Füzuli Rayon Məhkəməsi Qərardad — İş №8(064)-28/2023

Azərbaycan Respublikası adından QƏRARDAD Füzuli rayonu İş № 8(064)-28/2023 12.05.2023 FÜZULİ RAYON MƏHKƏMƏSİ Hakim Həşimov Yaşar Xanoğlan oğlunun sədrliyi, Zeynalov Xaliq Əhliman oğlunun katibliyi ilə, icra sənədi üzrə Borclu məcburi gətirilməsi barədə Füzuli rayon icra və probasiya şöbəsinin böyük icra məmuru Şahbaz Səfərovun təqdimatına baxaraq, MÜƏYYƏN ETDİ: Füzuli rayon icra və probasiya şöbəsinin böyük icra məmuru Şahbaz Səfərov məhkəməyə təqdimatla müraciət edərək bildirmişdir ki, 24 fevral 2021-ci il, 05 may 2021-ci il və 20 sentyabr 2021-ci il tarixlərdə qərarla icraatlarına başlanılmış, Bakı Şəhəri 6 saylı notariat ofisinin 29 yanvar 2021-ci il tarixli 8İ-928 saylı icra sənədinə əsasən Borclu 3000 manat borc tələbkar X1 xeyrinə tutulmalıdır. Bundan əlavə Füzuli Rayon Məhkəməsinin 02 aprel 2021-ci il tarixli 2(064)-579/2021 saylı icra sənədinə əsasən Borclu 6615.50 manat məbləğində pul tələbkar "xxxx" MMC-nin xeyrinə tutulmalıdır. Bundan əlavə, Füzuli Rayon Məhkəməsinin 06 avqust 2021-ci il tarixli 2(064)-1327/2021 saylı icra sənədinə əsasən Borclu 4655 manat borc tələbkar X2 xeyrinə tutulmalıdır. İcra sənədi üzrə 24 fevral 2021-ci il, 05 may 2021-ci il və 20 sentyabr 2021-ci il tarixdə icraata başlamaq haqqında qərarlar qəbul edilərək, qərar icra sənədini vermiş məhkəməyə və tələbkara göndərilmiş, qərar və tələbin könüllü icrası haqqında bildiriş icra olunması üçün Borclu rəsmən təqdim edilmişdir. Borclu borcunu ödəməsi üçün rəsmi xəbərdarlıqlar və dəfələrlə zəng edilməsinə baxmayaraq o, üzürsüz səbəbdən borcunun ödəməmişdir. Ona görə də, borclunun məcburi qaydada Füzuli rayon icra və probasiya şöbəsinə gətirilməsi barədə 25 aprel 2023-cü il tarixli qərar qəbul edilərək, qərar xəbəmaməli məktubla Borclu göndərilmişdir. “İcra haqqında" Azərbaycan Respublikası Qanununun 84.2-ci maddəsinin tələbinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcbuıi gətirilmə tədbiri tətbiq olunur. Məhkəmə təqdimatı və ona əlavə edilmiş sənədləri nəzərdən keçirərək hesab edir ki, təqdimat əsaslı olduğundan təmin edilməlidir. Belə ki, «İcra haqqında» Azərbaycan Respublikası Qanununun 84.2-ci maddəsinə əsasən, icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Təqdimata əlavə olunmuş sənədlərdən görünür ki, icra sənədi üzrə Borclu icra məmurunun dəfələrlə çağırışlarına üzrsüz səbəblərdən gəlməmişdir. Odur ki, təqdimat təmin olunmalı, icra sənədi üzrə Borclu Füzuli rayon icra və probasiya şöbəsinə məcburi gətirilməlidir. Beləliklə də, məhkəmə şərh olunanlara əsasən və Azərbaycan Repsublikası MPMin 263, 264, 266-269-cu maddələrini rəhbər tutaraq, QƏRARA ALDİ: Təqdimat təmin olunsun. İcra sənədi üzrə borclu Füzuli rayonu, Dilağarda kəndində qeydiyyatda olan və Füzuli rayonu, Qayıdış-1 qəsəbəsi, ev 178-də yaşayan xx.xx.1979-cu il təvəllüdlü Borclu Füzuli rayon İcra və Probasiya şöbəsinə məcburi gətirilsin. Qərardadın icrası Füzuli rayon Polis Şöbəsinə həvalə edilsin. Qərardaddan rəsmi qaydada verildikdən sonra 10 (on) gün müddətində Füzuli Rayon Məhkəməsinə şikayət verilə bilər. Sədrlik edən: Yaşar Həşimov