Şəmkir Rayon Məhkəməsi Qərardad — İş №8(076)-8/2025

Azərbaycan Respublikası adından QƏRARDAD Şəmkir rayon İş № 8(076)-8/2025 07.01.2025 ŞƏMKİR RAYON MƏHKƏMƏSİ Hakim Heydərova Nazlı Azər qızının sədrliyi Heydarov Cəmil Elxan oğlunun katibliyi Tələbkar: X1 Borclu: Borclu iştirakları ilə İddiaçı X1 cavabdeh Borclu qarşı “Nikahın pozulması və alimentin sabit pul məbləğində tutulması tələbi”nə dair mülki iş üzrə icra sənədinin qaytarılması barədə Şəmkir Rayon İcra və Probasiya Şöbəsinin xx.xx.2019-cu il tarixli qərarının ləğv edilməsi və Şəmkir Rayon Məhkəməsinin 2(076)-90/2019 saylı, xx.xx.2019-cu il tarixli saylı icra sənədinin təkrar icraya yönəldilməsi barədə tələbkarın ərizəsinə açıq məhkəmə iclasında baxaraq MÜƏYYƏNETDİ: Şəmkir Rayon Məhkəməsinin 2(076)-90/2019 saylı, xx.xx.2019-cu il tarixli saylı qətnaməsi ilə iddiaçı X1 cavabdeh Borclu qarşı “Nikahın pozulması və alimentin sabit pul məbləğində tutulması tələbi”nə dair iddiası qismən təmin olunmuş və 19 dekabr 2018–ci il tarixdən başlayaraq, xx.xx.2011-ci il təvəllüdlü Məryəm və xx.xx.2012-ci il təvəllüdlü İnci adlı uşağın yetkinlik yaşına çatanadək saxlanması üçün cavabdeh Borclu hər ay cəmi 280 manat sabit pul məbləğində alimentin tutulub iddiaçı X2 verilməsi qət edilmiş, qətnamə qanuni qüvvəyə mindikdən sonra icraya yönəldilmişdir. Bundan sonra “İcra sənədinin məhkəməyə və ya digər orqana qaytarılması haqqında” Şəmkir Rayon İcra və Probasiya Şöbəsinin xx.xx.2019-cu il tarixli qərarı ilə həmin icra sənədi məhkəməyə qaytarılmışdır. Hazırda yuxarıda qeyd olunan icra sənədi üzrə tələbkar X3 ərizə ilə Şəmkir Rayon Məhkəməsinə müraciət edərək, Şəmkir Rayon İcra və Probasiya Şöbəsinin xx.xx.2019-cu il tarixli qərarının ləğv edilməsini və Şəmkir Rayon Məhkəməsinin 2(076)-90/2019 saylı, xx.xx.2019-cu il tarixli saylı qətnaməsinin təkrar icraya yönəldilməsini məhkəmədən xahiş etmişdir. Şəmkir rayon İcra və Probasiya Şöbəsinə məhkəmə iclasının vaxtı və yeri barədə rəsmi qaydada lazımi məlumat verilməsinə baxmayaraq, nümayəndəsi məhkəmə iclasına gəlməmiş, gəlməmələrinin səbəbləri barədə məhkəməyə hər hansı məlumat verməmişdir. Məhkəmə işə icra məmurunun iştirakı olmadan baxılmasını mümkün hesab etmişdir. Məhkəmə iclası zamanı tələbkar X3 məhkəməyə təqdim etdiyi ərizəsinin dəlillərini müdafiə edərək izahatında bildirdi ki, hazırda cavabdehlə aralarında narazılıq olduğu üçün, məhkəmənin təkrar icra sənədi verməsi zərurəti yaranmışdır, odur ki hazırki ərizəsinin əsaslı olduğunu bildirərək təmin edilməsini xahiş edir. Məhkəmə iclası zamanı Borclu izahatında bildirdi ki, qanunla üzərinə düşən hərəkətləri etməyə hazırdır, odur ki məhkəmədən qanunamüvafiq qərar qəbul edilməsini xahiş edir. Məhkəmə, tərəflərin izahatını, işdə olan sənədləri nəzərdən keçirərək və işin məhkəmə tərəfindən müəyyən edilmiş hallarına qiymət verərək hesab edir ki, tələbkarın ərizəsi əsaslı olduğundan təmin edilməlidir. Belə ki, iş materialları ilə müəyyən olunur ki, Şəmkir Rayon Məhkəməsinin 2(076)- 90/2019 saylı, xx.xx.2019-cu il tarixli saylı qətnaməsi ilə 19 dekabr 2018–ci il tarixdən başlayaraq, xx.xx.2011-ci il təvəllüdlü Məryəm və xx.xx.2012-ci il təvəllüdlü İnci adlı uşağın yetkinlik yaşına çatanadək saxlanması üçün cavabdeh Borclu hər ay cəmi 280 manat sabit pul məbləğində alimentin tutulub iddiaçı X2 verilməsi qət edilmişdir. Qətnamə qanuni qüvvəyə mindikdən sonra icra edilməsi üçün Şəmkir rayon İcra və Probasiya Şöbəsinə göndərilmiş, icra hərəkətləri həyata keçirilərkən tələbkarın ərizəsi əsasında Şəmkir Rayon İcra və Probasiya Şöbəsinin xx.xx.2019-cu il tarixli qərarı ilə icra sənədi məhkəməyə qaytarılmışdır. Göründüyü kimi Şəmkir rayon İcra və Probasiya Şöbəsinin icra məmurunun xx.xx.2019-cu il tarixli qərarı ilə tələbkarın ərizəsi əsasında Şəmkir Rayon Məhkəməsinin 2(076)-90/2019 saylı, xx.xx.2019-cu il tarixli saylı icra sənədini məhkəməyə qaytarmışdır. “İcra Haqqında” Azərbaycan Respublikası Qanununun 20.1.5–ci maddəsinə əsasən icra sənədi tam icra olunduqda icra sənədi üzrə icraata xitam verilir. Həmin Qanunun 23.1.1–ci maddəsinə əsasən tələbin icra edilmədiyi və ya qismən icra edildiyi icra sənədi tələbkarın ərizəsi əsasında icra sənədini vermiş məhkəməyə və ya digər orqana (notariusun icra qeydi isə tələbkara) qaytarılır. Ona görə də məhkəmə hesab edir ki, hazırki vəziyyətdə icra sənədinin məhkəməyə qaytarılması üçün hüquqi əsas yoxdur. Belə olan halda məhkəmə hesab edir ki, Şəmkir Rayon İcra və Probasiya Şöbəsinin xx.xx.2019-cu il tarixli qərarı ləğv edilməli və 2(076)-90/2019 saylı, xx.xx.2019-cu il tarixli saylı icra sənədi təkrar icraya yönəldilməlidir. Qeyd olunanlara əsasən və Azərbaycan Respublikası MPM–in 231, 263, 264 və 266–cı maddələrini rəhbər tutaraq məhkəmə QƏRARAALDİ: Ərizə təmin edilsin. “İcra sənədinin məhkəməyə və ya digər orqana qaytarılması haqqında” Şəmkir Rayon İcra və Probasiya Şöbəsinin xx.xx.2019-cu il tarixli qərarı ləğv edilsin. İddiaçı X1 cavabdeh Borclu qarşı aliment tələbinə dair Şəmkir Rayon Məhkəməsinin 2(076)-90/2019 saylı, xx.xx.2019-cu il tarixli icra sənədi icra edilməsi üçün təkrar icraya yönəldilsin. Qərardaddan rəsmi qaydada verildiyi gündən 10 (on) gün müddətində Şəmkir Rayon Məhkəməsinə şikayət verilə bilər. Hakim Nazlı Heydərova