Samux Rayon Məhkəməsi Qərardad — İş №8(058)-83/2023

Azərbaycan Respublikası adından QƏRARDAD Samux rayonu İş № 8(058)-83/2023 14.08.2023 SAMUX RAYON MƏHKƏMƏSİ X7 Əhməd oğlunun sədrliyi, Tağıyev Hüseyn Firqət oğlunun katibliyi, Samux rayon İcra və probasiya şöbəsinin icra məmuru Rüfət Kazımovun iştirakı ilə, Samux rayon İcra və probasiya şöbəsinin icra məmuru Rüfət Kazımov borclu X3 ölkədən getmək hüququnun müvəqqəti məhdudlaşdırılmasına dair təqdimatına açıq məhkəmə iclasında baxaraq, MÜƏYYƏNETDİ: Samux rayon İcra və probasiya şöbəsinin icra məmuru Rüfət Kazımov borclu X3 ölkədən getmək hüququnun müvəqqəti məhdudlaşdırılmasına dair qərardad çıxarılmasını məhkəmədən xahiş etmişdir. Təqdimatdan və təqdimata əlavə olunmuş sənədlərdən görünür ki, Gədəbəy Rayon Məhkəməsinin xx.xx.2022-ci il tarixli 2(042)-1023/2022 nömrəli icra vərəqəsinə əsasən, borclu X2 bir uşağın yetkinlik yaşına çatanadək saxlanılması üçün hər ay cəmi 160 manat sabit pul məbləğində aliment alınaraq tələbkar X4 xeyrinə ödənilməsi qət edilmişdir. Məhkəmə iclasında Samux rayon İcra və probasiya şöbəsinin icra məmuru Rüfət Kazımov təqdimata uyğun izahat verdi və təqdimatın təmin edilməsini məhkəmədən xahiş etdi. Tərəflər təqdimatın baxılması vaxtı və yeri haqqında rəsmi qaydada xəbərdar edilmələrinə baxmayaraq, məhkəmə iclasına gəlməmişlər, gəlməmələrinin səbəbi barədə məhkəməyə məlumat verməmişlər. Məhkəmə Azərbaycan Respublikası Mülki Prosessual Məcəlləsinin 231.2-ci maddəsinin tələbinə əsasən təqdimata, tərəflərin iştirakı olmadan baxılmasını mümkün hesab etdi. Məhkəmə təqdimatı və təqdimata əlavə olunmuş sənədləri nəzərdən keçirərək hesab edir ki, təqdimat təmin edilməlidir. Belə ki, Samux rayon İcra və probasiya şöbəsinin icra məmuru Rüfət Kazımov təqdimatla məhkəməyə müraciət edərək göstərmişdir ki, Gədəbəy Rayon Məhkəməsinin xx.xx.2022-ci il tarixli 2(042)-1023/2022 nömrəli icra vərəqəsinə əsasən, borclu X2 bir uşağın yetkinlik yaşına çatanadək saxlanılması üçün hər ay cəmi 160 manat sabit pul məbləğində aliment alınaraq tələbkar X4 xeyrinə ödənilməsi qət edilmişdir. İcra sənədi xx.xx.2023-cü il tarixdə icra şöbəsinə daxil olmuş və tələbin könüllü icra edilməsi üçün borcluya 10 gün vaxt verilmişdir. Nəticə olaraq borclu tələbkara olan borcunu ödəməmişdir. Bundan əlavə ona borcun ödənilməsi ilə əlaqədar xəbərdarləqlar edilməsinə baxmayaraq bu günə kimi borcunu qərəzli olaraq ödəməkdən boyun qaçırır. Beləki, borclu X2 2023-cü ilin avqust ayı daxil olmaqla tələbkara 350 manat məbləğində aliment borcu yaranmışdır. Bundan əlavə borcunun əmlakı hesabına tələbin ödənilməsi üçün müvafiq dövlət orqanlarına sorğular verilmiş, borcunun adına daşınar və daşınmaz əmlak aşkar edilməmişdir. Borclu qanunvericiliklə nəzərdə tutulmuş müddət ərzində məhkəmə qərarını icra etməmişdir. İcra sənədinin icrasını təmin etmək məqsədi ilə borclunun ölkədən getmək hüququ müvəqqəti məhdudlaşdırılmalıdır. «İcra Haqqında» Azərbaycan Respublikası Qanununun 84-1.1-ci maddəsinə əsasən borclu X3 ölkədən getmək hüququnun müvəqqəti məhdudlaşdırılmasına dair qərardad çıxarılmasını məhkəmədən xahiş etmişdir. «İcra haqqında» Azərbaycan Respublikası Qanunun 84-1-ci maddəsinə əsasən məhkəmə qərarları əsasında verilmiş icra sənədi könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Məhkəmə iclasında müəyyən olundu ki, Gədəbəy Rayon Məhkəməsinin xx.xx.2022ci il tarixli 2(042)-1023/2022 nömrəli icra vərəqəsinə əsasən, borclu X1 icra üçün müəyyən olunmuş vaxtda icra sənədini üzrsüz səbəbdən icra etməmişdir. İcra sənədinin vaxtında borclu tərəfindən icra edilməməsi, onun Azərbaycan Respublikası ərazisini tərk etmək ehtimalının olması və bunun nəticəsində icra sənədinin icrasız qalmasını nəzərə alaraq, məhkəmə hesab edir ki, borclu X3 ölkədən getmək hüququ müvəqqəti, yəni icra sənədini tam icra edənədək məhdudlaşdırılmalıdır. Göstərilənlərə əsasən və «İcra haqqında» Azərbaycan Respublikası Qanunun 84- 1.1-ci maddəsini və Azərbaycan Respublikası Mülki Prosessual Məcəlləsinin 231, 263-264 və 267-268-ci maddələrini rəhbər tutaraq, məhkəmə Q Ə R A R A A L D İ: Təqdimat təmin edilsin. Borclu X3 ölkədən getmək hüququ müvəqqəti, yəni Gədəbəy Rayon Məhkəməsinin xx.xx.2022-ci il tarixli 2(042)-1023/2022 nömrəli icra sənədini tam icra edənədək məhdudlaşdırılsın. Qərardaddan 10 gün müddətində Samux Rayon Məhkəməsinə şikayət verilə bilər. Sədrlik edən: Gündüz Şirinov