Oğuz Rayon Məhkəməsi Qərardad — İş №8(054)-44/2025

Azərbaycan Respublikası adından QƏRARDAD Oğuz rayonu İş № 8(054)-44/2025 21.04.2025 OĞUZ RAYON MƏHKƏMƏSİ X6 Nazim qızının sədrliyi, Rəsulov Aqil Zeynəddin oğlunun katibliyi, Borclu iştirakı ilə, Tələbkar Oğuz Rayon Məhkəməsinin 2(054)-346/2024 saylı, 09 sentyabr 2024-cü il tarixli icra sənədi üzrə Borclu qarşı alimentin məbləğinin sonrakı artımlar da nəzərə alınmaqla 2025-ci il üzrə müəyyən olunmuş minimum əmək haqqının 0,37 misli həddində indeksasiya olunması barədə qərardad çıxarılmasına dair ərizəsinə 21 aprel 2025-ci il tarixdə Oğuz Rayon Məhkəməsinin binasında açıq məhkəmə iclasında baxaraq müəyyənetdi: Tələbkar Oğuz Rayon Məhkəməsinin 2(054)-346/2024 saylı, 09 sentyabr 2024-cü il tarixli icra sənədi üzrə Borclu qarşı alimentin məbləğinin sonrakı artımlar da nəzərə alınmaqla 2025-ci il üzrə müəyyən olunmuş minimum əmək haqqının 0,37 misli həddində indeksasiya olunması barədə qərardad çıxarılmasına dair ərizə ilə məhkəməyə müraciət etmişdir. Məhkəmə iclasının vaxtı və yeri barədə tərəflərə məlumat verilmiş, Maraqlı şəxs nümayəndəsi və tələbkar məhkəmə iclasında iştirak etməmiş və bunun səbəbi barədə məlumat verməmişlər. Məhkəmə işə baxılmasını mümkün hesab etmişdir. Ərizə və ona əlavə edilmiş sənədlər araşdırılarkən müəyyən edilmişdir ki, iddiaçı Tələbkar cavabdeh Borclu qarşı nikahın pozulması, uşaqların ananın himayəsində qalması və aliment tələbinə dair işə Oğuz Rayon Məhkəməsində xx.xx.2024-cü il tarixdə baxılaraq 2(054)-346/2024 saylı qətnamə ilə iddia tələbi qismən təmin edilmiş, iddiaçı Tələbkar ilə cavabdeh Borclu arasında 11 noyabr 2016-cı il tarixdə Oğuz rayonu Padar kənd icra nümayəndəliyində 24 sayla qeydə alınmış nikah pozulmuş, birgə nikahdan 01 dekabr 2018-ci il tarixdə anadan olmuş X5 və 30 iyun 2021-ci il tarixdə anadan olmuş X2 iddiaçı Tələbkar himayəsində saxlanılmış, cavabdeh Borclu (Mekhman) Vəli oğlunun qazancından və başqa gəlirlərindən hər ay hər uşağa 130 manat olmaqla, cəmi 260 manat sabit pul məbləğində alimentin tutularaq, 01 dekabr 2018-ci il tarixdə anadan olmuş X3 və 30 iyun 2021-ci il tarixdə anadan olmuş X1 yetkinlik yaşına çatanadək saxlanılması üçün iddiaçı Tələbkar xeyrinə verilməsi, alimentin bu qaydada tutulmasının 24 aprel 2024-cü il tarixdən hesablanması qət edilmişdir.Qətnamə qanuni qüvvəsini almış və icraya yönəldilmişdir. Tələbkar ərizəsini əsaslandıraraq bildirmişdir ki, 2024-cü ildə qətnamə çıxarıldığı zaman minimum əmək haqqı 345 manat olmuşdur. 2025-ci ildən minimum əmək haqqının məbləği artırılmaqla 400 manat müəyyən edilmişdir. Məhkəmə tərəfindən sözügedən qətnamənin icra üsulunun və qaydasının dəyişdirilməsi müəyyən edilə bilər. Buna görə də hər uşağa təyin edilmiş 130 manat alimentin sonrakı artımlar da nəzərə alınmaqla ölkə üzrə olan minimum əmək haqqının 0,37 misli həddində müəyyən edilməklə ona ödənilməli olan aliment məbləğinin indeksasiya edilməsi barədə ərizəsinin təmin edilməsini xahiş etmişdir. Məhkəmə iclasında Borclu ərizəyə etiraz edərək bildirdi ki, Rusiya Federasiyası vətəndaşıdır. Hazırda Oğuz rayon Qarabulaq kəndində yaşayır. Aliment borcu var. İş olanda fəhləlik edir. Dekabr ayında tələbkara pul verib.Tələbkar uşaqları da götürüb Bakıya gedib, uşaqları ona göstərmir. Buna görə də alimentin indeksasiya edilməsinə etiraz edir. Məhkəmə borclunu dinləyib, ərizəni və ona əlavə edilmiş sənədləri araşdırıb hesab edir ki, ərizə təmin edilməlidir. Azərbaycan Respublikası Mülki Prosessual Məcəlləsinin (MPM) 232.1-ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. «Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında» Azərbaycan Respublikası Ali Məhkəməsi Plenumunun 28 mart 2016cı il tarixli qərarına “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun 20 dekabr 2024-cü il tarixli, 15 nömrəli Qərarı ilə dəyişikliklər edilmiş və göstərilmişdir ki, nəzərə alınmalıdır ki, Ailə Məcəlləsinin 110.1-ci maddəsinə əsasən bu Qərarın 8.4-1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232- ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn, 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir). Hazırkı ərizədən və ona əlavə edilmiş sənədlərdən görünür ki, sabit pul məbləği barədə aliment 2024-cü ilin sentyabr ayında təyin edilmişdir. Azərbaycan Respublikası Prezidentinin “Minimum əmək haqqının artırılması haqqında” Sərəncamı ilə xx.xx.2023-cü il tarixdən Azərbaycan Respublikasında minimum əmək haqqı 345 AZN müəyyən edilmiş, həmin məbləğ xx.xx.2025-ci il tarixədək qüvvədə olmuşdur. Göstərilənlərə əsasən məhkəmə 2024-cü ildə bir uşaq üçün təyin edilmiş 130 manat məbləğində alimentin həmin zaman qüvvədə olan minimum əmək haqqının 0,37 mislini təşkil etdiyini nəzərə alaraq, Oğuz Rayon Məhkəməsinin xx.xx.2024-cü il tarixli, 2(054)- 346/2024 saylı qətnaməsinə əsasən Borclu iki uşaq üçün tutulan sabit pul məbləğində alimentin məbləğinin hər uşaq üçün ölkə üzrə müəyyən olunmuş minimum əmək haqqının 0,37 misli həddində indeksasiya olunmasını əsaslı sayır. MPM-nin 232.3-cü maddəsinə əsasən ödənilməli pul məbləğlərinin indeksasiyası barədə məhkəmə qərardadından şikayət verilə bilər. Şərh olunanlara əsasən və Azərbaycan Respublikası Mülki Prosessual Məcəlləsinin 232, 263-264 və 267-268-ci maddələrini rəhbər tutaraq, məhkəmə qəraraaldı: Ərizə təmin edilsin. Oğuz Rayon Məhkəməsinin 09 sentyabr 2024-cü il tarixli, 2(054)-346/2024 saylı qətnaməsinə əsasən cavabdeh Borclu hər uşaq üçün tutulan sabit pul məbləğində alimentin məbləği ölkə üzrə müəyyən olunmuş minimum əmək haqqının 0,37 misli həddində indeksasiya olunsun. Qərardadın icrası Maraqlı şəxsnə həvalə edilsin. Qərardaddan rəsmi qaydada verildikdən sonra 10 (on) gün müddətində Oğuz Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Səadət Zeynalova