Lənkəran Rayon Məhkəməsi Qərardad — İş №8(049)-369/2023

Azərbaycan Respublikası adından QƏRARDAD Lənkəran şəhəri İş № 8(049)-369/2023 02.11.2023 LƏNKƏRAN RAYON MƏHKƏMƏSİ Hakim Ağabəyov Nicat Rauf oğlunun sədirliyi, məhkəmə iclasının katibi Caniyev Tofiq Əmrəli oğlunun katibliyi ilə, Lənkəran Rayon İcra və Probasiya Şöbəsinin icra məmuru, İ dərəcəli ədliyyə qulluqçusu X1 «əmlak üzərinə həbs qoyulması barədə” təqdimatına açıq məhkəmə iclasında baxaraq, məhkəmə MÜƏYYƏN ETDİ: Lənkəran rayon İcra və Probasiya Şöbəsinin icra məmuru X3 təqdimatla məhkəməyə müraciət edərək, Lənkəran Rayon Məhkəməsi tərəfindən verilmiş 2(049)-1917/2023 saylı, xx.xx.2023-cü il tarixli icra sənədiin icrasını təmin etmək məqsədi ilə Borclu Adıl oğlunun mülkiyyətində olan Lənkəran şəhəri Hənifə Abdullayev küçəsində 0,0032 ha torpaq sahəsind yerləşən 0,0030 kv.m əmlakın üzərinə həbs qoyulması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, Lənkəran Rayon Məhkəməsi tərəfindən verilmiş 2(049)-1917/2023 saylı, xx.xx.2023-cü il tarixli icra sənədinə əsasən Borclu xx.xx.2023-cü il tarixdən hesablanmaqla iki uşağın saxlanılması üçün hər ay 320 (üç yüz iyirmi) manat aliment tutularaq tələbkar X2 ödənilməlidir. Həmin icra sənədi xx.xx.2023-cü il tarixdə Lənkəran rayon İcra və Probasiya Şöbəsinin icraatına daxil olmuş və tərəfimizdən həmin tarixdə “İcraata başlamaq haqqında” qərar qəbul olunaraq borcluya göndərilmişdir. Borclu hal-hazıra kimi tələbkar X2 aliment ödəməmiş və onun 1920 (min doqquz yüz iyirmi) manat aliment borcu yığılmışdır. Görülmüş icra tədbirləri nəticəsində Borclu mülkiyyətində Lənkəran şəhəri Hənifə Abdullayev küçəsində 0,0032 ha torpaq sahəsində, 0,0030 kv.m əmlakın olması müəəyən edilmişdir. Borclu aliment borcunu ödəmədiyindən tələbin onun mülkiyyətində olan Lənkəran şəhəri Hənifə Abdullayev küçəsində 0,0032 ha torpaq sahəsində, 0,0030 kv.m əmlakın üzərinə həbs qoyulması zərurəti yaranmışdır. Məhkəmə iclasının vaxtı və yeri barədə müvafiq qaydada məlumatlandırılmış təqdimat vermiş orqanın və tələbkarın nümayəndəsi və borclu məhkəmə iclasına gəlməmiş, gəlməmələrinin səbəbləri barədə məlumat verməmişlər və işə onların iştirakı olmadan baxılmasını xahiş etməmişlər. Məhkəmə işə təqdimat vermiş orqanın nümayəndəsinin, tələbkarın və borclunun iştirakı olmadan baxılmasını mümkün hesab etmişdir. Məhkəmə təqdimatı tədqiq edib, işin faktiki hallarını nəzərə alaraq hesab edir ki, təqdimat təmin olunmalıdır. Belə ki, təqdimata əlavə edilmiş: Lənkəran Rayon Məhkəməsi tərəfindən verilmiş 2(049)-1917/2023 saylı, xx.xx.2023-cü il tarixli icra sənədindən görünür ki, Borclu xx.xx.2023-cü il tarixdən hesablanmaqla iki uşağın saxlanılması üçün hər ay 320 (üç yüz iyirmi) manat aliment tutularaq tələbkar X2 ödənilməlidir. Lənkəran Rayon İcra və Probasiya Şöbəsinin Borclu ünvanlanmış xx.xx.2023-cü il tələbin könüllü icrası haqqında bildirişdən görünür ki, Lənkəran Rayon Məhkəməsi tərəfindən 2(049)-1917/2023 saylı, xx.xx.2023-cü il tarixli icra vərəqəsi üzrə tələbin könüllü icra edilməsi bildirilmişdir. Elektron icra sistemindən çıxarışdan görünür ki, Lənkəran şəhəri Hənifə Abdullayev küçəsində 0,0032 ha torpaq sahəsində, 0,0030 kv.m əmlak Borclu mülkiyyətindədir. «İcra haqqında» Azərbaycan Respublikası Qanununun 45.1-ci maddəsinə görə «tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir». Həmin Qanunun 47.2-ci maddəsinə əsasən borclunun üçüncü şəxslərdə olan əmlakına həbs qoyulması yalnız məhkəmənin qərardadı əsasında həyata keçirilir. Həmin Qanunun 50.1-ci maddəsinə əsasən «icraata başlamaq haqqında qərar borcluya təqdim olduğu gündən ən geci 1 ay müddətində, zəruri hallarda isə, qərarın təqdim olunması ilə eyni vaxtda borclunun əmlakı üzərinə həbs qoyulur». Həmin Qanunun 50.2-ci maddəsinə görə «borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə, əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur». Beləliklə, məhkəmə işin faktiki hallarını və toplanmış sübutları qiymətləndirərək hesab edir ki, icra məmurunun təqdimatda qeyd etdiyi «borclunun əmlakı üzərinə həbs qoyulması ilə bağlı xahişi qanunun tələblərinə uyğun olduğuna görə təmin edilməlidir. Beləliklə, yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 263, 264, 267, 268 və 269-cu maddələrini rəhbər tutaraq, məhkəmə QƏRARA ALDİ: Təqdimat təmin edilsin. Lənkəran Rayon Məhkəməsi tərəfindən verilmiş 2(049)-1917/2023 saylı, xx.xx.2023-cü il tarixli icra sənədinin icrasını təmin etmək məqsədi ilə Borclu mülkiyyətində olan «Lənkəran şəhəri, Hənifə Abdullayev küçəsində 0,0032 ha torpaq sahəsində, 0,0030 kv.m əmlakın üzərinə üzərinə həbs qoyulsun. Qərardadın icrası Lənkəran Rayon İcra və Probasiya Şöbəsinə həvalə edilsin. Qərardad rəsmi qaydada verildikdən sonra 10 gün müddətində Lənkəran Rayon Məhkəməsinə şikayət verilə bilər. Hakim Nicat Ağabəyov