Naxçıvan MR Naxçıvan Şəhər Məhkəməsi Qərardad — İş №8(078)-26/2023

Azərbaycan Respublikası adından QƏRARDAD Naxçıvan şəhəri İş № 8(078)-26/2023 16.02.2023 NAXÇIVAN MR NAXÇIVAN ŞƏHƏR MƏHKƏMƏSİ (Borclunun məcburi gətirilməsi barədə) X1 Xanlar qızının sədrliyi, Bağırova Nigar Ənvər qızının katibliyi, Naxçıvan Şəhər İcra və Probasiya Şöbəsinin icra məmuru V.Quliyevin 222852/2021 nömrəli 08 fevral 2023-cü il tarixli “Borclunun məcburi gətirilməsi” haqqında təqdimatına açıq məhkəmə iclasında baxaraq, müəyyənetdi: Naxçıvan Şəhər İcra və Probasiya Şöbəsinin icra məmuru V.Quliyev 222852/2021 nömrəli 08 fevral 2023-cü il tarixli “Borclunun məcburi gətirilməsi” haqqında təqdimatla məhkəməyə müraciət edərək, Naxçıvan Şəhər Məhkəməsinin 2(078)-689/2021 nömrəli 13 iyul 2021-ci il tarixli qətnaməsi əsasında verilmiş 13 sentyabr 2021-ci il tarixli icra vərəqəsinin icrası ilə əlaqədar Borclu məcburi gətirilməsinə dair məsələyə baxılmasını xahiş etmişdir. Məhkəmə baxışı iclasının vaxtı və yeri barədə Borclu, Tələbkar və təqdimat verən Naxçıvan Şəhər İcra və Probasiya Şöbəsinə rəsmi qaydada məlumat verilməsinə baxmayaraq tərəflər və təqdimat verən orqanın nümayəndəsi məhkəmə baxışı iclasında iştirak etməmişlər. Məhkəmə Tələbkar, Borclu və təqdimat verən Naxçıvan Şəhər İcra və Probasiya Şöbəsinin nümayəndəsinin iştirakı olmadan işə baxılmasını mümkün hesab etmişdir. Məhkəmə təqdimatı və ona əlavə olunmuş sənədləri nəzərdən keçirib belə hesab edir ki, təqdimat əsaslı olduğundan təmin olunmalı və Naxçıvan Şəhər Məhkəməsinin 2(078)- 689/2021 nömrəli 13 iyul 2021-ci il tarixli qətnaməsi əsasında verilmiş 13 sentyabr 2021-ci il tarixli icra vərəqəsinin icra olunması məqsədilə Kəngərli rayon Yurdçu kəndində qeydiyyatda olan Borclu məcburi gətirilməlidir. Belə ki, iş materiallarından görünür ki, Naxçıvan Şəhər Məhkəməsinin 2(078)- 689/2021 nömrəli 13 iyul 2021-ci il tarixli qətnaməsi ilə Tələbkar ilə Borclu birgə nikahları dövründə yarnamış ümumi borc məbləği 40018.70 (qırx min on səkkiz manat yetmiş qəpik) manat və 5522.35 (beş min beş yüz iyirmi iki dollar otuz beş sent) ABŞ dolları olan pulun ½ hissəsini təşkil edən 20009.35 (iyirmi min doqquz manat otuz beş qəpik) manat və 2761.18 (iki min yeddi yüz altmış bir dollar on səkkiz sent) ABŞ dolları cavabdeh Borclu alınıb iddiaçı Tələbkar verilməsi, cavabdeh Borclu alınan 2761.18 (iki min yeddi yüz altmış bir dollar on səkkiz sent) ABŞ dolları qətnamənin icra edildiyi günə olan manat məzənnəsi ilə hesablanmaqla iddiaçı Tələbkar verilməsi, iddiaçı Tələbkar tərəfindən "xxxx" ASC Naxçıvan filialına xx.xx.2021-ci il tarixli 24711 nömrəli qəbzlə ödənilmiş 30 (otuz) manat dövlət rüsumu cavabdeh Borclu alınaraq iddiaçıya qaytarılması qət olunmuş, qətnamə 12 sentyabr 2021-ci il tarixdə qanuni qüvvəsini almış və 13 sentyabr 2021-ci il tarixdə icra vərəqəsi çıxarılaraq icra olunması üçün Naxçıvan Şəhər İcra və Probasiya Şöbəsinə göndərilmişdir. Naxçıvan Şəhər İcra və Probasiya Şöbəsinin xx.xx.2021-ci il tarixli icraata başlamaq haqqında qərarının surətindən məlum olur ki, həmin qərarla iş üzrə icraat başlanmışdır. Naxçıvan Şəhər İcra və Probasiya Şöbəsinin xx.xx.2021-ci il il tarixli tələbin könüllü icrası haqqında bildiriş verilmişdir Təqdimatdan və ona əlavə olunmuş sənədlərdən görünür ki, icra vərəqəsi əsasında verilmiş icra sənədi Borclu tərəfindən tam icra edilməmişdir. Təqdimatdan və ona əlavə olunmuş sənədlərdən görünür ki, Borclu müxtəlif vaxtlarda tələbi icra etmək məqsədi ilə rəsmi xəbərdarlıqlar edilərək nəzərinə catdırılmışdır ki, məhkəmə qətnaməsində qeyd olunan məbləği tələbkara ödəmədiyi halda hərəkətləri icra sənədinin icrasından qərəzli boyun qacırma kimi qiymətləndiriləcəkdir. Bundan başqa bir necə dəfə ona bildiriş göndərməklə onu icra şöbəsinə dəvət etmişlər. Lakin Borclu tərəfindən üzrsüz səbəbdən tam icra edilməmiş və icra şöbəsinə gəlməkdən boyun qaçırmışdır. Naxçıvan Şəhər İcra və Probasiya Şöbəsi tərəfindən xx.xx.2023-cü il tarixdə borculunun məcburi gətirilməsi haqqında qərar qəbul edilmişdir. Yuxarıda qeyd olunan sənədlərdən də belə məlum olur ki, Borclu verilmiş icra vərəqəsi üzrə borc məbləğinin məcburi icra olunması üçün qanunvericiliklə nəzərdə tutulmuş tədbirlər görülmüşdür. Azərbaycan Respublikası Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki-Prosessual Məcəlləsinin 15.2 və 15.3-cü maddələrinə əsasən məhkəmənin qanuni qüvvəyə minmiş qətnaməsi, qərarı, əmri bütün dövlət hakimiyyəti, yerli özünüidarə onqarları, onların vəzifəli şəxsləri, ictimai birliklər, siyasi partiyalar, həmkarlar ittifaqı, onların vəzifəli şəxsləri həmçinin fiziki və hüquqi şəxslər ücün məcburidir və Azərbaycan Respublikasının bütün ərazisində hökmən icra olunmalıdır. Məhkəmə aktının icra olunmamsı, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. “İcra haqqında” Azərbaycan Respublikası Qanunun 84.2-ci maddəsində göstərilir ki, icra məmurunun cağrışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcburi gətirilmə tətbiq olunur. Beləliklə, məhkəmə yuxarıda qeyd olunan xüsusatları nəzərə alaraq belə nəticəyə gəlir ki, Naxçıvan Şəhər İcra və Probasiya Şöbəsinin icra məmuru V.Quliyevin 222852/2021 nömrəli 08 fevral 2023-cü il tarixli “Borclunun məcburi gətirilməsi” haqqında təqdimatı əsaslı olduğu üçün təmin olunmalıdır. Azərbaycan Respublikasının Mülki-Prosessual Məcəlləsinin 204, 263-264 və 267- 268-ci maddələrini rəhbər tutaraq, məhkəmə qərarverdi: Naxçıvan Şəhər İcra və Probasiya Şöbəsinin icra məmuru V.Quliyevin 222852/2021 nömrəli 08 fevral 2023-cü il tarixli “Borclunun məcburi gətirilməsi” haqqında təqdimatı təmin edilsin. Naxçıvan Şəhər Məhkəməsinin 2(078)-689/2021 nömrəli 13 iyul 2021-ci il tarixli qətnaməsi əsasında verilmiş 13 sentyabr 2021-ci il tarixli icra vərəqəsinin icrasını təmin etmək məqsədilə Kəngərli rayon Yurdçu kəndində qeydiyyatda olan Borclu məcburi qaydada Naxçıvan Şəhər İcra və Probasiya Şöbəsinə gətirilsin. Qərardadın icrası Kəngərli Rayon Polis İdarəsinə tapşırılsın. Qərardaddan şikayət, qərardad tərəfə rəsmi qaydada verildikdən sonra 10 gün müddətində qərardadı çıxaran məhkəməyə verilə bilər. Sədrlik edən: Gülnar Səfərəliyeva.