Sumqayıt Şəhər Məhkəməsi Qərardad — İş №8(060)-789/2023

Azərbaycan Respublikası adından QƏRARDAD Sumqayıt şəhəri İş № 8(060)-789/2023 19.10.2023 SUMQAYIT ŞƏHƏR MƏHKƏMƏSİ Hakim Hüseynov Elmir Xoşbəxt oğlunun sədrliyi, Rüstəmli Aytən Kamil qızının katibliyi, Borclular Borclu1 və Borclu2 iştirakı ilə, Şirvan Apellyasiya Məhkəməsinin 2(106)-9956/2022 saylı, xx.xx.2022-ci il tarixli icra sənədi üzrə borclular Borclu1 və Borclu2 ölkədən getmək hüququnun müvəqqəti məhdudlaşdırılması barədə Sumqayıt şəhəri üzrə İcra İdarəsinin təqdimatına məhkəmənin inzibati binasında açıq məhkəmə iclasında baxaraq, məhkəmə müəyyən etdi: Sumqayıt şəhəri üzrə İcra İdarəsinin icra məmuru təqdimatla Sumqayıt Şəhər Məhkəməsinə müraciət edərək Şirvan Apellyasiya Məhkəməsinin 2(106)-9956/2022 saylı, xx.xx.2022-ci il tarixli icra sənədi üzrə borclu şəxslər Borclu1 və Borclu2 ölkədən getmək hüququnun müvəqqəti məhdudlaşdırılması barədə qərar qəbul edilməsini xahiş etmişdir. Təqdimat onunla əsaslandırılmışdır ki, Şirvan Apellyasiya Məhkəməsinin 2(106)- 2013/2022 saylı, xx.xx.2022-ci il tarixli icra sənədinə əsasən Borclu1 və Borclu2 əsas borc üzrə 3935,59 manat və ödənilmiş dövlət rüsumunun əvəzi olaraq 20 manat müştərək qaydada tutularaq "Yelo Bank” ASC-nin xeyrinə tutulmalıdır. İş üzrə aparılmış ekspertiza tədqiqatının dəyəri olaraq 200 manat Borclu1 və Borclu2 alınaraq Az.MEM, Kod 210005,VÖEN **********, Müxbir hesab AZ41NABZ********************, SWİT BİK CTREAZ 22 Məhkəmə ekspertizası Mərkəzi, VÖEN 00326621, Az34CTRE**********000208501 hesaba köçürülməlidir. İcra sənədi xx.xx.2023-cü il tarixdə Sumqayıt şəhəri üzrə İcra idarəsinin icraatına daxil olmuş və icra məmuru tərəfindən icraata başlamaq haqqında qərar və icra sənədinin surəti borclu şəxsə təqdim edilmişdir. Borclu şəxs Borclu1 və Borclu2 4155,59 manat borcdan heç bir ödəniş etməmiş və icra hərəkətləri zamanı borclunun ölkə hüdudlarını tərk etmək istədiyi məlum olmuşdur. Borclu barəsində icra sənədinin icrasını təmin etmək və onların qanunla nəzərdə tutulan məsuliyyətdən boyun qaçırmalarının qarşısını almaq məqsədi ilə ölkədən getmək hüquqlarının məhdudlaşdırılması zərurəti yaranmışdır. Məhkəmə iclasında iştirak edən Borclu1 ödəniş qəbzləri təqdim edərək icra sənədi üzrə borcundan ödənişlər etdiyini bildirdi, təqdimatın onun hissəsində təmin edilməsini, digər borclunun hissəsində isə rədd edilməsini xahiş etdi. Məhkəmə iclasında iştirak edən Borclu2 bildirdi ki, səhhətindəki problemlərlə əlaqədar olaraq müalicə məqsədilə Türkiyə Respublikasına getməlidir. Təqdimatın rədd edilməsi barədə qərar çıxarılmasını xahiş etdi. Məhkəmə iclasının vaxtı və yeri haqqında digər tələbkar və icra məmuru lazımi qaydada xəbərdar edilmələrinə baxmayaraq məhkəmə iclasına gəlməmişlər. Məhkəmə Azərbaycan Respublikası MPM-nin 231.2-ci maddəsinə əsasən təqdimata onların iştirakı olmadan baxılmasını mümkün saymışdır. Məhkəmə, təqdimatı nəzərdən keçirərək hesab edir ki, təqdimat qismən təmin edilməlidir. Təqdimatdan və ona əlavə edilmiş sənədlərdən görünür ki, borclu icra sənədinin könüllü icrası ilə bağlı bildirişi almış, ona bunun üçün 10 gün vaxt verildiyi izah olunmuş, habelə icraata başlamaq haqqında qərarla tanış edilmişdir. Azərbaycan Respublikası Mülki-Prosesual Məcəlləsinin 15.2-ci maddəsinə görə məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünü idarə orqanları, onların vəzifəli şəxsləri, içtimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər ücün məcburidir və Azərbaycan Respublikasının bütün ərazisində hökmən icra olunmalıdır. Həmin Məcəllənin 15.3-cü maddəsinə görə məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. Belə ki, «İcra Haqqında» Azərbaycan Respublikasının Qanununun 84-1.1-çi maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Məhkəmə hesab edir ki, təqdimat qismən əsaslıdır. Belə ki, məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzürsüz səbəbdən icra edilməmişdir. Məhkəmə iclasında Borclu2 qeyd edir ki, səhhətindəki probləmlə əlaqədar onun mütəmadi müayinə və müalicəyə ehtiyacı vardır. Beləliklə, məhkəmə hesab edir ki, Şirvan Apellyasiya Məhkəməsinin 2(106)- 9956/2022 saylı, xx.xx.2022-ci il tarixli üzrə Borclu1 ölkədən getmək hüququ müvəqqəti məhdudlaşdırılmalı, təqdimat qalan hissədə rədd edilməlidir. Yuxarıda göstərilənlərə əsasən və Azərbaycan Respublikası MPM-nin 263, 264, 267, 268-ci maddəsinin tələblərini rəhbər tutaraq, Q Ə R A R A A L D İ: Təqdimat qismən təmin edilsin. Şirvan Apellyasiya Məhkəməsinin 2(106)-9956/2022 saylı, xx.xx.2022-ci il tarixli üzrə Borclu1 ölkədən getmək hüququ müvəqqəti məhdudlaşdırılsın. Təqdimat qalan hissədə rədd edilsin. Qərardaddan şikayət qərardad tərəfə rəsmi qaydada verildikdən sonra 10 gün müddətində Sumqayıt Şəhər Məhkəməsinə (“Elektron məhkəmə” informasiya sistemində yaradılan elektron kabinetdən istifadə edilməklə) verilə bilər. Hakim Elmir Hüseynov