Neftçala Rayon Məhkəməsi Qərardad — İş №8(053)-15/2024

Azərbaycan Respublikası adından QƏRARDAD Neftçala rayonu İş № 8(053)-15/2024 17.07.2024 NEFTÇALA RAYON MƏHKƏMƏSİ Neftçala Rayon Məhkəməsinin hakimi Quliyev Samir İdris oğlunun sədrliyi, Qəmbərov Əli Qəmbər oğlunun katibliyi, Neftçala rayon İcra və probasiya şöbəsinin böyük icra məmuru X1 iştirakı ilə Neftçala rayon İcra və probasiya şöbəsinin böyük icra məmurunun “Borclunun ölkədən getmək hüququnun müvəqqəti məhdudlaşdırılmasına dair” təqdimatına məhkəmə iclasında baxaraq, məhkəmə MÜƏYYƏN ETDİ: Abşeron Rayon Məhkəməsinin e-2(012)-128/2023 nömrəli iş üzrə 14 noyabr 2023-cü il tarixdə verilmiş, 13 sentyabr 2023-cü il tarixli icra sənədi ilə Borclu dəymiş ziyana görə 2.523 manat, hüquqi yardıma görə ödənilmiş 100 manat və 48 manat dövlət rüsumu olmaqla, cəmi 2.671 manat pul vəsaiti tutularaq Tələbkar xeyrinə ödənilməsi və aparılmış ekspertiza tədqiqatına görə 50 manat pul vəsaitinin Borclu tutulub Məhkəmə Ekspertiza Mərkəzinin hesabına köçürülməsi müəyyən edilmişdir. Neftçala rayon İcra və probasiya şöbəsinin böyük icra məmuru X2 təqdimatla məhkəməyə müraciət edərək göstərmişdir ki, Abşeron Rayon Məhkəməsinin e-2(012)-128/2023 saylı, 13 sentyabr 2023-cü il tarixli icra sənədinə əsasən Borclu 2.671 manat məbləğində pul vəsaiti tutularaq Tələbkar ödənilməsi və ekspertiza tədqiqatının dəyəri 50 manat ekspertiza xərcinin Məhkəmə Ekspertiza Mərkəzinin hesabına köçürülməsi qərara alınmışdır. İcra sənədi 07 dekabr 2023-cü il tarixdə icraata daxil olmuş və iş üzrə icraata başlamaq haqqında qərar qəbul edilmiş və borcluya bildiriş göndərilmişdir. Tələb könüllü təmin edilmədiyindən borclu barəsinbdə məcburi icra tədbirlərinə başlanılmış, elektron sorğular nəticəsində borclunun adına hər hansı gəlir və əmlak aşkar olunmamışdır. Həmçinin də borc tam şəkildə ödənilməmişdir. Hesab edir ki, Borclu Azərbaycan Respublikası ərazisini tərk etməməsi üçün onun ölkədən getmək hüququ müvəqqəti məhdudlaşdırılmalıdır. Yuxarıda göstərilənlərə əsasən və “İcra haqqında” Azərbaycan Respublikası Qanununun 84-1.1-ci maddəsinə əsaslanaraq Borclu ölkədən getmək hüququnun müvəqqəti məhdudlaşdırılmasını məhkəmədən xahiş etmişdir. Neftçala rayon İcra və probasiya şöbəsinin böyük icra məmuru X2 məhkəmə iclasında borclunun cəmi 200 manat ödəniş etdiyini, təqdimatı müdafiə edərək onun təmin olunmasını xahiş etdi. Tədqimata məhkəmə iclasında baxılmasının vaxtı və yeri barədə lazımı qaydada bildiriş göndərilmiş iddiaçı (tələbkar) Tələbkar və cavabdeh (borclu) Borclu məhkəmə iclasına gəlməmiş, nümayəndəsini göndərməmişdir. Məhkəmə təqdimata tərəflərin iştirakı olmadan baxılmasını mümkün hesab etmişdir. Məhkəmə təqdimatı və ona əlavə olunmuş sənədləri tədqiq edərək hesab edir ki, təqdimat təmin olunmalıdır. Məhkəmədə müəyyən olunur ki, Abşeron Rayon Məhkəməsinin e-2(012)-128/2023 nömrəli iş üzrə 14 noyabr 2023-cü il tarixdə verilmiş, 13 sentyabr 2023-cü il tarixli icra sənədinə əsasən Borclu dəymiş ziyana görə 2.523 manat, hüquqi yardıma görə ödənilmiş 100 manat və 48 manat dövlət rüsumu olmaqla, cəmi 2.671 manat pul vəsaiti tutularaq Tələbkar xeyrinə ödənilməsi və aparılmış ekspertiza tədqiqatına görə 50 manat Borclu alınaraq Məhkəmə Ekspertiza Mərkəzinin hesabına köçürülməsi müəyyən edilmişdir. İcra sənədi üzrə Borclu borcundan 200 manat ödəniş etmişdir. Borclu borcunu ödəməkdən yayınır və onun ölkə ərazisini tərk etməməsi üçün ölkədən getmək hüququnun müvəqqəti məhdudlaşdırılması zəruridir. Azərbaycan Respublikası MPM-nin 231.3-cü maddəsinə əsasən “İcra haqqında” Azərbaycan Respublikası Qanununun 21.2-ci maddəsi ilə müəyyən edilmiş əsaslara uyğun olaraq icra sənədi üzrə icraatın məhkəmələr tərəfindən dayandırılmalı olduğu hallarda icra üzrə icraatın dayandırılması (bundan sonra - icra üzrə icraatın dayandırılması) məsələləri, habelə borclunun ölkədən getmək hüququnun müvəqqəti məhdudlaşdırılması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, kommersiya məhkəməsinin verdiyi icra sənədinə əsasən başlanmış icraat isə həmin kommersiya məhkəməsi və ya icra məmurunun olduğu yer üzrə müvafiq kommersiya məhkəməsi tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması, habelə borclunun ölkədən getmək hüququnun müvəqqəti məhdudlaşdırılması haqqında təqdimatlara bu Məcəllənin 231.2-ci maddəsi ilə nəzərdə tutulmuş qaydada baxılır ”. “İcra haqqında” Azərbaycan Respublikası Qanununun 84-1.1-ci maddəsinə əsasən “Məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verili”. Həmin Qanunun 84-1.2-ci maddəsinə əsasən “Borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Həmin qərar dərhal borcluya, tələbkara, məhkəməyə və müvafiq icra hakimiyyəti orqanına göndərilir”. “Borclunun ölkədən getmək hüququnun müvəqqəti məhdudlaşdırılmasının icra xidməti tərəfindən tətbiqi qaydaları haqqında” Təlimatın 2.2-ci bəndinə əsasən borclunun ölkədən getmək hüququnun müvəqqəti məhdudlaşdırılması zərurəti yarandıqda icra məmuru təqdimatla məhkəməyə müraciət etməzdən əvvəl: 2.2.1. könüllü icra üçün bildirişin borcluya rəsmən təqdim olunmasını, yəni icra məmurunun özü, yaxud müəyyən olunmuş qaydada sifarişli poçt göndərişi (məktubu) ilə rabitə orqanları tərəfindən borclunun yaşadığı ünvana və ya onun işlədiyi yer üzrə çatdırılmasını təmin edir. Könüllü icra üçün bildiriş borcluya qəbzə və ya sənədin kötüyünə imza etdirilməklə verilir. Bildirişlərin rəsmi qaydada verilməsi icra qurumunda da həyata keçirilə bilər. Borclu onun yaşadığı, yaxud işlədiyi yer üzrə tapılmadıqda, bildiriş borclu ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda yerli icra hakimiyyəti orqanına, ünvan sahibinin yaşadığı yer üzrə yerli özünüidarə orqanına, yaxud onun işlədiyi yer üzrə müdiriyyətə verilir. Borclunun əvəzinə bildirişi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməlidir. Göründüyü kimi icra məmuru icra sənədinin icrası ilə bağlı qanunla müəyyən edilmiş bütün zəruri tədbirləri görmüşdür. Abşeron Rayon Məhkəməsinin e-2(012)-128/2023 nömrəli iş üzrə 14 noyabr 2023cü il tarixdə verilmiş, 13 sentyabr 2023-cü il tarixli icra sənədinin icra olunması ilə əlaqədar Borclu ölkədən getmək hüququ borcunu ödəyənədək müvəqqəti məhdudlaşdırılmalıdır. Yuxarıda göstərilənləri və Azərbaycan Respublikası MPM-nin 231, 263-264-cü maddələrini rəhbər tuturaq, məhkəmə QƏRARA ALDİ: Təqdimat təmin edilsin. Abşeron Rayon Məhkəməsinin e-2(012)-128/2023 nömrəli iş üzrə 14 noyabr 2023cü il tarixdə verilmiş, 13 sentyabr 2023-cü il tarixli icra sənədinin icra olunması ilə əlaqədar xx xxxxxx 1989-cu il tarixdə Salyan şəhərində anadan olmuş, Neftçala rayonu, Qırmızıkənd kəndində qeydiyyatda olan və yaşayan Borclu ölkədən getmək hüququ borcunu ödəyənədək müvəqqəti məhdudlaşdırılsın. Qərardaddan rəsmi qaydada verildikdən sonra 10 (on) gün müddətində Neftçala Rayon Məhkəməsinə şikayət verilə bilər. Hakim Samir Quliyev