Füzuli Rayon Məhkəməsi Qərardad — İş №8(064)-23/2024

Azərbaycan Respublikası adından QƏRARDAD Füzuli rayonu İş № 8(064)-23/2024 21.05.2024 FÜZULİ RAYON MƏHKƏMƏSİ Füzuli Rayon Məhkəməsinin hakimi Musayev Aqil Əlisa oğlunun sədrliyi, məhkəmə iclasının katibi X2 və təqdimat vermiş şəxs - Füzuli rayon İcra və Probasiya şöbəsinin icra məmuru X1 iştirakları ilə, Sabirabad Rayon Məhkəməsinin 10 may 2023-cü il tarixli, 2(056)-218/2023 nömrəli icra sənədi üzrə Borclu ölkədən getmək hüququnun müvəqqəti məhdudlaşdırılması barədə Füzuli rayon İcra və Probasiya şöbəsinin icra məmuru X1 verdiyi təqdimata Füzuli Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Füzuli rayon İcra və Probasiya şöbəsinin icra məmuru X3 verdiyi təqdimatda Sabirabad Rayon Məhkəməsinin 10 may 2023-cü il tarixli, 2(056)-218/2023 nömrəli icra sənədinin icrasının təmin edilməsi məqsədilə Borclu (bundan sonra - borclu) ölkədən getmək hüququnun müvəqqəti məhdudlaşdırılması barədə məhkəmə qərardadının qəbul edilməsini xahiş etmişdir. Təqdimat onunla əsaslandırılmışdır ki, 19 iyul 2023-cü il tarixli qərarla icraatına başlanılmış Sabirabad Rayon Məhkəməsinin 10 may 2023-cü il tarixli, 2(056)-218/2023 nömrəli icra sənədinə əsasən borcludan 10 may 2023-cü il tarixdən başlayaraq hər ay hər uşağa görə 150 manat olmaqla, cəmi 300 manat məbləğində aliment tutulub Tələbkar (bundan sonra – tələbkar) ödənilməlidir. İcra vərəqəsi üzrə borcluya 19 iyul 2023-cü il tarixli icraata başlamaq haqqında qərar və tələbin könüllü icrası haqqında bildiriş rəsmən təqdim edilmişdir. Borclunu icra vərəqəsi üzrə tələbkara cəmi 4180 manat məbləğində borcu ödənilməmiş qalmışdır. Buna görə də borclunun ölkədən getmək hüququnun müvəqqəti məhdudlaşdırılması zərurəti yaranmışdır. Məhkəmə iclasında Füzuli rayon İcra və Probasiya şöbəsinin böyük icra məmuru X3 verdiyi təqdimatın dəlillərinə uyğun izahat verərək təqdimatın təmin edilməsini xahiş etmişdir. Borclu məhkəmə iclasına vaxtı və yeri barədə lazımi qaydada məlumat verilsə də, gəlməmiş, bunun səbəbi barədə məhkəməyə məlumat verməmiş, buna görə də məhkəmə iclasının sonuncunun iştirakı olmadan keçirilməsi mümkün hesab edilmişdir. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-in 15.2 və 15.3-cü maddələrinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun: - 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. - 84-1.2-ci maddəsinə əsasən borclunun ölkədən getmək hüququnun müvəqqəti məhdudlaşdırılmasına səbəb olmuş əsaslar aradan qalxdıqdan sonra icra məmuru həmin məhdudlaşdırmanın götürülməsi barədə icra qurumunun rəhbəri tərəfindən təsdiq olunan qərar qəbul edir. Məhkəmə icra işində olan, təqdimata əlavə edilmiş sənədlərin surətləri əsasında təqdimatda göstərilən faktiki halların icra işində eyni məzmunda öz əksini tapdığını (məhkəmə həmin sənədlərin məzmununu təqdimatda olduğu kimi göstərildiyinə görə təkrarlamağa zərurət bilmir), eləcə də Füzuli rayon İcra və Probasiya şöbəsinin borcluya icra sənədini tam icra etməsi üçün xəbərdarlıq etsə də, sonuncunun icra sənədini üzürsüz səbəbdən tam icra etmədiyini müəyyən edir. Məhkəmə hesab edir ki, bu hal borclunun gələcəkdə icra sənədini tam icra etməkdən yayınmaq məqsədilə Azərbaycan Respublikası ərazisini tərk etməsi barədə əsaslı ehtimal yaradır. Məhkəmə yuxarıda göstərilən işin faktiki halları və qanunvericilik normalarına əsaslanaraq hesab edir ki, Sabirabad Rayon Məhkəməsinin 10 may 2023-cü il tarixli, 2(056)-218/2023 nömrəli icra sənədinin tam icra edilməsinin təmin edilməsi məqsədilə təqdimat təmin edilməli, borclunun ölkədən getmək hüququ müvəqqəti məhdudlaşdırılmalıdır. Məhkəmə şərh olunanlara əsasən və Azərbaycan Respublikası MPM-in 231.3, 263, 264, 267-269-cu maddələrini rəhbər tutaraq, QƏRARA A L D İ: Təqdimat təmin edilsin. Sabirabad Rayon Məhkəməsi tərəfindən verilmiş 10 may 2023-cü il tarixli, 2(056)- 218/2023 nömrəli icra sənədinin icrası məqsədilə borclu – 21 aprel 1986-cı il təvəllüdlü, Füzuli rayonu, Araz Dilağarda kəndində qeydiyyatda olan, hazırda Füzuli rayonu, Araz Dilağarda kəndində yaşayan Borclu ölkədən getmək hüququ müvəqqəti məhdudlaşdırılsın. Qərardadın icrası Füzuli rayon İcra və Probasiya Şöbəsinə həvalə edilsin. Qərardaddan tərəflərə rəsmi qaydada verildikdən sonra 10 gün müddətində Füzuli Rayon Məhkəməsinə şikayət verilə bilər.