Tərtər Rayon Məhkəməsi Qərardad — İş №8(061)-261/2025

Azərbaycan Respublikası adından QƏRARDAD Tərtər rayonu İş № 8(061)-261/2025 27.11.2025 TƏRTƏR RAYON MƏHKƏMƏSİ Hakim Rzayev Kamil Allahqulu oğlunun sədrliyi, X4 oğlunun katibliyi, İcra işi üzrə Tələbkar MMC-in etibarnamə üzrə nümayəndəsi X1 iştirakı ilə İcra işi üzrə Borclu ölkədən getmək hüququnun müvəqqəti məhdudlaşdırılmasına dair Tərtər Rayon İcra və Probasiya şöbəsinin icra məmuru X2 təqdimatına açıq məhkəmə iclasında baxaraq, M Ü Ə Y Y Ə N E T D İ: Tərtər rayon İcra və Probasiya Şöbəsinin icra məmuru X5 17 noyabr 2025-ci il tarixdə məhkəməyə təqdimatla müraciət edərək, Tərtər Rayon Məhkəməsinin xx.xx.2025-ci il tarixli, 2(061)-584/2025 nömrəli icra sənədinə əsasən Borclu barəsində ölkədən getmək hüququnun müvəqqəti məhdudlaşdırılması barədə qərar qəbul edilməsini xahiş etmişdir. Təqdimat onunla əsaslandırılmışdır ki, Tərtər Rayon Məhkəməsinin xx.xx.2025-ci il tarixli, 2(061)-584/2025 nömrəli icra sənədinə əsasən Borclu 11256(on bir min iki yüz əlli altı) manat dəymiş zərər və ödənilmiş 125 (yüz iyirmi beş) manat dövlət rüsumu alınaraq Tələbkar MMC-in xeyrinə ödənilməlidir. İcra sənədi xx.xx.2025-ci il tarixində Tərtər rayon İcra və Probasiya Şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul edilərək, qərarın surəti bildirişlə icra sənədi üzrə Borclu göndərilmiş, icra sənədində olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün tərəflərindən borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. Odur ki, Borclu barəsində ölkədən getmək hüququnun müvəqqəti məhdudlaşdırılması barədə qərar qəbul edilməsini xahiş etmişdir. Məhkəmə iclasında iştirak edən icra işi üzrə Tələbkar MMC-in etibarnamə üzrə nümayəndəsi X3 izahatında göstərmişdir ki, Tərtər Rayon Məhkəməsinin xx.xx.2025ci il tarixli, 2(061)- 584/2025 nömrəli icra sənədinə əsasən Borclu 11256(on bir min iki yüz əlli altı) manat dəymiş zərər və ödənilmiş 125 (yüz iyirmi beş) manat dövlət rüsumu alınaraq Tələbkar MMC-in xeyrinə ödənilməlidir. Tərtər rayon İcra və Probasiya şöbəsinin icra məmurunun borclu barəsində olan təqdimatın təmin olunmasını və icra sənədinin icra olunmasını xahiş etmişdir. Məhkəmə işdə olan sənədləri tədqiq edərək hesab edir ki, təqdimat təmin edilməlidir. İcra Haqqında Azərbaycan Respublikası Qanunun 84-1.1-ci maddəsində göstərilmişdir ki, Məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Beləliklə, məhkəmə işin hallarını araşdıraraq hesab edir ki, Tərtər Rayon Məhkəməsinin xx.xx.2025-ci il tarixli, 2(061)-584/2025 nömrəli icra sənədinə əsasən Borclu barəsində ölkədən getmək hüququnun müvəqqəti məhdudlaşdırılmalıdır. Göstərilənlərə əsasən və Azərbaycan Respublikası MPM-in 263, 264,267-268-ci maddələrini rəhbər tutaraq, məhkəmə Q Ə R A R A A L D İ: Təqdimat təmin edilsin. Tərtər Rayon Məhkəməsinin xx.xx.2025-ci il tarixli, 2(061)-584/2025 nömrəli icra sənədinə əsasən Borclu barəsində ölkədən getmək hüququnun müvəqqəti məhdudlaşdırılsın. Qərardadın icrası Tərtər rayon İcra və Probasiya Şöbəsinə həvalə edilsin. Qərardaddan 10 gün müddətinə Tərtər Rayon Məhkəməsinə şikayət verilə bilər. Sədirlik edən: Kamil Rzayev