Naxçıvan MR Ordubad Rayon Məhkəməsi Qərardad — İş №8(080)-41/2025

Azərbaycan Respublikası adından QƏRARDAD Ordubad şəhəri İş № 8(080)-41/2025 02.10.2025 NAXÇIVAN MR ORDUBAD RAYON MƏHKƏMƏSİ Ordubad Rayon Məhkəməsinin hakim əvəzi Məmmədov Mehrab Fərmayıl oğlunun sədrliyi, X4 iclas katibliyi ilə, X6 alimentin indeksasiyası tələbi barədə ərizəsinə açıq məhkəmə iclasında baxaraq, müəyyən etdi: X3 alimentin indeksasiyası barədə ərizə ilə məhkəməyə müraciət etmiş, Ordubad Rayon Məhkəməsinin 2(080)-214/2022 nömrəli, 19 dekabr 2022-ci il tarixli qətnaməsi ilə yetkinlik yaşına çatmayan 07 iyun 2016-cı il təvəllüdlü X1 üçün müəyyən edilmiş 140 manat aliment məbləğinin 2025-ci il üzrə minimum əmək haqqında uyğun indeksasiya olunması barədə qərardad qəbul edilməsini xahiş etmişdir. X3 ərizəsini onunla əsaslandırmışdır ki, Borclu ilə birgə nikahlarından övladları- 07 iyun 2016-cı il təvəllüdlü X5 doğulmuşdur. Babək Rayon Məhkəməsinin 15 noyabr 2021-ci il tarixli, 2(079)- 375/2021 nömrəli qətnaməsi ilə nikahları pozulmuş, 07 iyun 2016-cı il təvəllüdlü övladları- X5 onun yanında saxlanılmış və onun yetkinlik yaşına çatana kimi saxlanılması üçün atası Borclu sabit məbləğdə hər ay 100 manat alimentin tutularaq ona ödənilməsi qət edilmişdir. Ordubad Rayon Məhkəməsinin 2(080)-214/ 2022 nömrəli, xx.xx.2022-ci il tarixli qətnaməsi ilə Borclu 07 iyun 2016-cı il təvəllüdlü X2 yetkinlik yaşına çatanadək saxlanılması üçün hər ay sabit 140 manat miqdarında alimentin tutularaq ona ödənilməsi qət olunmuşdur. Hazırda Ordubad Rayon Məhkəməsinin 2(080)-214/2022 nömrəli, xx.xx.2022-ci il tarixli qətnaməsi ilə müəyyən olunmuş sabit 140 manat aliment övladının saxlanılmasına kifayət etmir. Uşağı saxlamaqda çətinlik çəkir. Övladı böyüdükcə maddi tələbatı da artır. Borclu uşağın saxlanılmasına heç bir maddi köməklik etmir. Bu səbəbdən də alimentin artırılmasını istəyir. Məhkəmə iclasının vaxtı və yeri barədə lazımi qaydada xəbərdar edilmiş ərizəçi və borclu məhkəmə iclasına gəlməmiş, məhkəmə Azərbaycan Respublikası Mülki Prosessual Məcəlləsinin 232.2-ci maddəsinə əsasən ərizəyə onların iştirakı olmadan baxılmasını mümkün hesab etmişdir. İş materiallarına əlavə edilmiş və məhkəmədə tədqiq edilən: 532590 nömrəli doğum haqqında şəhadətnamənin təsdiq olunmuş surətindən görünür ki, 07 iyun 2016-cı il tarixdə doğulmuş X2 atası Borclu, anası X7r. 400327 nömrəli nikahın pozulması haqqında şəhadətnamənin təsdiq olunmuş surətindən görünür ki, tərəflər arasında bağlamış nikaha 20 dekabr 2021-ci il tarixdə xitam verilmişdir. Ordubad Rayon Məhkəməsinin 19 dekabr 2022-ci il tarixli, 2(080)-214/2022 saylı qətnaməsi ilə iddiaçı X6 cavabdeh Borclu qarşı aliment miqdarının artırılması tələbinə dair iddiası qismən təmin edilmiş, Babək Rayon Məhkəməsinin 2(079)-375/2021 nömrəli, 15 noyabr 2021-ci il tarixli qətnaməsi ilə müəyyən edilmiş aliment miqdarı dəyişdirilmiş, 07 iyun 2016-cı il tarixdə doğulmuş X2 yetkinlik yaşına çatanadək saxlanılması üçün 140 manat sabit pul məbləğində alimentin Borclu alınıb X8 ödənilməsi qət edilmişdir. Məhkəmə ərizə və ona əlavə olunmuş sənədləri nəzərdən keçirib belə hesab edir ki, ərizə əsaslı olduğundan təmin olunmalı və Ordubad Rayon Məhkəməsinin 19 dekabr 2022-ci il tarixli, 2(080)-214/2022 nömrəli qətnaməsi ilə 07 iyun 2016-cı il tarixdə doğulmuş X1 üçün qət edilmiş sabit məbləğdə 140 manat miqdarında aliment icra icraatı qaydasında 2022-ci il üzrə minimum əmək haqqına uyğun indeksasiya olunmalıdır. Azərbaycan Respublikası Ailə Məcəlləsinin 110.1-ci maddəsinə görə məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. Həmin Məcəllənin 110.2-ci bəndinə görə alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. Azərbaycan Respublikası MPM-in 232-ci maddəsi ödənilməli pul məbləğlərinin indeksasiyasına baxılmasını tənzimləyir. Həmin Məcəllənin 232.1-ci maddəsinə görə tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Həmin Məcəllənin 232.2-ci maddəsinə görə ödənilməli pul məbləğlərinin indeksasiyası barədə ərizəyə məhkəmə iclasında baxılır. İşdə iştirak edən şəxslər məhkəmə iclasının vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun 20 dekabr 2024cü il tarixli, 15 nömrəli Qərarının “8.4-1-ci bəndində qeyd edilmişdir ki, Ailə Məcəlləsinin 110.2-ci maddəsinə əsasən alimentin indeksasiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. İstinad edilən maddənin tələbindən göründüyü kimi məhkəmələr sabit pul məbləğində aliment təyin edərkən onun miqdarını ölkə üzrə minimum əmək haqqı məbləğinin müvafiq misli həddində müəyyən etməlidirlər (məsələn, Məhkəmə 2024-cü ildə bir uşağın saxlanmasına görə alimentin tutulması barədə iddiaya baxarkən alimenti 255 manat həddində müəyyən etmək istəyirsə, həmin il üzrə minimum əmək haqqı məbləğinin 0,74 mislində (345 x 0,74 = 255 manat) alimentin tutulması barədə qətnamə qəbul etməklə, qətnamənin nəticə hissəsini “xx.xx.xxxx tarixindən başlayaraq yetkinlik yaşına çatmayan A-nın saxlanılması üçün B-dən C-nin xeyrinə sonrakı artımlar nəzərə alınmaqla, hər ay ölkə üzrə müəyyən olunmuş minimum əmək haqqının 0,74 misli həddində sabit pul məbləğində aliment tutulsun” məzmununda ifadə etməlidir). 8.4-2. Nəzərə alınmalıdır ki, Ailə Məcəlləsinin 110.1-ci maddəsinə əsasən bu Qərarın 8.4- 1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn, 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir). “Minimum aylıq əmək haqqının artırılması haqqında” Azərbaycan Respublikası Prezidentinin 17 dekabr 2021-ci il tarixli Sərəncamı ilə minimum aylıq əməkhaqqının məbləği 2022-ci il yanvarın 1-dən 300 manat müəyyən edilmişdir. “Əhalinin sosial rifahının yaxşılaşdırılması sahəsində tədbirlərin davam etdirilməsi haqqında” Azərbaycan Respublikası Prezidentinin 23 dekabr 2024-cü il tarixli Sərəncamı ilə minimum aylıq əməkhaqqının məbləği 2025-ci il yanvarın 1-dən 400 manat müəyyən edilmişdir. Beləliklə, məhkəmə belə hesab edir ki, 2022-ci il tarixdə minimum əmək haqqı 300 manat müəyyən edildiyindən həmin vaxt bir uşaq üçün müvafiq məhkəmə qətnaməsi ilə müəyyən edilmiş 140 manat sabit pul məbləğində aliment məbləği həmin dövr üçün müəyyən edilmiş minimum əmək haqqı məbləğinin 0.46 mislini təşkil edir (140:300=0.46). Ona görə də məhkəmə belə nəticəyə gəlir ki, tələbkarın ərizəsi təmin edilməli, Ordubad Rayon Məhkəməsinin 19 dekabr 2022-ci il tarixli, 2(080)-214/2022 nömrəli qətnaməsi ilə 07 iyun 2016-cı il tarixdə doğulmuş X1 üçün cavabdeh Borclu hər ay tutulan sabit məbləğdə 140 manat aliment sonrakı illər üzrə artımlar nəzərə alınmaqla ölkə üzrə minimum əmək haqqının 0.46 misli miqdarında indeksasiya edilməlidir. Azərbaycan Respublikası MPM-in 232.3-cü maddəsinə görə ödənilməli pul məbləğlərinin indeksasiyası barədə məhkəmə qərardadından şikayət verilə bilər. Azərbaycan Respublikasının Mülki-Prosessual Məcəlləsinin 232, 263-264 və 267-268-ci maddələrini rəhbər tutaraq məhkəmə, QƏRARA ALDİ: Ərizə təmin edilsin. Ordubad Rayon Məhkəməsinin 19 dekabr 2022-ci il tarixli, 2(080)-214/2022 nömrəli qətnaməsi ilə 07 iyun 2016-cı il tarixdə doğulmuş X1 üçün cavabdeh Borclu hər ay tutulan sabit məbləğdə 140 manat aliment 25 sentyabr 2025-ci il tarixdən başlayaraq, sonrakı illər üzrə artımlar nəzərə alınmaqla ölkə üzrə minimum əmək haqqının 0.46 misli miqdarında indeksasiya edilsin. Qərardaddan tərəflərə rəsmi qaydada verildikdən sonra 10 (on) gün müddətində Ordubad Rayon Məhkəməsinə şikayət verilə bilər. Hakim əvəzi: Mehrab Məmmədov