Şəmkir Rayon Məhkəməsi Qərardad — İş №8(076)-407/2024

Azərbaycan Respublikası adından QƏRARDAD Şəmkir rayon İş № 8(076)-407/2024 18.07.2024 ŞƏMKİR RAYON MƏHKƏMƏSİ Hakim Musayev Taleh Valeh oğlunun sədrliyi İbrahimli Güləsər Rəhim qızının katibliyi ilə Şəmkir rayon İcra və Probasiya Şöbəsinin borclunun əmlakının həbsdən azad edilməsi haqqında təqdimatına məhkəmə iclasında baxaraq MÜƏYYƏNETDİ: Şəmkir Rayon Məhkəməsinin xx.xx.2016-cı il tarixli, 2(076)-2697/2016 saylı icra sənədinə əsasən, cavabdehlər Borclu və X1 cəmi 1037.50 manat pul və 20 manat dövlət rüsumu tutularaq Tələbkar ASC-yə ödənilməsi qət edilmiş, həmin qətnamə qanuni qüvvəyə minmiş və icraya yönəldilmişdir. Şəmkir rayon İcra və Probasiya Şöbəsi Borclu tələbin təmin edilməsi üçün yetərli pul vəsaitinin olmadığını göstərib ona məxsus olan, “QAZ-33021” markalı **-BE-*** dövlə qeydiyyat nişanlı avtomobilin üzərinə həbs qoyulması barədə мəhkəməyə təqdimat vermiş və Şəmkir Rayon Məhkəməsinin 01 sentyabr 2016–cı il tarixli 8(076)-306/2016 saylı qərardadı ilə həmin təqdimat təmin edilərək Borclu məxsus “QAZ-33021” markalı **-BE-*** dövlə qeydiyyat nişanlı avtomobilin üzərinə həbs qoyulmuşdur. Hazırda Şəmkir rayon İcra və Probasiya Şöbəsi məhkəməyə borclunun əmlakının həbsdən azad edilməsi haqqında təqdimat verərək göstərmişdir ki, Şəmkir Rayon Məhkəməsinin 01 sentyabr 2016–cı il tarixli 8(076)-306/2016 saylı icra sənədinin icrası ilə bağlı zərurət aradan qalxmışdır. İş üzrə Şəmkir rayon İcra və Probasiya Şöbəsinə, tələbkara və borcluya məhkəmə iclasının vaxtı və yeri barədə lazımi qaydada məlumat verilməsinə baxmayaraq, üzrlü səbəb göstərmədən məhkəmə iclasına gəlməmiş və səlahiyyətli nümayəndənin iştirakını təmin etməmişlər. Məhkəmə, Azərbaycan Respublikası MPM-nin 231.2-ci maddəsinə əsasən işə icra məmurunun, borclunun və tələbkarın nümayəndəsinin iştirakı olmadan baxılmasını mümkün hesab etmişdir. İşdə olan Tələbkar ASC tərəfindən, Şəmkir rayon İcra və Probasiya Şöbəsinə ünvanlanmış xx.xx.2024-cü il tarixli məktubdan görünür ki, Borclu icra sənədi üzrə borcunu tam yerinə yetirdiyindən tələbkar, borclunun barəsində olan işə xitam verilməsini xahiş etmişdir. İşdə olan xx.xx.2024-cü il tarixli qərardan görünür ki, Şəmkir Rayon Məhkəməsinin xx.xx.2016-cı il tarixli, 2(076)-2697/2016 saylı icra sənədi üzrə icraata xitam verilmişdir. Odur ki məhkəmə hesab edir ki, Borclu məxsus “QAZ-33021” markalı **-BE-*** dövlə qeydiyyat nişanlı avtomobil həbsdən azad edilməlidir. Yuxarıda göstərilənlərə əsasən və Azərbaycan Respublikası MPM-in 263, 264, 266cı maddələrini rəhbər tutaraq, məhkəmə QƏRARAALDİ: Şəmkir rayon İcra və Probasiya Şöbəsinin təqdimatı təmin edilsin. Borclu məxsus “QAZ-33021” markalı **-BE-*** dövlə qeydiyyat nişanlı avtomobil həbsdən azad edilsin. Qərardadın icrası Şəmkir rayon İcra və Probasiya Şöbəsinə həvalə edilsin. Hakim Taleh Musayev