Şəmkir Rayon Məhkəməsi Qərardad — İş №8(076)-293/2024

Azərbaycan Respublikası adından QƏRARDAD Şəmkir rayon İş № 8(076)-293/2024 22.05.2024 ŞƏMKİR RAYON MƏHKƏMƏSİ X3 Mirzağa oğlunun sədrliyi Kazımova Şəhanə Namiq qızının katibliyi ilə Şəmkir Rayon İcra və probasiya şöbəsinin borclunun əmlakı üzərinə həbs qoyulması haqqında təqdimatına məhkəmə iclasında baxaraq MÜƏYYƏNETDİ: Şəmkir Rayon İcra və probasiya şöbəsi borclunun əmlakı üzərinə həbs qoyulması haqqında təqdimatla məhkəməyə müraciət edərək göstərmişdir ki, Gəncə Şəhər Kəpəz Rayon Məhkəməsinin xx.xx.2014-cü il tarixli 2(043)-199/2014 saylı icra sənədinə əsasən borclular Borclu və X1 müştərək qaydada 4.000 ABŞ dolları məbləğində pulun ödəniş güün üçün Azərbaycan Respublikası Mərkəzi Bankının məzənnəsi ilə manatla alınaraq Tələbkar verilməsi, həmçinin Borclu 300 ABŞ dolları məbləğində pulun ödəniş güün üçün Azərbaycan Respublikası Mərkəzi Bankının məzənnəsi ilə manatla alınaraq Tələbkar verilməsi qət edilmişdir.. Bununla əlaqədar borcluya tələbin könüllü icrası barədə bildiriş göndərilmiş, lakin icra sənədində göstərilən tələb təmin olunmamışdır. İcra sənədini icra edən Şəmkir rayon İcra və probasiya şöbəsi təqdimatla məhkəməyə müraciət edərək başqa məcburi icra tədbirlərinin nəticə vermədiyini, Borclu tələbin təmin edilməsi üçün yetərli pul vəsaitinin olmadığını, bu səbəbdən borcluya məxsus olan, Gəncə şəhəri, Nizami rayonu, Gülüstan qəsəbəsində yerləşən 0.04 ha həyətyanı torpaq sahəsinin üzərinə həbs qoyulmasını məhkəmədən xahiş etmişdir. İş üzrə Şəmkir rayon İcra və probasiya şöbəsinə, tələbkara və borcluya məhkəmə iclasının vaxtı və yeri barədə lazımi qaydada məlumat verilməsinə baxmayaraq, üzrlü səbəb göstərmədən məhkəmə iclasına gəlməmişdir. Məhkəmə, işə icra məmurunun, tələbkarın və borclunun iştirakı olmadan baxılmasını mümkün hesab etmişdir. Məhkəmə iş materiallarını nəzərdən keçirərək hesab edir ki, təqdimat əsassız olduğundan təmin edilməməlidir. Belə ki, “Fiziki şəxs barəsində icra sənədi icra olunarkən tələbin yönəldilməsinə yol verilməyən əmlak növlərinin dəqiq Siyahısının təsdiq edilməsi” barədə Azərbaycan Respublikası Nazirlər Kabinetinin 05 iyun 2002-ci il tarixli 89 nömrəli Qərarı ilə fiziki şəxs barəsində icra sənədi icra olunarkən tələbin yönəldilməsinə yol verilməyən əmlak növlərinin dəqiq siyahısı müəyyən olunmuş, həmin siyahının 1-ci bəndində göstərilmişdir ki, borclu və onun ailəsinin sanitariya normaları çərçivəsində birgə yaşamalarını təmin edəcək mənzil, ev və ya onun ayrı-ayrı hissələri, həmçinin onların altında olan həyətyanı torpağa (bir ailə üçün bir ev və ya mənzildən çox olmamaq şərtilə) tələbin yönəldilməsinə yol verilmir. Təqdimata əlavə edilmiş şəxsin əmlak məlumatından görünür ki, Borclu mülkiyyətində Gəncə şəhəri, Nizami rayonu, Gülüstan qəsəbəsində yerləşən 0.04 ha həyətyanı torpaq sahəsi vardır. Göründüyü kimi üzərinə həbs qoyulması tələb olunan torpaq sahəsi cəmi 0.04 ha həyətyanı torpaq sahəsi olmaqla, borclu və onun ailəsinin sanitariya normaları çərçivəsində birgə yaşamalarını təmin edəcək mənzil, ev və ya onun ayrı-ayrı hissələrini özündə ehtiva edir ki, belə olan halda icra sənədi üzrə məcburi icra hərəkətləri çərçivəsində həmin torpaq sahəsinin üzərinə həbs qoyma növündə məcburi icra tədbirinin həyata keçirilməsi qanuna uyğun deyildir. Odur ki, məhkəmə, işin məhkəmə tərəfindən müəyyən olunmuş hallarını nəzərdən keçirərək hesab edir ki, borclunun əmlakı üzərinə həbs qoyulmasına dair hazırki təqdimat təmin edilməməlidir. Azərbaycan Respublikası MPM–in 231, 263–269–cu maddələrini rəhbər tutaraq, məhkəmə QƏRARAALDİ: Borclunun əmlakı üzərinə həbs qoyulması barədə Şəmkir Rayon İcra və probasiya şöbəsinin təqdimatı təmin edilməsin. Qərardaddan, rəsmi qaydada verildiyi gündən 10 (on) gün müddətində Şəmkir Rayon Məhkəməsinə şikayət verilə bilər. X4