Tovuz Rayon Məhkəməsi Qərardad — İş №8(062)-275/2023

Azərbaycan Respublikası adından QƏRARDAD Tovuz rayon İş № 8(062)-275/2023 08.09.2023 TOVUZ RAYON MƏHKƏMƏSİ Hakim Hünmətov Zaur Adil oğlunun sədrliyi Məhkəmə iclas katibi Həmzəli Nərminə Ruslan qızının katibliyi ilə, Borclu Tovuz Rayon İcra və Probasiya Şöbəsinə məcburi gətirilməsinə dair Tovuz Rayon İcra və Probasiya Şöbəsinin icra məmuru Cabir Zeynalovun təqdimatına açıq məhkəmə iclasında baxaraq, məhkəmə MÜƏYYƏNETDİ: Tovuz Rayon İcra və Probasiya Şöbəsinin icra məmuru Cabir Zeynalov məhkəməyə təqdim etdiyi təqdimatından görünür ki, Tovuz Rayon Məhkəməsinin 2(062)-748/2023 saylı xx.xx.2023-cü il tarixli icra sənədinə əsasən xx.xx.2009-cu ildəb anadan olmuş X4, xx.xx.2011-ci ildə anadan olmuş X2 və xx.xx.2014-cü il tarixində anadan olmuş X3 adlı uşaqların yetkinlik yaşına çatanadək saxlanılması üçün Borclu hər ay hər uşağa görə 160 manat məbləğində aliment alınaraq tələbkar X1 xeyrinə ödənilməsi qət edilmişdir. İcra sənədi xx.xx.2023-cü il tarixdə Tovuz rayon İcra və Probasiya şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul edilərək, qərarın surəti bildirişlə icra sənədi üzrə Borclu göndərilmiş, icra sənədinə olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmin edilmədiyi üçün borclunun əmlak vəziyyətini yoxlamaq üçün aidiyyəti təşkilatlara sorğular göndərilmişdir. Həmin tarixdən bu vaxta kimi icra sənədinin icrası tam şəkildə təmin olunmamışdır. Göstərilənlərə əsasən təqdimatda Tovuz Rayon Məhkəməsinin 2(062)-748/2023 saylı xx.xx.2023-cü il tarixli icra sənədi üzrə tələbin təmin edilməsi məqsədilə Borclu ölkədən getmək hüququnun müvəqqəti məhdudlaşdırılmasına dair məsələyə baxılması xahiş olunmuşdur. Məhkəmə iclasının vaxtı və yeri barədə lazımi qaydada xəbərdarlıq edilmələrinə baxmayaraq tərəflər məhkəmə iclasına gəlməmişlər və səbəbi barədə məhkəməyə məlumat verməmişlər. Ona görə də məhkəmə təqdimata tərəflərin iştirakı olmadan baxılmasını mümkün hesab edir. Məhkəmə təqdimatı və iş materiallarını nəzərdən keçirərək hesab edir ki, təqdimat təmin edilməlidir. Belə ki, Tovuz Rayon Məhkəməsinin 2(062)-748/2023 saylı xx.xx.2023-cü il tarixli icra sənədinə əsasən xx.xx.2009-cu ildəb anadan olmuş X4, xx.xx.2011-ci ildə anadan olmuş X2 və xx.xx.2014-cü il tarixində anadan olmuş X3 adlı uşaqların yetkinlik yaşına çatanadək saxlanılması üçün Borclu hər ay hər uşağa görə 160 manat məbləğində aliment alınaraq tələbkar X1 xeyrinə ödənilməsi qət edilmişdir. Təqdimata əlavə edilmiş xx.xx.2023-cü il tarixli qərardan görünür ki, Tovuz rayon İcra və Probasiya şöbəsinin icra məmuru Cabir Zeynalovun tərəfindən Tovuz Rayon Məhkəməsinin 2(062)-748/2023 saylı xx.xx.2023-cü il tarixli icra sənədinə əsasən icra icraatına başlanılmışdır. Tələbin könüllü icrası haqqında xx.xx.2023-cü il tarixli 183092/2023 saylı bildirişdən görünür ki, Borclu icra sənədini könüllü icra etmək üçün vaxt verilmişdir. «İcra Haqqında» Azərbaycan Respublikasının Qanununun 84-1.1-ci maddəsinə əsasən Məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Göstərilənlərə əsasən məhkəmə hesab edir ki, təqdimat təmin edilməli və Borclu ölkədən getmək hüququ müvəqqəti məhdudlaşdırılmalıdır. «İcra haqqında» qanunun 3.1-ci maddəsinə əsasən Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Yuxarıda qeyd olunanlara əsasən və «İcra Haqqında» Azərbaycan Respublikası Qanununun 84-1.1-ci maddəsini və Azərbaycan Respublikası Mülki Prosessual Məcəlləsinin 263-264, 266-268-ci maddələrini rəhbər tutaraq, məhkəmə QƏRARA ALDİ: Tovuz rayon İcra və Probasiya Şöbəsinin icra məmuru Cabir Zeynalovun təqdimatı təmin edilsin. Tovuz Rayon Məhkəməsinin 2(062)-748/2023 saylı xx.xx.2023-cü il tarixli icra sənədi üzrə Borclu (Tovuz rayonu Azaflı kəndində qeydiyyatda olan və yaşayan, xx.xx.1985-ci il təvəllüdlü) ölkədən getmək hüququ müvəqqəti məhdudlaşdırılsın. Qərardaddan 10 (on) gün müddətində Tovuz Rayon Məhkəməsinə şikayət verilə bilər. Hakim: Zaur Hünmətov