Füzuli Rayon Məhkəməsi Qərardad — İş №8(064)-6/2023

Azərbaycan Respublikası adından QƏRARDAD Füzuli rayonu İş № 8(064)-6/2023 24.01.2023 FÜZULİ RAYON MƏHKƏMƏSİ Füzuli Rayon Məhkəməsinin hakimi Musayev Aqil Əlisa oğlunun sədrliyi, məhkəmə iclasının katibi X3, Borclu və təqdimat vermiş şəxs - Füzuli rayon İcra və Probasiya şöbəsinin icra məmuru X1 iştirakları ilə, sonuncunun Füzuli Rayon Məhkəməsinin 17 mart 2022-ci il tarixli, 2(064)-248/2022 nömrəli icra sənədi üzrə Borclu ölkədən getmək hüququnun müvəqqəti məhdudlaşdırılması barədə verdiyi təqdimata Füzuli Rayon Məhkəməsinin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: Füzuli rayon İcra və Probasiya şöbəsinin icra məmuru X2 verdiyi təqdimatda məhkəmədən Füzuli Rayon Məhkəməsinin 17 mart 2022-ci il tarixli, 2(064)-248/2022 nömrəli icra sənədinin icrasının təmin edilməsi məqsədilə Borclu ölkədən getmək hüququnun müvəqqəti məhdudlaşdırılması barədə qərardad qəbul edilməsini xahiş etmişdir. Təqdimat onunla əsaslandırılmışdır ki, 21 aprel 2022-ci il tarixli qərarla icraatına başlanılmış, Füzuli Rayon Məhkəməsinin 16 fevral 2022-ci il tarixli, 2(064)-248/2022 nömrəli qətnaməsi üzrə 17 mart 2022-ci il tarixdə verilmiş icra vərəqəsinə əsasən Borclu (bundan sonra - borclu) cəmi 2725,00 manat məbləğində pul tutulub Tələbkar (bundan sonra – tələbkar) ödənilməlidir. İcra vərəqəsi üzrə borcluya 21 aprel 2022-ci il tarixli icraata başlamaq haqqında qərar və tələbin könüllü icrası haqqında bildiriş rəsmən təqdim edilmişdir. Borclu icra vərəqəsi üzrə tələbkara borcun 750,00 manat məbləğində olan hissəsinin ödənilməsini təmin etsə də, qalan 1975,00 manat hissəsini bir neçə dəfə rəsmi qaydada xəbərdarlıq edilməsinə baxmayaraq, üzürsüz səbəbdən ödəməmişdir. Tələbkar borcludan borcun qalan hissəsini tam şəkildə ödəməsini təkidlə tələb edir. Buna görə də borclunun ölkədən getmək hüququnun müvəqqəti məhdudlaşdırılması zərurəti yaranmışdır. Məhkəmə iclasında Füzuli rayon İcra və Probasiya şöbəsinin icra məmuru X2 verdiyi təqdimatın dəlillərinə uyğun izahat verərək təqdimatın təmin edilməsini xahiş etmişdir. Məhkəmə iclasında Borclu verdiyi izahatında göstərmişdir ki, ailəsinin maddi vəziyyəti zəif olduğuna görə iş üzrə icra sənədini tam icra edə bilməmişdir. Barəsində verilmiş təqdimatın təmin edilməsinə etiraz etmir. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-in 15.2 və 15.3-cü maddələrinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri məcburidir və Azərbaycan Respublikasının bütün ərazisində hökmən icra olunmalıdır. “İcra haqqında” Azərbaycan Respublikası Qanununun 84-1.1-ci maddəsinə əsasən məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzürsüz səbəbdən icra edilmədikdə borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Məhkəmə icra işində olan, təqdimata əlavə edilmiş sənədlərin surətləri əsasında təqdimatda göstərilən faktiki halların icra işində eyni məzmunda öz əksini tapdığını (məhkəmə həmin sənədlərin məzmununu təqdimatda olduğu kimi göstərildiyinə görə təkrarlamağa zərurət bilmir), eləcə də Füzuli rayon İcra və Probasiya şöbəsinin Borclu icra sənədini tam icra etməsi üçün 09 iyun, 04 iyul, 16 avqust və 03 oktyabr 2022, 05 və 11 yanvar 2023-cü il tarixlərdə şəxsən imza etdirilməklə yazılı qaydada xəbərdarlıq etsə də, sonuncunun icra sənədini üzürsüz səbəbdən tam icra etmədiyini müəyyən edir. Məhkəmə hesab edir ki, bu hal Borclu gələcəkdə icra sənədini tam icra etməkdən yayınmaq məqsədilə Azərbaycan Respublikası ərazisini tərk etməsi barədə əsaslı ehtimal yaradır. Məhkəmə yuxarıda göstərilən işin faktiki halları və qanunvericilik normalarına əsaslanaraq hesab edir ki, Füzuli Rayon Məhkəməsinin 17 mart 2022-ci il tarixli, 2(064)- 248/2022 nömrəli icra sənədinin tam icra edilməsinin təmin edilməsi məqsədilə təqdimat təmin edilməli, Borclu ölkədən getmək hüququ müvəqqəti məhdudlaşdırılmalıdır. Məhkəmə şərh olunanlara əsasən və Azərbaycan Respublikası MPM-in 231.3, 263, 264, 267-269-cu maddələrini rəhbər tutaraq, QƏRARA A L D İ: Təqdimat təmin edilsin. Füzuli Rayon Məhkəməsi tərəfindən verilmiş 17 mart 2022-ci il tarixli, 2(064)- 248/2022 nömrəli icra sənədinin icrası məqsədilə borclu – xx xxxx 2000-ci il təvəllüdlü, Füzuli rayonu, Qacar kəndində qeydiyyatda olan, hazırda Füzuli rayonu, Qarabağ kəndində yaşayan Borclu ölkədən getmək hüququ müvəqqəti məhdudlaşdırılsın. Qərardadın icrası Füzuli rayon İcra və Probasiya Şöbəsinə həvalə edilsin. Qərardaddan tərəflərə rəsmi qaydada verildikdən sonra 10 gün müddətində Füzuli Rayon Məhkəməsinə şikayət verilə bilər.