Cəlilabad Rayon Məhkəməsi Qərardad — İş №8(073)-294/2025

Azərbaycan Respublikası adından QƏRARDAD Cəlilabad rayonu İş № 8(073)-294/2025 01.09.2025 CƏLİLABAD RAYON MƏHKƏMƏSİ X4 Adil oğlunun sədrliyi, Qasımov Elvin Yusif oğlunun katibliyi ilə, Cəlilabad Rayon Məhkəməsinin xx.xx.2025-cü il tarixli, 2-(073)-1834/2024-016 saylı icra vərəqəsi üzrə Borclu «Ölkədən getmək hüququnun müvəqqəti məhdudlaşdırılmasına dair» Cəlilabad Rayon İcra və Probasiya Şöbəsinin təqdimatına açıq məhkəmə iclasında baxaraq MÜƏYYƏN ETDİ: Cəlilabad Rayon Məhkəməsinin xx.xx.2025-ci il tarixli, 2-(073)-1834/24-016 saylı icra vərəqəsinə əsasən Borclu dəyəri 1000 manat olan 1 ədəd “Bryussa” markalı soyuducu, dəyəri 700 manat olan 1 ədəd “LG” markalı 82 diaqonal televizor, dəyəri 200 manat olan 1 ədəd qaşıq dəsti, dəyəri 4000 manat olan 1 ədəd komplekt (sırğa, üzük, qolbağı və kole) dəyəri 250 manat olan 1 ədəd qaşlı üzük, dəyəri 200 manat olan 1 ədəd qaşsız üzük və dəyəri 400 manat olan 1 ədəd nişan üzüyü, həmin əşyalar mövcud olmadıqda onların dəyəri alınaraq iddiaçı X3 verilməlidir. Cəlilabad Rayon İcra və Probasiya Şöbəsi təqdimatla məhkəməyə müraciət edərək, Borclu ölkədən getmək hüququnun müvəqqəti məhdudlaşdırılmasına dair qərardad qəbul edilməsini xahiş etmişdir. Təqdimat onunla əsaslandırılmışdır ki, icra sənədinə əsasən qəbul edilmiş icraata başlamaq haqqında qərar və bildiriş borcluya poçt vasitəsi ilə göndərilmiş, icra sənədində olan tələbi könüllü təmin edilməsi üçün 10 gün müddət müəyyən edilmişdir. Lakin bu müddət ərzində borclu tərəfindən icra sənədində olan tələb könüllü təmni edilmədiyi üçün borclunun əmlak vəziyyətini yoxlamaq üçün aidiyyatı təşkilatlara sorğular göndərilmişdir. Odur ki, Cəlilabad Rayon Məhkəməsinin xx.xx.2025-ci il tarixli, 2-(073)-1834/2024-016 saylı icra vərəqəsinin icrasını təmin etmək məqsədilə Borclu ölkədən getmək hüququnun müvəqqəti məhdudlaşdırılması məqsədə uyğundur. Tərəflərə məhkəmə iclasının vaxtı və yeri barədə məlumat verilsə də onlar məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişlər. Məhkəmə Azərbaycan Respublikasının Mülki Prosessual Məcəlləsinin 231.2-ci maddəsinə əsasən təqdimata gəlməyən şəxslərin iştirakı olmadan baxılmasını mümkün hesab etdi. Məhkəmə icra orqanının təqdimatını, işdə olan sənədləri və digər iş materiallarını nəzərdən keçirərək hesab edir ki, təqdimat əsaslı olduğundan təmin edilməlidir. Belə ki, işdə olan Cəlilabad Rayon Məhkəməsinin xx.xx.2025-ci il tarixli, 2-(073)- 1834/2024-016 saylı icra vərəqəsindən görünür ki, Borclu dəyəri 1000 manat olan 1 ədəd “Bryussa” markalı soyuducu, dəyəri 700 manat olan 1 ədəd “LG” markalı 82 diaqonal televizor, dəyəri 200 manat olan 1 ədəd qaşıq dəsti, dəyəri 4000 manat olan 1 ədəd komplekt (sırğa, üzük, qolbağı və kole) dəyəri 250 manat olan 1 ədəd qaşlı üzük, dəyəri 200 manat olan 1 ədəd qaşsız üzük və dəyəri 400 manat olan 1 ədəd nişan üzüyü, həmin əşyalar mövcud olmadıqda onların dəyəri alınaraq iddiaçı X3 verilməlidir. İşdə olan Cəlilabad rayon İcra və Probasiya Şöbəsinin xx.xx.2025-ci il tarixli icraata başlamaq haqqında qərarından görünür ki, Cəlilabad Rayon Məhkəməsinin xx.xx.2025-ci il tarixli, 2-(073)-1834/2024-016 saylı icra sənədi icraata qəbul edilmiş və Borclu 10 gün müddətində icranı könüllü təmin etməsi tələb olunmuşdur. Məhkəmə hesab edir ki, icra sənədinin icrasını təmin etmək məqsədilə icra orqanının gördüyü məcburi icra tədbirləri çərçivəsində cavabdeh Borclu ölkədən getməsinin müvəqqəti məhdudlaşdırılmasına dair təqdimatın dəlilləri əsaslıdır. «İcra haqqında» Azərbaycan Respublikası Qanununun 84-1.1-ci maddəsində göstərilmişdir ki, məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda cavabdeh tərəfindən üzrsüz səbəblərdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Ona görə də məhkəmə hesab edir ki, «İcra haqqında» Azərbaycan Respublikası Qanununun 84-1.1-ci maddəsində nəzərdə tutulmuş müvəqqəti məhdudiyyət, borclu X1 tələbkara olan borcunu ödədiyi günədək onun ölkə ərazisindən çıxmasına məhdudiyyət qoyulması kimi qəbul edilməlidir. Qeyd olunanlara əsasən və Azərbaycan Respublikası MPM-nin 263, 264 və 266- 268-ci, «İcra haqqında» Azərbaycan Respublikası Qanununun 84-1.1-ci maddələrini rəhbər tutaraq, məhkəmə QƏRARA ALDİ: Təqdimat təmin edilsin. Borclu Azərbaycan Respublikasından getmək hüququ Cəlilabad Rayon Məhkəməsinin xx.xx.2025-ci il tarixli, 2-(073)-1834/2024-016 saylı icra sənədi üzrə borcunu ödəyənədək müvəqqəti məhdudlaşdırılsın. Qərardadın icrası Cəlilabad Rayon İcra və Probasiya Şöbəsinə həvalə edilsin. Qərardaddan rəsmi qaydada verildikdən sonra 10 gün müddətində yazılı şəkildə Cəlilabad Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Vüsal Cəbrayilov