Bakı Apellyasiya Məhkəməsi Qərardad — İş №8(103)-385/2021

Azərbaycan Respublikası adından QƏRARDAD Bakı şəhəri İş № 8(103)-385/2021 13.07.2021 BAKI APELLYASİYA MƏHKƏMƏSİ hakimlər Həsənov Elnur Məmmədsaat oğlundan (sədrlik edən və məruzəçi), Mərdanova Xumar Afət qızından və Babayev Fuad Fikrət oğlundan ibarət tərkibdə, Dadaşova Ülkər Nazim qızının katibliyi ilə Bakı şəhəri Nizami Rayon Məhkəməsinin 04 mart 2021-ci il tarixli qərardadından X2 tərəfindən verilmiş şikayət üzrə apellyasiyanın mümkünlüyünü Bakı Apellyasiya Məhkəməsinin binasında, açıq məhkəmə iclasında yoxlayaraq MÜƏYYƏN ETDİ: Bakı şəhəri Nizami Rayon Məhkəməsinin 04 mart 2021-ci il tarixli qərardadı ilə həmin məhkəmənin 20 sentyabr 2017-ci il tarixli qərardadından X1 verdiyi şikayətin təmin edilməməsi qərara alınmış, adı çəkilən şəxsin sözügedən qərardaddan verdiyi şikayət də təmin olunmayaraq baxılması üçün Bakı Apellyasiya Məhkəməsinə göndərilmişdir. Azərbaycan Respublikası Mülki-Prosessual Məcəlləsinin 268.1-ci maddəsinə əsasən, şikayət qərardad tərəfə rəsmi qaydada verildikdən sonra 10 gün müddətində verilir. İş materiallarından, şikayət mövzusu olan qərardadın 21.04.2021-ci il tarixdə poçt xəbərnaməsinə imza etdirilməklə Rəsul Malaxova təqdim olunduğu, qərardaddan onun tərəfindən verilmiş şikayətin isə 01.06.2021-ci il tarixdə poçta təhvil verilərək 07.06.2021ci il tarixdə birinci instansiya məhkəməsinə daxil olduğu aydın olur. Azərbaycan Respublikası Mülki Prosessual Məcəlləsinin 130.3-cü maddəsinə əsasən prosessual müddətin bərpa olunması barədə vəsatət verilməmişsə, prosessual müddətlər keçdikdən sonra verilən şikayətlərə və sənədlərə baxılmır və onları verən şəxsə qaytarılır. Həmin Məcəllənin 363.1.3-cü maddəsinə görə isə apellyasiya şikayəti müəyyən edilmiş müddət keçdikdən sonra verilmişdirsə birinci instansiya məhkəməsi tərəfindən geri qaytarılır. Azərbaycan Respublikası Mülki Prosessual Məcəlləsinin 366.2-ci maddəsinə görə, əgər apellyasiyanın mümkünlüyü üçün əsaslar yoxdursa, o, qəbul olunmamış hesab edilə bilər. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 366-cı maddəsini rəhbər tutaraq məhkəmə kollegiyası QƏRARA ALDİ: Bakı şəhəri Nizami Rayon Məhkəməsinin 8(007)-1552/2017 saylı i üzrə 04 mart 2021-ci il tarixli qərardadından X2 tərəfindən verilmiş şikayət üzrə apellyasiya qeyrimümkün hesab edilsin və iş, şikayətin vaxtında verilib-verilmədiyinin aydınlaşdırılması, əgər vaxtında verilməmişdirsə geri qaytarılması üçün həmin məhkəməyə göndərilsin. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətinə Bakı Apellyasiya Məhkəməsi vasitəsilə Azərbaycan Respublikasının Ali Məhkəməsinə kassasiya şikayəti verilə bilər. Sədrlik edən hakim Elnur Həsənov Hakimlər Xumar Mərdanova Fuad Babayev