Şamaxı Rayon Məhkəməsi Qərardad — İş №8(074)-97/2022

Azərbaycan Respublikası adından QƏRARDAD Şamaxı rayonu İş № 8(074)-97/2022 14.07.2022 ŞAMAXI RAYON MƏHKƏMƏSİ Şamaxı rayon Məhkəməsinin hakimi Hümbətov Etibar Zülfüqar oğlunun sədrliyi, Abdullayev Əsgər Yadigar oğlunun katibliyi ilə, Şamaxı rayon notariat ofisinin 8İ-1829 saylı 24 fevral 2022-ci il tarixli icra sənədi üzrə icra qeydinə xitam verilməsi barədə Şamaxı rayon İcra və probasiya şöbəsinin 08 iyun 2022-ci il tarixli qərarından tələbkar Azercell Telekom MMC-nin nümayəndəsi X2 tərəfindən verilmiş şikayətə Şamaxı şəhərində, Şamaxı Rayon Məhkəməsinin binasında açıq məhkəmə iclasında baxaraq məhkəmə MÜƏYYƏN ETDİ: Şamaxı regional ASAN xidmət mərkəzinin Sİ-1829 nömrəli icra qeydinə əsasən Borclu 50-223-07- 26 nömrəli müqaviləyə əsasən müddət üçün vaxtında ödənilməmiş 30 manat 26 qəpik və bundan əlavə tələbkar tərəfindən ödənilmiş 25 manat dövlət rüsumu olmaqla cəmi 55 manat 26 qəpik pul tutulmalıdır. Şamaxı rayon İcra və Probasioya Şöbəsinin 08 iyun 2022-ci il tarixli qərarı ilə Borclu Azercell Telekom MMC-yə borcu qalmadığından Şamaxı rayon noitariat ofisinin 8İ-1829 saylı, 24 fevral 2022-ci il tarilxi icra sənədi üzrə icraata xitam verilmişdir. Hazırda tələbkar Azercell Telekom MMC-nin nümayəndəsi X1 rayon İcra və Probasiya şöbəsinin 08 iyun 2022-ci il tarilxi qərarından şikayət verərək göstərmişdir ki, Şamaxı rayon notariat ofisi tərəfindən "xxxx" MMC-nin nəfinə Borclu telefon nömrəsindən istifadə nəticəsində yaranmış borcun tutulmasına dair 8İ-1829 saylı, xx.xx.2022-ci il tarixli icra qeydi çıxarılaraq icra olunması üçün Şamaxı Rayon İcra və Probasiya Şöbəsinə göndərilmişdir. Şamaxı rayon İcra və Probasiya Şöbəsi tərəfindən "İcra haqqında" Azərbaycan Respublikası Qanununun 20.2-ci maddəsinə əsasən icra sənədinə xitam verilmişdir. İcra sənədi üzrə icra qeydinə xitam verilməsi barədə Şamaxı rayon İcra və X3 ilə razı deyil və əsassız hesab edir. Şamaxı rayon İcra şöbəsinin icra məmuru qərar qəbul edilən zaman "İcra haqqında" Qanunun yuxarıda qeyd edilən maddələrinin tələblərini pozmuş və yanlış qərar qəbul etmişdir. Belə ki, borclu şəxsin"xxxx" MMC-nin elektron bazasında ********* telefon nömrəsində 75,26 manat borc vardır. Məhkəmədən Şamaxı rayon İcra və Probasiya Şöbəsi tərəfindən qəbul edilmiş "icra sənədi üzrə icra qeydinə xitam verilməsi barədə" xx.xx.2022-ci il tarixli qərarın ləğv edilərək, Şamaxı rayon notariat ofisinin 8İ-1829 saylı, 24.02,2022-ci il tarixli icra qeydi icra tədbirlərinin davam etdirilməsi üçün yenidən Şamaxı rayon İcra və Probasiya Şöbəsinə göndərilməsi barədə qərar qəbul edilməsini xahiş etmişdir. Məhkəmə iclasının yeri və vaxtı barədə məlumat verilməsinə baxmayaraq iş üzrə tərəflər məhkəməyə gəlməmişdir. Tələbkar Azercell Telekom MMC-nin nümayəndəsi X2 məhkəməyə ərizə göndərərək şikayətə onun iştirakı olmadan baxılmasını və şikayətinin təmin olunmasını xahiş etmişdir. Məhkəmə Azərbaycan Respublikası MPM-nin 231.2-ci maddəsinə əsasən iclasın tərəflərin iştirakı olmadan keçirilməsini mümkün hesab etmişdir. Məhkəmə işdə olan sənədləri araşdırıb hesab edir ki, şikayət əsaslıdır və təmin edilməlidir. İş materiallarında olan Şamaxı regional ASAN xidmət mərkəzinin Sİ-1829 nömrəli icra qeydinə əsasən Borclu ********* nömrəli müqaviləyə əsasən müddət üçün vaxtında ödənilməmiş 30 manat 26 qəpik və bundan əlavə tələbkar tərəfindən ödənilmiş 25 manat dövlət rüsumu olmaqla cəmi 55 manat 26 qəpik pul tutulmalıdır. İş materiallarında olan Şamaxı rayon İcra və Probasiya Şöbəsinin 08 iyun 2022-ci il tarixli qərarı ilə Borclu Azercell Telekom MMC-yə borcu qalmadığından Şamaxı rayon notariat ofisinin 8İ- 1829 saylı, 24 fevral 2022-ci il tarilxi icra sənədi üzrə icraata xitam verilmişdir. Məhkəmə baxışı zamanı müəyyən olundu ki, icra məmuru X4 iş materiallarında olan ********** saylı 06 iyun 2022-ci il tarixli qəbzə və ********** saylı 06 iyun 2022-ci il tarixli qəbzə əsaslanaraq borcun ödənilməsi qənaətinə gəlmiş və bu səbəbdən də həmin icra sənədinin icrasına 08 iyun 2022-ci il tarixli qərarla xitam vermişdir. Lakin məhkəmə araşdırması zamanı həmin qəbzlərin hazırkı işə aid olub-olmamasını müəyyənləşdirmək mümkün deyildir. Çünki hazırda borclunun üzərində tələbkarın xeyrinə 55,26 manat borcu qaldığı müəyyən edilir. Göründüyü kimi məhkəmənin icra sənədi qanunvericilikdə nəzərdə tutulmuş qaydada icra edilməmiş yəni, icra məmuru tərəfindən icra sənədində göstərilən tələbin ödənilib ödənilməməsi araşdırılmadan, borclunun təqdim etdiyi qəbzlərə əsaslanaraq icraata xitam vermişdir. Belə olan halda icra sənədi tam icra olunmamışdır. İcra haqqında Azərbaycan Respublikası Qanunun 20.1.5-ci maddəsinə əsasən icra sənədi tam icra olunduqda icra sənədi üzrə icraata xitam verilir. İcra haqqında Azərbaycan Respublikası Qanunun 20.6-cı maddəsinə əsasən icraata xitam verilməsi barədə icra məmurunun qərarı məhkəmə tərəfindən ləğv edildikdə icra tədbirləri davam etdirilir. Bu zaman icra sənədinin icra müddəti icraata başlamaq haqqında qərarın qəbul edildiyi vaxtdan hesablanır. Beləliklə də məhkəmə hesab edir ki, verilmiş şikayət əsaslı olduğundan təmin edilməlidir. Qeyd edilənləri və Azərbaycan Respublikasının MPM-nin 263-264 və 269-cu maddələrini rəhbər tutaraq, məhkəmə QƏRARA ALDİ: Şamaxı rayon İcra və Probasiya şöbəsinin 08 iyun 2022-ci il tarixli qərarından tələbkar Azercell Telekom MMC-nin nümayəndəsi X2 tərəfindən verilmiş şikayət təmin edilsin. Şamaxı rayon İcra və Probasiya şöbəsinin 08 iyun 2022-ci il tarixli qərarı ləğv edilsin və Şamaxı rayon notariat ofisinin 24 fevral 2022-ci il tarixli 8i-1829 saylı icra sənədinin icrası Şamaxı rayon İcra və Probasiya Şöbəsinə həvalə edilsin. Qərardaddan 10 (on) gün müddətində Şamaxı Rayon Məhkəməsinə şikayət verilə bilər. Sədrlik edən Etibar Hümbətov