Saatlı Rayon Məhkəməsi Qərardad — İş №8(055)-218/2025

Azərbaycan Respublikası adından QƏRARDAD Saatlı rayonu İş № 8(055)-218/2025 01.12.2025 SAATLI RAYON MƏHKƏMƏSİ Hakim Abuşov İxtiyar Əliyar oğlunun sədrliyi, Məhkəmə iclasının katibi X2 iştirakı ilə Saatlı Rayon Məhkəməsinin 16 sentyabr 2024-cü il tarixli, 2(055)-1019/2024 saylı qətnaməsi əsasında verilmiş 04 dekabr 2024-cü il tarixli icra sənədi üzrə Borclu ölkədən (Azərbaycan Respublikası hüdudlarından) getmək hüququnun müvəqqəti məhdudlaşdırılması barədə Saatlı Rayon İcra və Probasiya Şöbəsinin böyük icra məmuru X1 təqdimatına açıq məhkəmə iclasında baxaraq, M ü ə y y ə n e t d i: Saatlı Rayon Məhkəməsinin 16 sentyabr 2024-cü il tarixli, 2(055)-1019/2024 saylı qətnaməsi üzrə verilmiş 04 dekabr 2024-cü il tarixli icra sənədinə əsasən Borclu 5563,02 manat əsas borc, 606,45 manat faiz borcu, 64,68 manat cərimə və məhkəmədə iddia qaldırmaq üçün ödənilmiş 82,35 manat dövlət rüsumu, cəmi 6316,50 manat alınaraq tələbkar “X5” Açıq Səhmdar Cəmiyyətinin xeyrinə ödənilməlidir. Təqdimat onunla əsaslandırılmışdır ki, Borclu 6234 manat borc və məhkəmədə iddia qaldırmaq üçün ödənilmiş 82,35 manat dövlət rüsumu, cəmi 6316,50 manat alınaraq tələbkar “X5” Açıq Səhmdar Cəmiyyətinin xeyrinə ödənilməsi barədə Saatlı Rayon Məhkəməsinin 04 dekabr 2024-cü il tarixli icra sənədi 16 dekabr 2024-cü il tarixdə Saatlı Rayon İcra və Probasiya Şöbəsinə daxil olduqdan sonra icraata başlamaq haqqında qərar və tələbin 10 gün müddətində könüllü icra edilməsi barədə bildiriş Borclu göndərilmiş, lakin borclu icra sənədinin icrasını təmin etməmişdir. Hazırki vaxtadək Borclu tərəfindən tələb ödənilmədiyindən onun əmlak vəziyyəti barədə aidiyyəti orqanlara sorğular edilmiş, lakin borclunun heç bir əmlakı müəyyən edilmədiyindən, tələbin əmlaka yönəldilməsi mümkün olmamışdır. Borclunun istənilən vaxt Respublika hüdudlarından kənara çıxmasını və həmin vaxt icra sənədinin icrasının qeyri-mümkün olmasını nəzərə alaraq icra sənədinin icrasını təmin etmək məqsədi ilə Borclu ölkədən getmək hüququnun müvəqqəti məhdudlaşdırılması barədə qərardad çıxarılmasını məhkəmədən xahiş etmişdir. İşdə olan Saatlı Rayon Məhkəməsinin 16 sentyabr 2024-cü il tarixli, 2(055)- 1019/2024 saylı qətnaməsi üzrə verilmiş 04 dekabr 2024-cü il tarixli icra sənədindən görünür ki, Borclu 5563,02 manat əsas borc, 606,45 manat faiz borcu, 64,68 manat cərimə və məhkəmədə iddia qaldırmaq üçün ödənilmiş 82,35 manat dövlət rüsumu, cəmi 6316,50 manat alınaraq tələbkar “X5” Açıq Səhmdar Cəmiyyətinin xeyrinə ödənilməlidir. İşdə olan icraata başlamaq haqqında qərarın surətindən görünür ki, Saatlı Rayon Məhkəməsinin 16 sentyabr 2024-cü il tarixli, 2(055)-1019/2024 saylı qətnaməsi üzrə verilmiş 04 dekabr 2024-cü il tarixli icra sənədi 06 dekabr 2024-cü il tarixdə Saatlı Rayon İcra və Probasiya Şöbəsinin icraatına qəbul edilmiş və icraata başlanılmışdır. İşdə olan 06 dekabr 2024-cü il tarixli bildirişdən görünür ki, Saatlı Rayon İcra və Probasiya Şöbəsi tərəfindən Borclu bildiriş göndərilərək Saatlı Rayon Məhkəməsinin 16 sentyabr 2024-cü il tarixli, 2(055)-1019/2024 saylı qətnaməsi üzrə verilmiş 04 dekabr 2024-cü il tarixli icra sənədində göstərilən tələbin 10 gün müddətində könüllü icra edilməsi bildirilmişdir. Məhkəmə təqdimatı və təqdimata əlavə edilmiş sənədləri tədqiq edib belə hesab edir ki, təqdimat əsaslı olduğundan təmin edilməlidir. İş materiallarından görünür ki, borclu Ağayev X4 Rayon Məhkəməsinin 16 sentyabr 2024-cü il tarixli, 2(055)-1019/2024 saylı qətnaməsi üzrə verilmiş 04 dekabr 2024-cü il tarixli icra sənədini icra etməmişdir. «İcra haqqında» Azərbaycan Respublikası Qanununun 84-1.1-ci maddəsinə əsasən məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ böyük icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə böyük icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 231, 263-264, 267-268-ci maddələrini rəhbər tutaraq məhkəmə Q ə r a r a a l d ı: Təqdimat təmin edilsin. xx xxxxx 1978-ci il təvəllüdlü, Saatlı rayonu Soltanabad kəndində qeydiyyatda olmaqla həmin kənddə yaşayan Borclu ölkədən (Azərbaycan Respublikası hüdudlarından) getmək hüququ müvəqqəti məhdudlaşdırılsın. Qərardadın icrası Saatlı Rayon İcra və Probasiya Şöbəsinə həvalə edilsin. Qərardad dərhal qüvvəyə minir və qərardaddan şikayətin verilməsi onun icrasını dayandırmır. Qərardaddan rəsmi qaydada verildikdən sonra 10 (on) gün müddətinə “Elektron məhkəmə” informasiya sistemində yaradılan elektron kabinetdən istifadə etməklə Saatlı Rayon Məhkəməsinə yazılı şikayət verilə bilər. Qərardaddan şikayət verilmədikdə qərardad həmin müddət başa çatdığı vaxtdan sonrakı gün qanuni qüvvəyə minir.