Şəmkir Rayon Məhkəməsi Qərardad — İş №8(076)-117/2025

Azərbaycan Respublikası adından QƏRARDAD Şəmkir rayon İş № 8(076)-117/2025 18.02.2025 ŞƏMKİR RAYON MƏHKƏMƏSİ Hakim Heydərova Nazlı Azər qızının sədrliyi Heydarov Cəmil Elxan oğlunun katibliyi ilə Şəmkir Rayon İcra və Probasiya Şöbəsinin borclunun əmlakı üzərinə həbs qoyulması haqqında təqdimatına məhkəmə iclasında baxaraq M Ü Ə Y Y Ə N E T D İ: Şəmkir Rayon İcra və Probasiya Şöbəsi borclunun əmlakı üzərinə həbs qoyulması haqqında təqdimatla məhkəməyə müraciət edərək göstərmişdir ki, Şəmkir Rayon Məhkəməsinin 2(076)-4360/2017 saylı, xx.xx.2017-ci il tarixli icra sənədinə əsasən, borclular X1 və Borclu 10226.57 manat məbləğində pul vəsaiti və 20 manat dövlət rüsumu alınaraq Tələbkar QSC-yə ödənilməsi qət edilmişdir. İcraata başlamaq haqqında qərar qəbul olunaraq surəti bildirişlə bərabər icra sənədi üzrə borcluların ünvanına göndərilmişdir. Borclu könüllü icra müddətində icra sənədi üzrə tələbi təmin etmədiyi üçün borclunun əmlak vəziyyətini yoxlamaq məqsədilə elektron sistem vasitəsilə sorğular edilmişdir. Əldə olunmuş sorğu məlumatına əsasən müəyyən olunmuşdur ki, Borclu məxsus olan «VAZ-21074» minik markalı, **-CL-*** dövlət qeydiyyat nişanlı və “VAZ 21063” minik markalı, **-BV-*** dövlət qeydiyyat nişanlı avtomobili vardır. Odur ki borcluya məxsus olan «VAZ-21074» minik markalı, **-CL-*** dövlət qeydiyyat nişanlı və “VAZ 21063” minik markalı, **-BV-*** dövlət qeydiyyat nişanlı avtomobillərin üzərinə həbs qoyulmasını məhkəmədən xahiş etmişdir. Məhkəmə iclasının vaxtı və yeri barədə məlumat verilməsinə baxmayaraq Şəmkir Rayon İcra və Probasiya Şöbəsinin icra məmuru, borclu və tələbkarın nümayəndəsi məhkəmə iclasına gəlməmiş və gəlməməsinin səbəbi barədə məlumat verməmişlər. Məhkəmə işə Şəmkir Rayon İcra və Probasiya Şöbəsinin icra məmurunun, borclunun və tələbkarın nümayəndəsinin iştirakı olmadan baxılmasını mümkün hesab etmişdir. Məhkəmə iş materiallarını nəzərdən keçirərək hesab edir ki, təqdimat əsaslı olduğundan təmin edilməlidir. Belə ki, iş materiallarından görünür ki, borcluya bildiriş və xəbərdarlıq göndərilməsinə baxmayaraq, o borclu olduğu məbləği ödəməmişdir. Təqdimata əlavə edilmiş şəxsin kartoçkasının əmlak məlumatları qrafasından görünür ki, Borclu adına «VAZ-21074» minik markalı, **-CL-*** dövlət qeydiyyat nişanlı və “VAZ 21063” minik markalı, **-BV-*** dövlət qeydiyyat nişanlı avtomobillər qeydiyyata alınmışdır. İş materiallarından görünür ki, xx.xx.2017-ci il tarixli icraata başlamaq haqqında qərar qəbul edilərək, qərarın surəti bildirişlə bərabər icra sənədi üzrə borclunun icra sənədində qeyd olunmuş ünvanına göndərilmişdir. İş materiallarına əlavə edilmiş tələbin könüllü icrası haqqında bildirişdən görünür ki, Şəmkir Rayon Məhkəməsinin, 2(076)-4360/2017 saylı, xx.xx.2017-ci il tarixli saylı icra sənədi üzrə tələbi könüllü icra etməsi üçün Borclu 10 gün müddətində vaxt verilmişdir. Azərbaycan Respublikası MPM–in 236-cı maddəsinə əsasən məhkəmə qətnamənin icrasını bu Məcəllənin 13-cü fəslində müəyyən olunmuş qaydada təmin edə bilər. “İcra haqqında” Azərbaycan Respublikası Qanununun 45.1-ci maddəsinə görə tələbin borclunun əmlakına yönəldilməsi bu əmlakın üzərinə həbs qoyulmasından, götürülməsindən və satılmasından ibarətdir. Həmin Qanunun 50.1-ci maddəsinə əsasən icraata başlamaq haqqında qərar borcluya təqdim olunduğu gündən ən geci 1 ay müddətində, təxirəsalınmaz hallarda isə qərarın təqdim olunması ilə eyni vaxtda borclunun əmlakı üzərinə həbs qoyulur. Həmin Qanunun 50.2-ci maddəsinə görə borclunun əmlakı üzərinə həbs qoyulması əmlakın siyahıya alınmasından, həmin əmlak üzərində sərəncam vermək hüququnun qadağan olunmasından, zəruri hallarda isə əmlakdan istifadə hüququnun məhdudlaşdırılmasından, onun götürülməsindən və ya saxlanmaq üçün verilməsindən ibarətdir. İcra sənədi icraya yönəldilənə qədər borclunun əmlakına həbs qoyulmayıbsa və ya icra sənədinin icrası zamanı tələbin borclunun əmlakına yönəldilməsi hallarında əmlak üzərinə həbs, bir qayda olaraq, icra məmurunun əsaslandırılmış təqdimatına əsasən məhkəmənin qərardadı ilə qoyulur. Odur ki, məhkəmə hesab edir ki, Borclu məxsus «VAZ-21074» minik markalı, **-CL- *** dövlət qeydiyyat nişanlı və “VAZ 21063” minik markalı, **-BV-*** dövlət qeydiyyat nişanlı avtomobillər tələbin yönəldilə biləcəyi əmlak olduğundan həmin avtomobillərin üzərinə həbs qoyulmalıdır. Azərbaycan Respublikası MPM–in 231, 263–269–cu maddələrini və «İcra haqqında» Azərbaycan Respublikası qanununun 50-ci maddəsini rəhbər tutaraq, məhkəmə Q Ə R A R A A L D İ: Şəmkir Rayon İcra və Probasiya Şöbəsinin təqdimatı təmin edilsin. Borclu məxsus, «VAZ-21074» minik markalı, **-CL-*** dövlət qeydiyyat nişanlı və “VAZ 21063” minik markalı, **-BV-*** dövlət qeydiyyat nişanlı avtomobillərin üzərinə həbs qoyulsun. Qərardaddan 10 (on) gün müddətində Şəmkir Rayon Məhkəməsinə şikayət verilə bilər. Hakim: Nazlı Heydərova