Neftçala Rayon Məhkəməsi Qərardad — İş №8(053)-92/2025

Azərbaycan Respublikası adından QƏRARDAD Neftçala rayonu İş № 8(053)-92/2025 18.11.2025 NEFTÇALA RAYON MƏHKƏMƏSİ Hakim Qasımzadə Ləman Fəxrəddin qızı, X1 alimentin indeksasiya edilməsi barədə ərizəsini və əlavə edilmiş sənədləri Neftçala Rayon Məhkəməsinin inzibati binasında nəzərdən keçirərək müəyyən etdi: X2 alimentin indeksasiya edilməsi barədə ərizə ilə məhkəməyə müraciət edərək, Neftçala Rayon Məhkəməsinin xx.xx.2020-ci il tarixli qətnaməsi ilə müəyyən edilmiş xx.xx.2012-ci il təvəllüdlü X5 yetkinlik yaşına çatanadək saxlanması üçün hər ay 246 manat alimentin ölkə üzrə müəyyən edilmiş minimum əmıək haqqı həddində indeksasiya olunmasına dair qərardad qəbul edilməsini məhkəmədən xahiş etmişdir. Ərizəni və ona əlavə edilmiş sənədləri nəzərdən keçirərək məhkəmə hesab edir ki, ərizə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin (bundan sonra MPM-nin) 149.2.5-ci maddəsinə əsasən ərizəyə əlavə edilən sənədlərin siyahısı göstərilməlidir. MPM-nin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər iddia ərizəsinə əlavə edilməlidir. Hazırki halda MPMnin 150.0.5-ci maddəsinin tələblərinə əməl edilməmiş, icra məmuru tərəfindən öz tələbini əsaslandığı hallara dair sənədlər ərizəyə əlavə edilməmişdir. Həmçinin məhkəmə qeyd edir ki, ərizəçinin ərizəsinin xahiş edirəm hissəsində tələbini aydın və konkret qeyd etməməklə qeyri-müəyyən qoymuşdur. AR MPM-nin 152.1.1-ci maddəsinə görə ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. MPM-nin 13.4-cü maddəsinə əsasən mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. Beləliklə, məhkəmə MPM-nın 13.4-cü maddəsinə əsasən prosessual hüquq münasibətlərinə analogiya üzrə həmin Məcəllənin 152.1.1-ci maddəsini tətbiq edərək hesab edir ki, Sumqayıt şəhəri üzrə İcra İdarəsinin təqdimatı geri qaytarılmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 152, 263-264, 266-268-ci maddələrini rəhbər tutaraq məhkəmə qəraraaldı: X1 alimentin indeksasiya edilməsi barədə ərizəsi geri qaytarılsın. Qərardad tərəfə rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Neftçala Rayon Məhkəməsinə şikayət verilə bilər. Hakim: Ləman Qasımzadə