Şəmkir Rayon Məhkəməsi Qərardad — İş №8(076)-482/2023

Azərbaycan Respublikası adından QƏRARDAD Şəmkir rayon İş № 8(076)-482/2023 20.09.2023 ŞƏMKİR RAYON MƏHKƏMƏSİ Şəmkir rayon məhkəməsinin hakimi Şəfəq Ənvər qızı Məmmədovanın sədrliyi, İbrahimova Türkan Qulu qızının katibliyi ilə, Şəmkir Rayon İcra və Probasiya Şöbəsinin icra məmuru Ayaz Hüseynov borclunun məcburi gətirilməsi haqqında təqdimatına məhkəmə iclasında baxaraq Müəyyən etdi: Şəmkir Rayon İcra və Probasiya Şöbəsinin icra məmuru Ayaz Hüseynov borclunun məcburi gətirilməsi barədə təqdimatla məhkəməyə müraciət etmişdir. Təqdimat onunla əsaslandırılmışdır ki, Şəmkir Rayon Məhkəməsinin 2(076)- 164/2021 saylı, xx.xx.2021-ci il tarixli icra sənədinə əsasən Borclu hər ay bir uşağın yetkinlik yaşına çatana kimi saxlanılması üçün cəmi 140 manat sabit pul məbləğində aliment tutularaq tələbkar X2 verilmsəi qət edilmişdir. İcra sənədi xx.xx.2021-ci il tarixdə icraata daxil olduqdan sonra icraata başlamaq haqqında qərar qəbul edilmiş və qanunla müəyyən edilmiş 10 müddətində icra sənədi üzrə tələbin könüllü icra edilməsi üçün müvafiq qaydada qərarın surəti bildirişlə bərabər borcluların icra sənədində göstərilən ünvanına göndərilmişdir. Borclu icraata başlamaq haqqında qərarın surətini və bildirişi qəbul etmiş və edilən çoxsaylı xəbərdarlıqlara baxmayaraq İcra şöbəsinə gəlməkdən boyun qaçırmışdır. Lakin borclu bu günədək icra sənədi üzrə tələbi təmin etməmişdir. xx.xx.2023-cü il tarixdə tərəflərindən qərar qəbul edilərək Borclu ünvanına göndərilmiş və həmin qərardan şikayət verilməmişdir. Odur ki, Borclu Şəmkir rayon İcra və Probasiya Şöbəsinə məcburi gətirilməsi barədə təqdimatın təmin olunmasına dair qərar qəbul edilməsi məhkəmədən xahiş edilmişdir. Şəmkir rayon İcra və Probasiya Şöbəsinə, tələbkar X2 və Borclu məhkəmə iclasının vaxtı və yeri barədə lazımi qaydada məlumat verilməsinə baxmayaraq üzrlü səbəb göstərmədən məhkəmə iclasına gəlməmişlər. Məhkəmə Azərbaycan Respublikası MPM-nin 231.2-ci maddəsinə əsasən işə icra məmurunun, tələbkarın nümayəndəsinin və borclunun iştirakları olmadan baxılmasını mümkün hesab etmişdir. Мəhkəmə iş materiallarını nəzərdən keçirərək hesab edir ki, təqdimat əsaslı olduğundan təmin edilməlidir. Belə ki, təqdimata əlavə olunmuş Şəmkir Rayon Məhkəməsinin 2(076)- 164/2021 saylı, xx.xx.2021-ci il tarixli icra sənədinə əsasən Borclu hər ay bir uşağın yetkinlik yaşına çatana kimi saxlanılması üçün cəmi 140 manat sabit pul məbləğində aliment tutularaq tələbkar X2 verilmsəi qət edilmişdir. Təqdimata əlavə olunmuş Şəmkir Rayon İcra və Probasiya Şöbəsinin xx.xx.2022-ci il tarixli qərarından görünür ki, Şəmkir Rayon Məhkəməsinin 2(076)- 164/2021 saylı, xx.xx.2021-ci il tarixli icra sənədi icraata qəbul edilmiş və icraya yönəldilmişdir. Təqdimata əlavə olunmuş tələbin könüllü icrası haqqında xx.xx.2021-ci il tarixli, 38691/2021-10 nömrəli bildirişdən görünür ki, borcluya tələbin könüllü icrası haqqında bildiriş göndərilərək, icra sənədi üzrə tələbi icra etməsi, əks təqdirdə qanunvericilikdə nəzərdə tutulmuş məsuliyyəti daşıması izah edilmişdir. Təqdimata əlavə olunmuş borclunun məcburi gətirilməsi haqqında xx.xx.2023-cü il tarixli qərardan görünür ki, icra məmuru Ayaz Hüseynov tərəfindən Borclu məcburi gətirilməsi barədə qərar qəbul edilmişdir. Beləliklə, borcluya tələbin könüllü icrası haqqında bildiriş və müvafiq xəbərdarlıq göndərilməsinə baxmayaraq, o, icra şöbəsinə gəlməkdən yayınmışdır. «İcra Haqqında» Azərbaycan Respublikası Qanununun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Odur ki, məhkəmə hesab edir ki, borclu X1 rayon İcra və Probasiya Şöbəsinə məcburi gətirilməlidir. Azərbaycan Respublikası MPM–in 231, 263–269–cu maddələrini rəhbər tutaraq, məhkəmə Qərara aldı: Şəmkir rayon İcra və Probasiya Şöbəsinin təqdimatı təmin edilsin. Şəmkir rayonu, Zəyəm Cırdaxan kəndində yaşayan borclu xx.xx.1985-ci il təvəllüdlü Borclu Şəmkir rayon İcra və Probasiya Şöbəsinə məcburi gətirilsin. Qərardadın icrası Şəmkir rayon Polis Şöbəsinə tapşırılsın. Qərardaddan 10 (on) gün müddətində Şəmkir Rayon Məhkəməısinə şikayət verilə bilər. Hakim Şəfəq Məmmədova