Şəmkir Rayon Məhkəməsi Qərardad — İş №8(076)-222/2025

Azərbaycan Respublikası adından QƏRARDAD Şəmkir rayon İş № 8(076)-222/2025 16.04.2025 ŞƏMKİR RAYON MƏHKƏMƏSİ X1 Mirzağa oğlunun sədrliyi Quluyeva Zərnişan Firdovsi qızının katibliyi ilə Şəmkir rayon İcra və Probasiya Şöbəsinin borclunun əmlakının həbsdən azad edilməsi haqqında təqdimatına məhkəmə iclasında baxaraq MÜƏYYƏNETDİ: Şəmkir Rayon Məhkəməsinin xx.xx.2022-ci il tarixli 2(076)-1715/2022 saylı icra sənədinə əsasən Borclu və qeyrisindən cəmi 3.234,93 manat məbləğində pulun və 52,35 manat dövlət rüsumunun alınıb Tələbkar ASC-yə verilməsi qət edilmiş, həmin qətnamə qanuni qüvvəyə minmiş və icraya yönəldilmişdir. Şəmkir rayon İcra və Probasiya Şöbəsi Borclu tələbin təmin edilməsi üçün yetərli pul vəsaitinin olmadığını göstərib, ona məxsus olan “VAZ 2101” markalı **-CX-*** dövlət qeydiyyat nişanlı avtomobilin üzərinə həbs qoyulması barədə məhkəməyə təqdimat vermiş, Şəmkir Rayon Məhkəməsinin xx.xx.2023–cü il tarixli 8(076)-184/2023 saylı qərardadı ilə həmin təqdimat təmin edilərək Borclu məxsus olan “VAZ 2101” markalı **- CX-*** dövlət qeydiyyat nişanlı avtomobilin üzərinə həbs qoyulmuşdur. Hazırda Şəmkir rayon İcra və Probasiya Şöbəsi məhkəməyə borclunun əmlakının həbsdən azad edilməsi barədə təqdimat verərək göstərmişdir ki, Şəmkir Rayon Məhkəməsinin xx.xx.2022-ci il tarixli 2(076)-1715/2022 saylı icra sənədinin icrası ilə bağlı zərurət aradan qalxmışdır. Bu səbəbdən avtomobilin üzərinə qoyulmuş həbsin götürülməsini məhkəmədən xahiş etmişdir. İş üzrə Şəmkir rayon İcra və Probasiya Şöbəsinə, tələbkara və borcluya məhkəmə iclasının vaxtı və yeri barədə lazımi qaydada məlumat verilməsinə baxmayaraq, üzrlü səbəb göstərmədən məhkəmə iclasına gəlməmişlər. Məhkəmə, Azərbaycan Respublikası MPM-nin 231.2-ci maddəsinə əsasən işə icra məmurunun, tələbkarın nümayəndəsinin və borclunun iştirakı olmadan baxılmasını mümkün hesab etmişdir. İşdə olan və Tələbkar ASC-nin nümayəndəsi tərəfindən yazılmış xx.xx.2025-ci il tarixli ərizədən görünür ki, Şəmkir Rayon Məhkəməsinin xx.xx.2022-ci il tarixli 2(076)- 1715/2022 saylı qətnaməsi üzrə borc tam ödənilmişdir. İşdə olan xx.xx.2025-ci il tarixli qərardan görünür ki, borclular tərəfindən borc tam şəkildə ödənildiyindən Şəmkir Rayon Məhkəməsinin xx.xx.2022-ci il tarixli 2(076)- 1715/2022 saylı icra sənədinə xitam verilmişdir. Odur ki, məhkəmə hesab edir ki, Borclu məxsus olan “VAZ 2101” markalı **-CX-*** dövlət qeydiyyat nişanlı avtomobil həbsdən azad edilməlidir. Yuxarıda göstərilənlərə əsasən və Azərbaycan Respublikası MPM-in 263, 264, 266cı maddələrini rəhbər tutaraq, məhkəmə QƏRARAALDİ: Şəmkir Rayon İcra və Probasiya Şöbəsinin təqdimatı təmin edilsin. Borclu məxsus olan “VAZ 2101” markalı **-CX-*** dövlət qeydiyyat nişanlı avtomobil həbsdən azad edilsin. Qərardadın icrası Şəmkir rayon İcra və Probasiya Şöbəsinə həvalə edilsin. Qərardaddan, rəsmi qaydada verildiyi gündən 10 (on) gün müddətində Şəmkir Rayon Məhkəməsinə (“Elektron Məhkəmə” informasiya sistemində yaradılan elektron kabinet vasitəsilə) şikayət verilə bilər. X2