Naxçıvan MR Naxçıvan Şəhər Məhkəməsi Qərardad — İş №8(078)-31/2024

Azərbaycan Respublikası adından QƏRARDAD Naxçıvan şəhəri İş № 8(078)-31/2024 16.04.2024 NAXÇIVAN MR NAXÇIVAN ŞƏHƏR MƏHKƏMƏSİ Hakim Məmmədov Qabil Neymət oğlunun sədrliyi, X5 məhkəmə iclas katibliyi, Borclu iştirakı ilə, Naxçıvan Şəhər Məhkəməsi tərəfindən verilmiş 2(078)-1090/2023 nömrəli, 14 dekabr 2023-cü il tarixli icra vərəqəsinin icrasını təmin etmək məqsədilə Borclu "ölkədən getmək hüququnun müvəqqəti məhdudlaşdırılması” haqqında təqdimata açıq məhkəmə iclasında baxaraq m ü ə y y ə n e t d i: Naxçıvan Şəhər İcra və Probasiya Şöbəsinin icra məmuru X12 təqdimatla məhkəməyə müraciət edərək, Naxçıvan Şəhər Məhkəməsi tərəfindən verilmiş 2(078)- 1090/2023 nömrəli, 14 dekabr 2023-cü il tarixli icra vərəqəsi üzrə borclu, 08 may 1979-cu il tarixdə Şərur rayonu, Dəmirçi kəndində anadan olmuş, Naxçıvan şəhəri, Hacıniyyət kəndində qeydiyyatda olan Borclu ölkədən getmək hüququnun müvəqqəti məhdudlaşdırılmasına dair məsələyə baxılmasını xahiş etmişdir. Naxçıvan Şəhər İcra və Probasiya Şöbəsinin icra məmuru X9 və tələbkar X3 məhkəmə iclasının yeri və vaxtı barədə əvvəlcədən rəsmi qaydada məlumat verilmiş, lakin onlar məhkəməyə gəlməmiş və bu barədə məhkəməyə hər hansı bir məlumat verməmişlər. Azərbaycan Respublikası Mülki-Prosessual Məcəlləsinin 231.2-ci maddəsinə müvafiq olaraq, işə icra məmurunun və tələbkarın iştirakı olmadan baxılmışdır. Məhkəmədə borclu şəxs Borclu izahatında təqdimatı qəbul etmədiyini, qətnaməni icra etdiyini, tələbkarla bir ailədə yaşadıqlarını, qazancını da evə gətirdiyini, lakin əvvəldən borcunun qaldığını, 600 manat əmək haqqı ilə qalan borcu ödəməsinin mümkün olmadığını, ölkədən kənarda işləmədən borcunun ödənilməsinin çətin olduğunu, buna görə də, təqdimatın rədd olunmasını xahiş etdi. Məhkəmə təqdimatı və ona əlavə olunmuş sənədləri nəzərdən keçirib belə hesab edir ki, təqdimat əsaslı olduğundan təmin olunmalı və Naxçıvan Şəhər Məhkəməsi tərəfindən verilmiş 2(078)-1090/2023 nömrəli, 14 dekabr 2023-cü il tarixli icra vərəqəsi üzrə borclu, 08 may 1979-cu il tarixdə Şərur rayonu, Dəmirçi kəndində anadan olmuş, Naxçıvan şəhəri, Hacıniyyət kəndində qeydiyyatda olan Borclu ölkədən getmək hüququ müvəqqəti məhdudlaşdırılmalıdır. Belə ki, təqdimat və ona əlavə olunmuş sənədlərdən məlum olur ki, Naxçıvan Şəhər Məhkəməsi tərəfindən verilmiş 2(078)-1090/2023 nömrəli, 14 dekabr 2023-cü il tarixli icra vərəqəsinə əsasən, 24 iyul 2023-cü il tarixdən hesablanmağa başlayaraq, Borclu hər ay hər bir uşağa 150 (bir yüz əlli) manat olmaqla, cəmi 450 (dörd yüz əlli) manat miqdarında alimentin tutularaq, 01 oktyabr 2007-ci ildə doğulmuş X4, 08 yanvar 2009-cu ildə doğulmuş X1 və 04 may 2013-cü il tarixdə doğulmuş X2 yetkinlik yaşlarına çatana kimi saxlanılmaları üçün anaları X3 ödənilməsi qət edilmişdir. Borclu 15 dekabr 2023-cü il tarixdə tələbin könüllü icrası haqqında bildiriş və 15 dekabr 2023-cü il tarixli icraata başlamaq haqqında qərarın surəti qeydiyyatda olduğu ünvana göndərilmişdir. Həmçinin Borclu 29 mart 2024-cü il tarixdə yazılı şəkildə xəbərdarlıq qeydiyyatda olduğu ünvana göndərilmişdir. Borclu barəsində müvafiq orqanlara verilmiş sorğulara əsasən adına tələbin yönəldilə biləcəyi daşınar və daşınmaz əmlak, hesablaşma hesabı olmaması, təqaüd almaması müəyyən olunmuşdur. Könüllü icra üçün müəyyən olunmuş müddətdə icra vərəqəsini üzrsüz səbəbdən icra etmədiyindən Naxçıvan Şəhər Məhkəməsi tərəfindən verilmiş 2(078)-1090/2023 nömrəli, 14 dekabr 2023-cü il tarixli icra vərəqəsi üzrə borclu, 08 may 1979-cu il tarixdə Şərur rayonu, Dəmirçi kəndində anadan olmuş, Naxçıvan şəhəri, Hacıniyyət kəndində qeydiyyatda olan Borclu ölkədən getmək hüququ müvəqqəti məhdudlaşdırılmalıdır. “İcra haqqında” Azərbaycan Respublikası Qanununun 84-1.1-ci maddəsinə əsasən, məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Azərbaycan Respublikası MPM-in 231, 263, 264, 267 və 268-ci maddələrini rəhbər tutaraq məhkəmə qərarverdi: Təqdimat təmin edilsin. Naxçıvan Şəhər Məhkəməsi tərəfindən verilmiş 2(078)-1090/2023 nömrəli, 14 dekabr 2023-cü il tarixli icra vərəqəsi üzrə borclu, 08 may 1979-cu il tarixdə Şərur rayonu, Dəmirçi kəndində anadan olmuş, Naxçıvan şəhəri, Hacıniyyət kəndində qeydiyyatda olan Borclu ölkədən getmək hüququ müvəqqəti məhdudlaşdırılsın. Qərardaddan şikayət, qərardad rəsmi qaydada verildikdən sonra 10 gün müddətində qərardadı çıxaran məhkəməyə verilə bilər. Hakim Qabil Məmmədov.