Füzuli Rayon Məhkəməsi Qərardad — İş №8(064)-26/2025

Azərbaycan Respublikası adından QƏRARDAD Füzuli rayonu İş № 8(064)-26/2025 25.02.2025 FÜZULİ RAYON MƏHKƏMƏSİ Hakim İsmayılov Elmir Akif oğlunun sədrliyi ilə Tələbkar Füzuli Rayon İcra və Probasiya Şöbəsinin xx.xx.2022-ci il tarixli qərarının ləğv edilməsinə və Füzuli Rayon Məhkəməsinin xx.xx.2021-ci il tarixli, 2(064)-31/2021 saylı icra sənədinin icraya yönəldilməsinə dair ərizəsinə Füzuli Rayon Məhkəməsinin inzibati binasında baxaraq MÜƏYYƏN ETDİ: Borclu Tələbkar Füzuli Rayon İcra və Probasiya Şöbəsinin xx.xx.2022-ci il tarixli qərarının ləğv edilməsinə və Füzuli Rayon Məhkəməsinin xx.xx.2021-ci il tarixli, 2(064)-31/2021 saylı icra sənədinin icraya yönəldilməsinə dair ərizə ilə Füzuli Rayon Məhkəməsinə müraciət etmişdir. Azərbaycan Respublikası Mülki Prosessual Məcəllənin: -13.4-cü maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. -151.1-ci maddəsinə görə iddia ərizəsinin həmin Məcəllənin tələblərinə riayət edilməklə verilməsi yoxlanılmalıdır. -149.2-ci maddəsinə müvafiq olaraq, ərizədə aşağıdakılar göstərilməlidir: ərizənin verildiyi məhkəmənin adı; iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları); iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb ... -152.1.1-ci maddəsinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Ərizəni nəzərdən keçirərək Məhkəmə hesab edir ki, ərizə geri qaytarılmalıdır. Belə ki, ərizənin məzmunundan ancaq Tələbkar Füzuli Rayon İcra və Probasiya Şöbəsinin xx.xx.2022-ci il tarixli qərarından narazı qalmasını müəyyən etmək olur. Ərizəyə qeyd olunan icra vərəqəsinin icra edilmədən Füzuli Rayon Məhkəməsinə qaytarılması barədə qərarın, həmçinin Füzuli Rayon Məhkəməsinin xx.xx.2021-ci il tarixli, 2(064)-31/2021 saylı icra sənədinin surətləri əlavə edilməmişdir. Ərizəyə xx.xx.2025-ci il tarixli müraciətə cavabla bağlı ərizədən başqa hər hansı sənəd əlavə edilməmişdir və ərizə natamam müraciətdən ibarətdir. Beləliklə, Ərizəçi ərizəsinin Mülki Prosessual Məcəlləsinin 149-cu maddəsi ilə müəyyən olunmuş formasına və məzmununa riayət edilmədiyinə görə ərizəsi və ona əlavə edilmiş sənədlər geri qaytarılmalıdır. Məhkəmə şərh olunanlara əsaslanaraq və Azərbaycan Respublikası Mülki Prosessual Məcəlləsinin 13.4, 263, 264 və 268-ci maddələrini rəhbər tutaraq QƏRARA ALDİ: Tələbkar tərəfindən verilmiş Füzuli Rayon İcra və Probasiya Şöbəsinin xx.xx.2022-ci il tarixli qərarının ləğv edilməsinə və Füzuli Rayon Məhkəməsinin xx.xx.2021-ci il tarixli, 2(064)- 31/2021 saylı icra sənədinin icraya yönəldilməsinə dair ərizə geri qaytarılsın. Ərizəçiyə izah olunsun ki, ərizənin qaytarılması nöqsanlar aradan qaldırıldıqdan sonra ərizə ilə müvafiq məhkəməyə müraciət etməyə mane olmur. Qərardaddan rəsmi qaydada təqdim edildikdən sonra 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Füzuli Rayon Məhkəməsinə şikayət verilə bilər. Hakim: Elmir İsmayılov