Salyan Rayon Məhkəməsi Qərardad — İş №8(057)-150/2023

Azərbaycan Respublikası adından QƏRARDAD Salyan rayon İş № 8(057)-150/2023 13.11.2023 SALYAN RAYON MƏHKƏMƏSİ Məhkəmənin hakimi Ağarza Hacırza oğlu Səmədovun sədrliyi Məhkəmə iclas katibi Asif Xanoğlan oğlu Zamanovun katibliyi ilə Salyan rayon İcra və Probasiya şöbəsinin böyük icra məmuru İ dərəcəli ədliyyə qulluqcusu X1 Salyan Rayon Məhkəməsinin xx.xx.2023-cü il tarixli, 2(057)-353/2023 saylı icra sənədi üzrə Borclu məcburi gətirilməsi barədə təqdimatına açıq məhkəmə iclasında baxaraq, məhkəmə MÜƏYYƏNETDİ: Salyan rayon icra və probasiya şöbəsinin icraatında olan Salyan Rayon Məhkəməsinin xx.xx.2023-cü il tarixli, 2(057)-353/2023 saylı icra vərəqəsinə əsasən Borclu cəmi 4060 manat məbləğində pulun alınaraq Tələbkar xeyrinə ödənilməsi qərara alınmışdır. İcra sənədi xx.xx.2023-cü il tarixdə Salyan rayon İcra və Probasiya Şöbəsinə daxil olmuş, müvafiq qərarla icraata başlanılmış və tələbin könüllü icrası ilə bağlı borclunun icra sənədində qeyd olunan ünvana bildiriş göndərilmişdir. Borclu tələbin icrası ilə bağlı ona göndərilmiş bildirişi almasına baxmayaraq icra sənəd üzrə müəyyən edilmiş tələbi təmin etməmiş nə də ki, icra məmurunun çağırışına gəlməmişdir. Borclu xx.xx.2023-cü il tarixdə məcburi gətirilməsi barədə qərar qəbul olunaraq tərəflərə göndərilmiş lakin, borclu həmin qərardada məhəl qoymayaraq Salyan rayon İcra və Probasiya şöbəsinə gəlməmişdir. Göstərilən səbəblərdən icra sənədinin icrasında çətinliklər yaranmışdır. Göstərilənləri nəzərə alaraq və «İcra haqqında» Azərbaycan Respublikası Qanunun 84.2-ci və 84.3-cü maddələrinə əsasən Borclu Salyan Rayon İcra və Probasiya şöbəsinə məcburi qaydada gətirilməsi məsələsinə baxılmasını xahiş etmişdir. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, icra məmuru, Borclu və Tələbkar məhkəmə iclasına gəlməmişlər. Məhkəmə qeyd olunan şəxslərin məhkəmə iclasına gəlməməsinin səbəbini üzrsüz sayaraq işə onların iştirakı olmadan baxılmasını mümkün saymışdır. Məhkəmə təqdimatı, təqdimata əlavə olunmuş sənədləri nəzərdən keçirib belə hesab edir ki, təqdimat qismən təmin olunmalıdır. Məhkəmə baxışı zamanı aydın olmuşdur ki, Borclu icra məmurunun çağırışına gəlməmiş və bu səbəbdən icra məmuru haqlı olaraq onun məcburi qaydada gətirilməsi barədə təqdimatla məhkəməyə müraciət etmişdir. Belə ki, “İcra haqqında” Azərbaycan Respublikası Qanununun 84.2-ci maddəsinə əsasən icra məmurunın çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Şərh olunanlara əsasən, Azərbaycan Respublikasının MPM-nin 263-264, 267-268-ci maddələrini rəhbər tutaraq məhkəmə QƏRARAALDİ: Təqdimat qismən təmin edilsin. Salyan Rayon Məhkəməsinin xx.xx.2023-cü il tarixli, 2(057)-353/2023 saylı icra sənədinə əsasən borclu Salyan şəhəri, İ.Qurbanov küçəsi, ev 23-də qeydiyyatda olan Borclu Salyan rayon İcra və Probasiya şöbəsinə məcburi gətirilsin. Qərarın icrası Salyan Rayon İcra və Probasiya Şöbəsinə həvalə edilsin. Təqdimat qalan hissədə təmin edilməsin. Qərardad rəsmi qaydada verildiyi gündən 10 gün müddətində qərardaddan yazılı şəkildə qərardadı qəbul edən məhkəməyə şikayət verilə bilər. Qərardad müşavirə otağında komputerdə yazılmışdır. Sədrlik edən: Ağarza Səmədov