Sabirabad Rayon Məhkəməsi Qərardad — İş №8(056)-72/2024

Azərbaycan Respublikası adından QƏRARDAD Sabirabad rayon İş № 8(056)-72/2024 18.04.2024 SABİRABAD RAYON MƏHKƏMƏSİ X1 Allahverdiyevin sədrliyi, Məhkəmə iclasının katibi Quliyev Mətin Azər oğlunun katibliyi ilə, Sabirabad Rayon Məhkəməsinin xx.xx.2023-cü il tarixli, 8(056)-131/2023 saylı qərardadı ilə Borclu məxsus «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərinə qoyulmuş həbsin götürülməsi barədə Sabirabad rayon İcra və Probasiya Şöbəsindən daxil olmuş təqdimata baxaraq, məhkəmə M Ü Ə Y Y Ə N E T D İ: Sabirabad Rayon İcra və Probasiya Şöbəsinin icra məmuru X2 təqdimatla məhkəməyə müraciət edərək, Sabirabad Rayon Məhkəməsinin xx.xx.2023-cü il tarixli, 8(056)-131/2023 saylı qərardadı ilə «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərinə qoyulmuş həbsin götürülməsi barədə qərar qəbul edilməsini xahiş etmişdir. Təqdimat vermiş şəxs xahişini onunla əsaslandırılmışdır ki, Şirvan Kommersiya Məhkəməsinin xx.xx.2022-ci il tarixli, e-2-2(121)-1021/2022 saylı icra sənədinə əsasən, Borclu Dövlət Sosial Müdafiə Fonduna olan ümumilikdə 706,24 manat məbləğində borcun ödənilməsinin təmin edilməsi məqsədi ilə 5 saylı Ərazi Vergilər İdarfəsinin **********5 saylı, xx.xx.2021-ci il tarixli qərarına əsasən 750 manat dəyərində siyahıya alınmış əmlak vergi orqanı tərəfindən müəyyən edilən ticarət şəbəkəsində satılmalı, cavabdeh Borclu 30 manat məbləğində dövlət rüsumu tutularaq dövlət büdcəsinə ödənilməlidir. Borclu icra sənədinin icrasını təmin etmədiyindən Sabirabad Rayon Məhkəməsinin xx.xx.2023-cü il tarixli, 8(056)- 131/2023 saylı qərardadı ilə onun mülkiyyətində olan «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərinə həbs qoyulmuşdur. Üzərinə həbs qoyulmuş avtomobil Sabirabad rayon sakini tərəfindən istifadə olunduğundan qeyd olunan icra sənədi Azərbaycan Respublikası “İcra haqqında” Qanunun 10.1-ci maddəsinə əsasən icra hərəkətlərinin davam etdirilməsi üçün Sabirabad rayon İcra və Probasiya Şöbəsinə göndərilmişdir. Məcburi icra tədbirləri nəticəsində icra sənədində qeyd olunmuş məbləğ borcludan tam şəkildə tutularaq tələbkarın hesabına köçürülmüş və xx.xx.2024-cü il tarixində Sabirabad rayon İcra və Probasiya şöbəsi tərəfindən qeyd olunan iş üzrə icraata xitam verilmişdir. Borclu üzərində olan borcunu tam şəkildə ödədiyindən Sabirabad Rayon Məhkəməsinin xx.xx.2023-cü il tarixli, 8(056)-131/2023 saylı qərardadına əsasən onun mülkiyyətində olan «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərindən həbsin götürülməsi zəruridir. Məhkəmə iclası zamanı Sabirabad Rayon İcra və Probasiya Şöbəsinin icra məmuru X2 göstərilənlərə uyğun izahat verərək təqdimatın təmin olunmasını xahiş etdi. Məhkəmə iclasının vaxtı və yeri haqqında lazımı qaydada xəbərdar edilmələrinə baxmayaraq, tələbkar və borclu məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Azərbaycan Respublikası Mülki Prosessual Məcəlləsinin 231.2-ci maddəsinə əsasən məhkəmə işə onların iştirakı olmadan baxmağı mümkün hesab etmişdir. Məhkəmə, təqdimatı və ona əlavə edilmiş materialları araşdıraraq hesab edir ki, təqdimat təmin edilməli və avtomobil üzərinə qoyulmuş həbs götürülməlidir. Belə ki, «İcra Haqqında» Azərbaycan Respublikası Qanununun 20.2-ci maddəsinə əsasən icra sənədi üzrə icraata xitam verilməsi barədə icra məmuru tərəfindən əsaslandırılmış qərar qəbul edilir. Həmin qərar icra qurumunun rəhbəri tərəfindən yoxlanılaraq təsdiq olunur və onun surəti 3 gün müddətində tərəflərə, habelə icra sənədini vermiş məhkəməyə və ya digər orqana göndərilir. Həmin Qanunun 20.5-ci maddəsinə əsasən tərəflər və icra sənədini vermiş digər orqan qərarın onlara təqdim olunduğu (onlar tərəfindən alındığı) gündən 10 gün müddətində həmin qərardadın müvafiq məhkəməyə şikayət verə bilərlər. Həmin Qanunun 20.8-ci maddəsinə əsasən icra məhkəməyə və ya icra sənədini vermiş digər orqana qaytarıldıqdan sonra icra məmuru təyin etdiyi bütün icra tədbirlərinin ləğv edir. Həmin Qanunun 43.1 və 43.1.1-ci maddələrinə əsasən borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbiridir. Həmin Qanunun 45.1-ci maddəsinə əsasən tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.1-ci maddəsinə əsasən icraata başlamaq haqqında qərar borcluya təqdim olunduğu gündən ən geci 1 ay müddətində, zəruri hallarda isə qərarın təqdim olunması ilə eyni vaxtda borclunun əmlakı üzərinə həbs qoyulur. Həmin Qanunun 50.2-ci maddəsinə əsasən borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Göründüyü kimi, ki, Şirvan Kommersiya Məhkəməsinin xx.xx.2022-ci il tarixli, e-2- 2(121)-1021/2022 saylı icra sənədinin icrasını təmin etmək məqsədi ilə Borclu mülkiyyətində olan avtomobilin üzərinə həbs qoyulmasının əsasları tam aradan qalxmışdır. Belə ki, borclu tərəfindən icra sənədinin tam icra edildiyi barədə ödəniş qəbzi İcra şöbəsinə təqdim edilmiş və icra məmuru tərəfindən icra sənədinin icraatına xitam verilməsi barədə qərar qəbul edilmişdir. Beləliklə borclunun mülkiyyətində olan avtomobilin üzərində həbslərin saxlanılmasının heç bir əsası qalmamışdır. Şərh edilənlərə əsasən məhkəmə belə hesab edir ki, təqdimat təmin edilməli, Sabirabad Rayon Məhkəməsinin xx.xx.2023-cü il tarixli, 8(056)-131/2023 saylı qərardadı ilə Borclu mülkiyyətində olan «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərinə qoyulmuş həbs götürülməlidir. Göstərilənlərə əsasən və Azərbaycan Respublikası Mülki Prosessual Məcəlləsinin ***- **** və 268-ci maddələrini rəhbər tutaraq, məhkəmə Q Ə R A R A A L D İ: Təqdimat təmin edilsin. Sabirabad Rayon Məhkəməsinin xx.xx.2023-cü il tarixli, 8(056)-131/2023 saylı qərardadı ilə Borclu mülkiyyətində olan «VAZ 21074» markalı, ** BL *** dövlət qeydiyyat nişanlı nəqliyyat vasitəsinin üzərinə qoyulmuş həbs götürülsün. Qərardad tərəfə rəsmi qaydada verildikdən sonra 10 gün müddətində Sabirabad Rayon Məhkəməsinə şikayət verilə bilər.