Naxçıvan MR Naxçıvan Şəhər Məhkəməsi Qərardad — İş №8(078)-33/2023

Azərbaycan Respublikası adından QƏRARDAD Naxçıvan şəhəri İş № 8(078)-33/2023 16.03.2023 NAXÇIVAN MR NAXÇIVAN ŞƏHƏR MƏHKƏMƏSİ Naxçıvan Şəhər Məhkəməsinin hakimi Əliyeva Gülsüm Kamal qızının sədrliyi, X1 məhkəmə iclas katibliyi ilə, Tələbkar Açıq Səhmdar Cəmiyyətinin Borclu qarşı borcun ödənilməsi tələbinə dair mülki iş üzrə çıxarılmış Naxçıvan Şəhər Məhkəməsinin e-2(078)-336/2022 nömrəli, 12 may 2022-ci il tarixli icra sənədinin icrası ilə bağlı Borclu məcburi gətirilməsi barədə təqdimata məhkəmənin inzibati binasında açıq məhkəmə iclasında baxaraq müəyyənetdi: Naxçıvan Şəhər İcra və Probasiya Şöbəsinin icra məmuru X2 qeyd olunan icra sənədi üzrə Borclu Naxçıvan Şəhər İcra və Probasiya Şöbəsinə məcburi gətirilməsi barədə təqdimatla məhkəməyə müraciət etmişdir. Naxçıvan Şəhər Məhkəməsinin e-2(078)-336/2022 nömrəli, 12 may 2022-ci il tarixli qətnaməsi ilə xx.xx.2020-ci il tarixli, GTKR1849554A130 saylı kredit müqaviləsi üzrə 1369.60 (min üç yüz altmış doqquz manat altmış qəpik) manat əsas, 247.39 (iki yüz qırx yeddi manat otuz doqquz qəpik) manat faiz, xx.xx.2020-ci il tarixli, BRED1849558A130 saylı kredit xətti müqaviləsinə əsasən 1181.40 (min yüz səksən bir manat qırx qəpik) manat əsas 133.05 (yüz otuz üç manat beş qəpik) manat faiz borcu olmaqla ümumilikdə 2931.44 (iki min doqquz yüz otuz bir manat qırx dörd qəpik) manat məbləğində borcun və 49.31 (qırx doqquz manat otuz bir qəpik) manat miqdarında dövlət rüsumunun cavabdeh Borclu tutularaq Tələbkar Açıq Səhmdar Cəmiyyətinə verilməsi qət edilmişdir. 01 mart 2023-cü il tarixdə Naxçıvan Muxtar Respublikası Ədliyyə Nazirliyinin Naxçıvan Şəhər İcra və X4 Şəhər Məhkəməsinə təqdimatla müraciət edərək təqdimatda xx.xx.2022-ci il tarixli qərarla icraata başlanılmış, Naxçıvan Şəhər Məhkəməsinin 2(078)- 336/2022 nömrəli, 31 mart 2022-ci il tarixli icra sənədi üzrə borclu xx.xx.1971-ci ildə ünvan 1 ünvanında qeydiyyatda olan Borclu xx.xx.2020-ci il tarixli, GTKR1849554A130 saylı kredit müqaviləsi üzrə 1369.60 (min üç yüz altmış doqquz manat altmış qəpik) manat əsas, 247.39 (iki yüz qırx yeddi manat otuz doqquz qəpik) manat faiz, xx.xx.2020ci il tarixli, BRED1849558A130 saylı kredit xətti müqaviləsinə əsasən 1181.40 (min yüz səksən bir manat qırx qəpik) manat əsas 133.05 (yüz otuz üç manat beş qəpik) manat faiz borcu və 49.31(qırx doqquz manatotuz bir qəpik)manat dövlət rüsumu olmaqla cəmi 2980.75 (iki min doqquz yüz səksən manat yetmiş beş qəpik) manat məbləğində pul vəsaitinin tutularaq Tələbkar Açıq Səhmdar Cəmiyyətinin xeyrinə ödənilməli olduğunu, icra sənədinin icraata qəbul edildiyini, icraata başlamaq haqqında qərarın və tələbin könüllü icrası barədə bildirişin xx.xx.2022-ci il tarixdə Borclu göndərildiyini, Borclu tələbin könüllü təmin edilməsinin təklif olunduğunu, tələb könüllü təmin edilmədikdə barəsində məcburi icra tədbirlərinin həyata keçirilməsi barədə xəbərdarlıq edildiyini, lakin borclunun tələbi könüllü təmin etmədiyini, icra hərəkətlərinin həyata keçirilməsindən yayındığını, icra sənədi üzrə icra hərəkətlərinin həyata keçirilərkən Borclu adına tələbin yönəldilə biləcəyi əmlakın müəyyən edilmədiyini, Borclu dəfələrlə tələbin təmin edilməsinin təklif olunduğunu, şöbəyə dəvət edildiyini, Borclu tələbi təmin etmədiyindən və şöbəyə gəlmədiyindən barəsində xx.xx.2023-cü il tarixdə məcburi gətirilməsi üçün təqdimat verilməsi barədə qərar qəbul edildiyini, həmin qərarın xx.xx.2023-cü il tarixdə məhkəməyə və tərəflərə göndərildiyini, lakin borclunun təkrarən tələbi təmin etmədiyini və şöbəyə gəlmədiyini qeyd etmişdir. Məhkəmə iclasının vaxtı və yeri barədə iş üzrə tələbkara, borcluya və Naxçıvan Şəhər İcra və Probasiya Şöbəsinə məlumat verilməsinə baxmayaraq onlar məhkəmə iclasında iştirak etməmişlər və məhkəmə iclasında iştirak etməmələrinin səbəbi barədə məhkəməyə məlumat verməmişlər. Məhkəmə onların iştirakı olmadan işə baxılmasını mümkün saymışdır. Məhkəmə, təqdimatı və ona əlavə olunmuş sənədləri nəzərdən keçirərək hesab edir ki, təqdimat əsaslı olduğundan təmin edilməlidir. Azərbaycan Respublikası Konstitusiyasının 129-cu maddəsinin 1-ci hissəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki Prosessual Məcəlləsinin 15.2 və 15.3-cü maddələrinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. İcra haqqında Azərbaycan Respublikası Qanununun 3.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. İcra haqqında Azərbaycan Respublikası Qanununun 3.2-ci maddəsinə əsasən, Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. İcra haqqında Azərbaycan Respublikası Qanununun 8.2-ci maddəsinə əsasən icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir. Həmin qərarda icra məmuru icra sənədində göstərilmiş tələblərin borclu tərəfindən könüllü icrası üçün məhkəmənin qərarında digər icra müddəti müəyyən edilməyibsə, həmçinin bu maddənin üçüncü bəndində müəyyən edilmiş icra müddəti istisna olmaqla, icraata başlanıldığı vaxtdan ən çoxu on gün müddət təyin edir və bu barədə borcluya bildiriş verir. Bildirişdə həmin müddət başa çatdıqdan sonra göstərilən tələblərin məcburi qaydada icra ediləcəyi və bu Qanunla nəzərdə tutulmuş icra ödənişinin və icra hərəkətlərinin həyata keçirilməsi ilə bağlı xərclərin ondan tutulacağı göstərilir. xx.xx.2022-ci il tarixli icraata başlamaq haqqında qərara əsasən Naxçıvan Şəhər Məhkəməsinin e-2(078)-336/2022 nömrəli, 12 may 2022-ci il tarixli icra sənədi üzrə icraata başlanmışdır. Təqdimata əlavə edilmiş poçt xəbərnaməsindən görünür ki, adı çəkilən bildiriş və icraata başlamaq haqqında qərar Borclu göndərilmiş və onun tərəfindən qəbul edilmişdir. Həmçinin icraata başlamaq haqqında qərarın məzmunundan o da aydın olur ki, borcluya tələbin könüllü surətdə icra olunması üçün 10 günlük müddət təyin olunmuşdur. Təqdimata əlavə edilmiş sənədlərdən görünür ki, borcluya xx.xx.2022-ci il və xx.xx.2023-cü il tarixlərdə xəbərdarlıq göndərilmişdir. xx.xx.2023-cü il tarixli borclunun məcburi gətirilməsi haqqında qərara əsasən borclu xx.xx.1971-ci ildə ünvan 1 ünvanında qeydiyyatda olan Borclu məcburi qaydada gətirilməsi barədə Naxçıvan Şəhər Məhkəməsinə təqdimat verilməsi qərara alınmışdır. Qeyd olunan qərarın surəti borcluya göndərilsə də borclu yenə də İcra və Probasiya Şöbəsinə gəlməmişdir. İcra haqqında Azərbaycan Respublikası Qanununun 84.2-ci maddəsində göstərilir ki, icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. İcra haqqında Azərbaycan Respublikası Qanununun 84.3-cü maddəsinə əsasən bu Qanunun 84.2-ci maddəsində nəzərdə tutulmuş hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 gün müddətində müvafiq məhkəməyə şikayət verə bilərlər. Təqdimata əlavə edilmiş sənədlərdən də aşkar surətdə göründüyü kimi, borclu icra məmurunun çağırışı ilə gəlməkdən üzrsüz səbəbdən yayınır. Ona görə də məhkəmə hesab edir ki, borclu Naxçıvan Şəhər İcra və Probasiya Şöbəsinə məcburi gətirilməlidir. Yuxarıda göstərilənləri və «İcra Haqqında» Azərbaycan Respublikasının Qanununun 84.2-ci maddəsini, Azərbaycan Respublikasının Mülki Prosessual Məcəlləsinin 263, 264, 267 və 268-ci maddələrini rəhbər tutaraq məhkəmə qəraraaldı: Naxçıvan Muxtar Respublikası Ədliyyə Nazirliyinin Naxçıvan Şəhər İcra və Probasiya şöbəsinin təqdimatı təmin olunsun. Tələbkar Açıq Səhmdar Cəmiyyətinin Borclu qarşı borcun ödənilməsi tələbinə dair mülki iş üzrə çıxarılmış Naxçıvan Şəhər Məhkəməsinin e-2(078)-336/2022 nömrəli, 12 may 2022-ci il tarixli icra sənədinin icrası üzrə xx.xx.1971-ci ildə ünvan 2 ünvanında qeydiyyatda olan Borclu Naxçıvan Şəhər İcra və Probasiya şöbəsinə məcburi gətirilsin. Qərardadın icrası Naxçıvan Şəhər Polis İdarəsinə həvalə edilsin. Qərardaddan, qərardadın surəti rəsmi qaydada verildikdən sonra 10 (on) gün müddətində Naxçıvan Şəhər Məhkəməsinə şikayət verilə bilər. Hakim: Gülsüm Əliyeva