Xızı Rayon Məhkəməsi Qərardad — İş №8(068)-19/2022

Azərbaycan Respublikası adından QƏRARDAD Xızı rayonu İş № 8(068)-19/2022 31.08.2022 XIZI RAYON MƏHKƏMƏSİ X2 Ağamusa oğlunun sədrliyi, Nəbiyev Vüsal Nəcəfqulu oğlunun katibliyi ilə, Xızı rayon İcra və Probasiya şöbəsinin icra məmuru Vüsalə Bünyatovanın təqdimatına açıq məhkəmə iclasında baxaraq, müəyyən etdi: Xızı rayon İcra və Probasiya şöbəsinin icra məmuru Vüsalə Bünyatova təqdimatla məhkəməyə müraciət edərək, Xızı Rayon Dövlət Notariat Kontorunun 04 iyun 2021-ci il tarixli icra sənədinin icra olunması üçün Xızı rayonu, Yaşma stansiyasında yaşayan Borclu icra yerinə, Xızı rayon İcra və Probasiya şöbəsinə məcburi qaydada gətirilməsi barədə qərardad çıxarılmasını məhkəmədən xahiş etmişdir. Təqdimata əlavə edilmiş sənədlərlə onunla əsaslandırılmışdır ki, 11 iyun 2021-ci il tarixli qərarla icraata başlanılmış, Borclu cəmi 6038.95 manat və 20 manat dövlət rüsumu tutularaq tələbkar "xxxx" ASC-nin xeyrinə tutulmasına dair Xızı Rayon Dövlət Notariat Kontorunun 04 iyun 2021-ci il tarixli, 137 saylı icra sənədi icra olunması üçün Xızı rayon İcra və Probasiya şöbəsinə daxil olmuşdur. Borclu icra sənədini icra etməsi üçün rəsmi qaydada xəbərdarlıq olunmasına baxmayaraq heç bir üzrlü səbəb olmadan borcunu ödəmir və icra məmurunun çağırışlarına gəlməkdən boyun qaçırır. Ona görə də, icra məmuru təqdimatın təmin edilməsinə dair qərardad çıxarılmasını xahiş etmişdir. Tərəflərə və Xızı rayon İcra və Probasiya şöbəsinə məhkəmə iclasının vaxtı və yeri barədə məlumat verilsə də, onlar və nümayəndələri məhkəmə iclasına gəlməmiş və gəlməmə səbəbləri barədə məhkəməyə məlumat verməmişlər. Məhkəmə Azərbaycan Respublikasının MPM-nin 231.2-ci maddəsinə əsasən təqdimata borclunun, tələbkarın, eləcə də, Xızı rayon İcra və Probasiya şöbəsinin nümayəndəsinin iştirakı olmadan baxılmasını mümkün saydı. Məhkəmə iş materiallarını araşdırıb hesab edir ki, təqdimat aşağıdakı əsaslara görə təmin edilməlidir. Belə ki, göründüyü kimi, Xızı Rayon Dövlət Notariat Kontorunun 04 iyun 2021-ci il tarixli, 137 saylı icra sənədi icra olunması üçün aidiyyəti üzrə icra şöbəsinə daxil olmuş, Xızı rayon İcra və Probasiya şöbəsinin icra məmuru tərəfindən 11 iyun 2021-ci il tarixli qərarla icraata başlanılmış, tələbin könüllü icra edilməsi üçün borcluya 10 gün müddət verilmiş, lakin tələb könüllü icra edilməmişdir. Həmçinin, borclu çağırış üzrə icra sənədinin icrası yerinə qəsdən gəlməmişdir. Tələb könüllü icra edilmədiyindən müvafiq icra tədbirləri görülmüş, Xızı rayon İcra və Probasiya şöbəsinin icra məmuru tərəfindən 30 sentyabr 2021-ci il tarixdə borclunun məcburi gətirilməsi barədə qərar qəbul edilmişdir. Beləliklə, məhkəmədə müəyyən edildi ki, barəsində məcburi gətirilmənin tətbiq olunması xahiş edilən şəxslər icra məmurunun çağırışı ilə gəlməkdən, icra hərəkətlərinin həyata keçirildiyi yerə gəlməkdən üzrsüz səbəbdən yayınır. Ona görə də, təqdimat təmin edilməlidir. "İcra haqqında" Azərbaycan Respublikası Qanunun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Yuxarıda göstərilənlərə və Azərbaycan Respublikası MPM-nin 263-264, 266-268-ci maddələrinə əsasən məhkəmə qərara aldı: Təqdimat təmin edilsin. Xızı rayonu, Yaşma stansiyasında yaşayan Borclu Xızı Rayon Dövlət Notariat Kontorunun 04 iyun 2021-ci il tarixli icra sənədinin icrası ilə əlaqədar Xızı rayon İcra və Probasiya şöbəsinə məcburi qaydada gətirilsin. Qərardadın icrası Xızı rayon İcra və Probasiya şöbəsinə və borclunun olduğu yer üzrə polis şöbəsinə həvalə edilsin. Qərardaddan şikayət verilə bilməz. Sədrlik edən: Emin Abdullayev