Lənkəran Rayon Məhkəməsi Qərardad — İş №8(049)-235/2023

Azərbaycan Respublikası adından QƏRARDAD Lənkəran şəhəri İş № 8(049)-235/2023 08.08.2023 LƏNKƏRAN RAYON MƏHKƏMƏSİ X5 Əhmədağa oğlunun sədrliyi, Hadıyev İsaq Sabir oğlunun katibliyi ilə, Lənkəran Rayon İcra və Probasiya Şöbəsi tərəfindən verilmiş «borclunun ölkədən getmək hüququnun müvəqqəti məhdudlaşdırılması haqqında» təqdimata açıq məhkəmə iclasında baxaraq, məhkəmə MÜƏYYƏN ETDİ: Lənkəran Rayon İcra və Probasiya Şöbəsinin icra məmuru X3 təqdimatla məhkəməyə müraciət edərək, Borclu ölkədən getmək hüququnun müvəqqəti məhdudlaşdırılması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Lənkəran Rayon Məhkəməsi tərəfindən verilmiş 2(049)-601/2023 nömrəli, 23 may 2023-ci il tarixli icra sənədinə əsasən, ünvan 1 ünvanında yaşayan Borclu xx.xx.2020-ci il təvəllüdlü X2 yetkinlik yaşına çatana kimi saxlanılmasından ötrü hər ay 180 manat sabit pul məbləğində aliment, həmçinin 3 yaşına çatana kimi saxlanması üçün tələbkarın uşağa qulluq edəcəyinə görə hər ay 50 manat aliment alınaraq tələbkar X1 xeyrinə verilməlidir. Borclu, könüllü icra üçün müəyyən olunmuş vaxtda icra sənədinin tələbini icra etməkdən yayınmışdır. Beləliklə də “İcra haqqında” AR qanununa əsasən məcburi icra tədbirlərinə başlanılmışdır. Məcburi icra tədbirləri zaman borclunun mülkiyyətində, tələbin yönəldilə biləcəyi əmlak aşkar edilməmiş, borclu tərəfindən icra sənədinin icra edilməməsi məqsədi ilə ölkədən getmək istədiyi müəyyən olunmuş və bu səbəbdən onun ölkədən getmək hüququnun müvəqqəti məhdudlaşdırılması zərurəti yaranmışdır. İcra məmuru, borclu və tələbkar məhkəmə iclasının keçirilməsinin vaxtı və yeri barədə lazımi qaydada xəbərdarlıq edilmələrinə baxmayaraq, onlar məhkəmə iclasına gəlməmiş və gəlməmələrinin səbəbləri barədə heç bir məlumat verməmişlər. Məhkəmə hesab edir ki, onların gəlməməsi qoyulmuş məsələnin həll edilməsinə mane olmur. Məhkəmə təqdimatı və ona əlavə olunmuş sənədləri araşdırıb, işin faktiki hallarını nəzərə alaraq hesab edir ki, təqdimat təmin olunmalıdır. Belə ki, Azərbaycan Respublikası Konstitusiyasının 151-ci maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikasının Mülki Prosessual Məcəlləsinin 15.2 və 15.3-cü maddələrinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Odur ki, icra sənədinin icrasının təmin olunması məqsədilə icra qurumu tərəfindən görülmüş icra tədbirləri nəticəsində Borclu Azərbaycan Respublikası ərazisini tərk etməklə məhkəmə tərəfindən verilmiş icra sənədinin icrasından yayınması ehtimalı müəyyən edilmişdir. «İcra haqqında» Azərbaycan Respublikası Qanununun 84-1.1-ci maddəsinə göstərilir ki, məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 267, 268 və 269-cu maddələrini rəhbər tutaraq, QƏRARA ALDİ: Təqdimat təmin edilsin. Lənkəran Rayon Məhkəməsi tərəfindən verilmiş 2(049)-601/2023 nömrəli, xx.xx.2023-ci il tarixli icra sənədinin icrası məqsədi ilə xx.xx.1988-ci il təvəllüdlü, Azərbaycan Respublikası vətəndaşı, ünvan 1 ünvanında yaşayan Borclu ölkədən getmək hüququ müvəqqəti məhdudlaşdırılsın. Qərardadın icrası Lənkəran Rayon İcra və Probasiya Şöbəsinə həvalə edilsin. Qərardad rəsmi qaydada verildikdən sonra 10 gün müddətində Lənkəran Rayon Məhkəməsinə şikayət verilə bilər. X6