Sabirabad Rayon Məhkəməsi Qərardad — İş №8(056)-253/2023

Azərbaycan Respublikası adından QƏRARDAD Sabirabad rayon İş № 8(056)-253/2023 07.11.2023 SABİRABAD RAYON MƏHKƏMƏSİ Hakim Allahverdiyev Səlim Məhərrəm oğlunun sədrliyi, Məhkəmə iclasının katibi Quliyev Mətin Azər oğlunun katibliyi ilə, Sabirabad rayon İcra və Probasiya şöbəsinin nəqliyyat vasitəsinin üzərinə həbs qoyulması barədə təqdimatına Sabirabad Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏNETDİ: Sabirabad rayon İcra və Probasiya şöbəsinin icra məmuru X1 təqdimatla məhkəməyə müraciət edərək, ünvan 1 ünvanında qeydiyyatda olan Borclu MMC-yə məxsus «Chevrolet Cruze» markalı ** PL *** dövlət nömrə nişanlı nəqliyyat vasitəsinin üzərinə həbs qoyulması və həmin avtomobilin dayanacağa yerləşdirilməsi barədə qərar qəbul edilməsini xahiş etmişdir. Təqdimat onunla əsaslandırmışdır ki, Şirvan Kommersiya Məhkəməsinin 2-2(121)-576/2023 saylı, xx.xx.2023-cü il tarixli icra sənədinə əsasən Borclu MMC-dən cəmi 15490 manat məbləğində pul vəsaiti tutularaq tələbkar "xxxx" MMC-yə ödənilməlidir. İcra sənədinin icraatına başlanması barədə xx.xx.2023-cü il tarixdə qərar qəbul edilmiş və qərarın surəti könüllü icra müddəti ərzində icra olunması üçün Borclu MMC-yə göndərilmişdir. Lakin borclu müəyyən edilmiş müddətdə icra sənədinin könüllü qaydada icrasını təmin etməmişdir. Borclunun əmlak vəziyyətinin müəyyən edilməsi üçün müvafiq sorğular verilmiş və iş üzrə Sabirabad rayon İcra və Probasiya Şöbəsinin “Elektron İcra Xidməti" portalından çıxarışına əsasən Borclu MMC-yə məxsus «Chevrolet Cruze» markalı ** PL *** dövlət qeydiyyat nişanlı avtomaşın qeydə alınmışdır. İcra sənədinin icrasının təmin edilməsi məqsədi ilə tələbin Borclu MMC-yə məxsus «Chevrolet Cruze» markalı ** PL *** dövlət qeydiyyat nişanlı avtomaşına yönəldilməsi barədə məhkəməyə təqdimat verilməsi zərurəti yaranmışdır. Məhkəmə iclasının vaxtı və yeri barədə lazımı qaydada xəbərdar edilmələrinə baxmayaraq, təqdimat vermiş şəxs X3 və Borclu MMC-nin səlahiyyətli nümayəndəsi məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Məhkəmə Azərbaycan Respublikasının Mülki Prosessual Məcəlləsinin 231.2-ci maddəsinə əsasən işə gəlməyən şəxslərin iştirakı olmadan baxılmasını mümkün hesab edir. Təqdimata əlavə edilmiş: Şirvan Kommersiya Məhkəməsinin 2-2(121)-576/2023 saylı, xx.xx.2023-cü il tarixli icra sənədindən görünür ki, Borclu MMC-dən cəmi 15490 manat məbləğində pul vəsaiti tutularaq tələbkar "xxxx" MMC-yə ödənilməlidir. xx.xx.2023-cü il tarixli «İcraata başlamaq haqqında qərar»dan görünür ki, Şirvan Kommersiya Məhkəməsinin 2-2(121)-576/2023 saylı, xx.xx.2023-cü il tarixli qərarının icraatına başlanılmış və Borclu MMC-yə icra vərəqəsinin könüllü qaydada icra olunması üçün 10 (on) gün müddətinə vaxt verilmişdir. “Elekton İcra Xidməti" portalının “avtomobil nəqliyyat məlumatları" bölməsinin məlumatına əsasən Borclu MMC-yə məxsus «Chevrolet Cruze» markalı ** PL *** dövlət nömrə nişanlı avtomaşın qeydə alınmışdır. Məhkəmə təqdimatı və ona əlavə edilmiş sənədləri nəzərdən keçirərək hesab edir ki, icra sənədinin icrasını təmin etmək məqsədi ilə təqdimat təmin edilməli, Borclu MMC-yə məxsus «Chevrolet Cruze» markalı ** PL *** dövlət nömrə nişanlı nəqliyyat vasitəsinin üzərinə həbs qoyulmalı və həmin nəqliyyat vasitəsi Dövlət Yol polisinin mühafizə olunan dayanacağına yerləşdirilməlidir. Belə ki, «İcra Haqqında» Azərbaycan Respublikası Qanununun: 43.1 və 43.1.1-ci maddələrinə əsasən borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbiridir. 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. 45.6-cı maddəsinə əsasən tələbkarın tələblərinin təmin edilməsi üçün borclunun yetərli pul vəsaitləri olmadıqda, Azərbaycan Respublikasının qanunvericiliyinə uyğun olaraq tələbin yönəldilə bilmədiyi əmlak istisna olmaqla, tələb borcluya məxsus olan digər əmlaka yönəldilir. 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlamaq üçün verilməsindən ibarətdir. İcra sənədi icraya yönədilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönədilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Azərbaycan Respublikasının Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Göstərilənlərə əsasən və «İcra Haqqında» Azərbaycan Respublikası Qanununun 43,45 və 50ci maddələrini, Azərbaycan Respublikasının Mülki Prosessual Məcəlləsinin 263-264, 267-268-ci maddələrini rəhbər tutaraq, məhkəmə QƏRARAALDİ: Təqdimat təmin edilsin. ünvan 1 ünvanında qeydiyyatda olan Borclu MMC-yə məxsus «Chevrolet Cruze» markalı ** PL *** dövlət nömrə nişanlı nəqliyyat vasitəsinin üzərinə həbs qoyulsun. «Chevrolet Cruze» markalı ** PL *** dövlət nömrə nişanlı nəqliyyat vasitəsi saxlanılaraq Dövlət Yol polisinin xüsusi mühafizə olunan dayanacağına (xüsusi saxlanc yerlərinə) yerləşdirilsin. Qərardad tərəfə rəsmi qaydada verildikdən sonra 10 (on) gün müddətində Sabirabad Rayon Məhkəməsinə şikayət verilə bilər.