tarixdə anadan olmuş X6 yetkinlik yaşına çatanadək saxlanılması üçün X2 xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.28 misli həddində sabit pul məbləğində aliment tutulmalıdır. Ödənilməmiş 1300 manat aliment borcu indeksasiya olunaraq 1376.7 manat təşkil etdiyi müəyyən olunmalıdır. Şərh olunanlara əsaslanaraq və Azərbaycan Respublikası MPM-nin 232, 263-264, 267-268-ci maddələrini rəhbər tutaraq, məhkəmə QƏRARA ALDİ: Tələbkar-ərizəçi X1 Lerik Rayon Məhkəməsinin 09 aprel 2024-cü il tarixli 2(048)- 226/2024 saylı qətnaməsi ilə tutulan alimentin indeksasiya edilməsi barədə ərizəsi təmin edilsin. Maraqlı şəxs2 24 fevral 2012-ci il tarixdə anadan olmuş X6 yetkinlik yaşına çatanadək saxlanılması üçün X1 xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0.28 misli həddində sabit pul məbləğində aliment tutulsun. 20243-cü ilin dekabr ayından 2025-ci ilin yanvar ayına kimi cavabdeh Maraqlı şəxs2 tərəfindən ödənilməmiş 1300 manat aliment borcu indeksasiya olunaraq 1376.7 manat məbləğində pul tutularaq ərizəçi X2 xeyrinə verilməsi müəyyən edilsin. İndeksasiya olunmuş alimentin tutulması 06 mart 2025-ci il tarixli 8(048)-5/2025 saylı qərardad qanuni qüvvəsin aldığı tarixdən hesablansın. Qərardaddan tərəfə rəsmi qaydada verildikdən sonra 10 gün müddətində Lerik Rayon Məhkəməsinə şikayət verilə bilər. Hakim: Rövşən Xəlilov