Füzuli Rayon Məhkəməsi Qərardad — İş №8(064)-13/2023

Azərbaycan Respublikası adından QƏRARDAD Füzuli rayonu İş № 8(064)-13/2023 10.03.2023 FÜZULİ RAYON MƏHKƏMƏSİ Füzuli Rayon Məhkəməsinin hakimi Musayev Aqil Əlisa oğlunun sədrliyi, məhkəmə iclasının katibi X3 iştirakı ilə, Füzuli rayon İcra və Probasiya Şöbəsinin böyük icra məmuru, kiçik ədliyyə müşaviri X1 Füzuli Rayon Məhkəməsinin 22 sentyabr 2020-ci il tarixli, 2(064)- 1285/2020 nömrəli icra sənədi üzrə icraata xitam verilməsi haqqında verdiyi təqdimata Füzuli Rayon Məhkəməsinin inzibati binasında baxaraq, məhkəmə M Ü Ə Y Y Ə N E T D İ: Füzuli rayon İcra və Probasiya Şöbəsinin (bundan sonra – Füzuli RİPŞ) böyük icra məmuru, kiçik ədliyyə müşaviri X2 məhkəməyə verdiyi təqdimatda Füzuli Rayon Məhkəməsinin 22 sentyabr 2020-ci il tarixli, 2(064)-1285/2020 nömrəli icra sənədi üzrə icraata xitam verilməsini xahiş etmiş, təqdimatı onunla əsaslanıdırmışdır ki, həmin icra sənədinin verilməsi üçün əsas olmuş Füzuli Rayon Məhkəməsinin 20 avqust 2022-ci il tarixli, 2(106)-1285/2022 nömrəli qətnaməsi ilə Borclu faktiki istifadə və sahibliyində olan Füzuli rayonu, Horadiz şəhəri, M.Ə.Rəsulzadə küçəsində yerləşən fərdi yaşayış evinə köçürülməsi qət edilmiş Tələbkar 21 fevral 2023-cü il tarixdə Füzuli RİPŞ-ya təqdim etdiyi ərizəsində həmin tələbindən imtina edərək icra sənədi üzrə icraata xitam verilməsini xahiş etmişdir. Təqdimatı vermiş şəxs, Tələbkar və Borclu məhkəmə iclasına vaxtı və yeri barədə lazımi qaydada məlumatlandırılmasına baxmayaraq, gəlməmişlər. Buna görə də iş üzrə məhkəmə iclasının göstərilən şəxslərin iştirakı olmadan keçirilməsini mümkün hesab etmişdir. “İcra haqqında” Azərbaycan Respublikası Qanununun 20.1.1-ci maddəsinə əsasən məhkəmə tələbkarın tələbdən imtinasını qəbul etdikdə icra sənədi üzrə icraata xitam verilir. Məhkəmə təqdimata əlavə edilmiş sənədlər, xüsusilə də Tələbkar 21 fevral 2023-cü il tarixdə Füzuli RİPŞ-ya təqdim etdiyi ərizənin surəti əsasında icra sənədi üzrə faktiki halların təqdimatda göstərilənlərlə eyni məzmunda olduğunu müəyyən edir. Buna görə də təqdimatda icra sənədi üzrə mövcud olduğu göstərilmiş faktiki halların məzmununu təkrarlamağa zərurət görmür. Məhkəmə göstərilən qanunvericilik norması və icra sənədi üzrə müəyyən edilmiş faktiki hallara əsaslanaraq hesab edir ki, təqdimat təmin edilməli, Tələbkar Füzuli Rayon Məhkəməsinin 22 sentyabr 2020-ci il tarixli, 2(064)-1285/2020 nömrəli icra sənədi üzrə tələbdən imtinası qəbul edilməli və həmin icra sənədi üzrə icraata xitam verilməlidir. Məhkəmə şərh olunanlara əsasən, “İcra haqqında” Azərbaycan Respublikası Qanununun 20.1.1-ci maddəsi, Azərbaycan Respublikası MPM-in 263, 264, 266-269-cu maddələrini rəhbər tutaraq, Q Ə R A R A A L D İ: Füzuli rayon İcra və Probasiya Şöbəsinin icra məmuru, böyük icra məmuru, kiçik ədliyyə müşaviri X1 verdiyi təqdimat təmin edilsin. Tələbkar Füzuli Rayon Məhkəməsinin 22 sentyabr 2020-ci il tarixli, 2(064)-1285/2020 nömrəli icra sənədi üzrə tələbdən imtina etməsi qəbul edilsin. Füzuli Rayon Məhkəməsinin 22 sentyabr 2020-ci il tarixli, 2(064)-1285/2020 nömrəli icra sənədi üzrə icraata xitam verilsin. Qərardaddan rəsmi qaydada verildikdən sonra 10 (on) gün müddətində Füzuli Rayon Məhkəməsinə şikayət verilə bilər.