Bakı Apellyasiya Məhkəməsi Qərardad — İş №8(103)-338/2020

Azərbaycan Respublikası adından QƏRARDAD Bakı şəhəri İş № 8(103)-338/2020 05.08.2020 BAKI APELLYASİYA MƏHKƏMƏSİ Hakimlər İsgəndərov Akif Əsgər oğlunun sədrliyi və məruzəsilə, Kərimli İlham Əziz oğlu və Kazımov Elşən Cələddin oğlundan ibarət tərkibdə, məhkəmə iclas katibi Arifli Şamxal Mehdi oğlunun katibliyi ilə, Bakı şəhəri Binəqədi Rayon Məhkəməsinin borclunun məcburi gətirilməsi barədə xx xxxx 2020-ci il tarixli qərardadından Borclu tərəfindən verilmiş şikayətə açıq məhkəmə iclasında baxaraq, m ü ə y y ə n e t d i: Bakı şəhəri Binəqədi Rayon İcra və Probasiya Şöbəsinin icra məmuru təqdimatla məhkəməyə müraciət edərək, həmin icra vərəqəsi üzrə Borclu məcburi qaydada icra şöbəsinə gətirilməsi barədə qərardad çıxarılmasını xahiş etmişdir. Təqdimat onunla əsaslandırılmışdır ki, borclunun ünvanına tələbin könüllü icrası ilə bağlı qərarın surəti bildirişlə göndərilmiş, icra vərəqəsinin icrası ilə bağlı borcluya dəfələrlə yazılı və şifahi xəbərdarlıq olunmuş, lakin borclu icradan yayınmışdır. Bakı şəhəri Binəqədi Rayon Məhkəməsinin xx xxxx 2020-ci il tarixli qərardadı ilə (hakim İ.Əliyev, iş N 8(001)-140/20) təqdimat təmin edilmişdir. Borclu həmin qərardaddan şikayət verərək onun ləğv olunmasını xahiş etmiş və şikayətini onunla əsaslandırmışdır ki, həmin icra sənədi üzrə dəfələrlə icra məmurunun yanında olmuş, dəfələrlə ondan izahat alınmış, yazılı və şifahi xəbərdarlıq edilmişdir. O, borcunun olmasını etiraf edir və məhkəmə qərarının icra edilməsindən yayınmamışdır. Onun borclu olmağı məcburi gətirilmə barədə qərar çıxarılması üçün əsas deyildir. Binəqədi Rayon Məhkəməsinin xx xxxx 2020-ci il tarixli qərardadı ilə şikayət təmin edilməyərək baxılması üçün mülki işlə birlikdə Bakı Apellyasiya Məhkəməsinə göndərilmişdir. İşə baxılmasının vaxtı və yeri haqqında məhkəmə bildirişi digər tərəflərə göndərilmiş, lakin məhkəmə iclasına gəlməmişlər. Məhkəmə kollegiyası Mülki Prosessual Məcəllənin 376.2-ci maddəsinə əsasən işə tərəflərin iştirakı olmadan baxılmasını mümkün hesab etmişdir. Məhkəmə kollegiyası sədrlik edənin məruzəsini dinləyərək, şikayətin dəlillərini müzakirə edərək hesab edir ki, şikayət təmin edilmədən, Bakı şəhəri Binəqədi Rayon Məhkəməsinin xx xxxx 2020-ci il tarixli qərardadı dəyişdirilmədən saxlanılmalıdır. Məhkəmə kollegiyası qeyd edir ki, birinci instansiya məhkəməsinin təqdimatın təmin edilməsinə dair mövqeyi əsaslı olmuşdur. Belə ki, iş materiallarından məlum olur ki, Bakı şəhəri Binəqədi Rayon Məhkəməsinin xx.xx.2017-ci il tarixli, 2(001)-8598/2017 saylı icra sənədinə əsasən cəmi 60000 manat məbləğində pul vəsaiti və 30 manat dövlət rüsumunun cavabdeh Borclu tutularaq Tələbkar Yəhya oğlunun xeyrinə ödənilməsi qət edilmişdir. İcra işindən və təqdimata əlavə edilmiş materiallardan görünür ki, tələbin könüllü icrası barədə borcluya dəfələrlə xəbərdarlıq edilmiş, borclu tərəfindən hər hansı ödəniş olunmamış, icra məmurunun çağırışlarına gəlməkdən boyun qaçırmışdır. Bundan sonra icra məmuru borclunun məcburi gətirilməsi haqqında qərar qəbul etmiş və həmin qərar icra orqanının rəhbəri tərəfindən təsdiq olunmuşdur. (səh. 14) “İcra haqqında” Azərbaycan Respublikası Qanunun 84.2-ci maddəsinə əsasən icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzrsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Həmin Qanunun 84.3-cü maddəsinə əsasən yuxarıdakı hallarda icra məmuru müvafiq qərar qəbul edir. Həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərarın surətini aldıqdan sonra 10 gün müddətində müvafiq məhkəməyə şikayət verə bilərlər. Göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 398.0.1, 402-ci maddələrini rəhbər tutaraq, məhkəmə kollegiyası q ə r a r a a l d ı: Borclu şikayəti təmin edilməsin. Bakı şəhəri Binəqədi Rayon Məhkəməsinin iş üzrə xx xxxx 2020-ci il tarixli qərardadı həmin şikayətə münasibətdə dəyişdirilmədən saxlanılsın. Qərardaddan şikayət verilə bilməz. Sədrlik edən Akif İsgəndərov Hakimlər İlham Kərimli Elşən Kazımov