Bakı Apellyasiya Məhkəməsi Qərardad — İş №8(103)-57/2022

Azərbaycan Respublikası adından QƏRARDAD Bakı şəhəri İş № 8(103)-57/2022 28.02.2022 BAKI APELLYASİYA MƏHKƏMƏSİ hakimlər X3 (sədrliyi və məruzəsi ilə), İmanov Azad Nizam oğlu, Əsgərov Qürbət Ağa oğlundan ibarət tərkibdə,məhkəmə iclas katibi Nizamlı Aygün Ülviyyət qızının katibliyi, Bakı Şəhər Nizami Rayon Məhkəməsinin 2(007)-1963/2018 №-li icra sənədinin hissə-hissə icra еdilməsinə dair X1 ərizəsinə dair Bakı şəhər Nizami Rayon Məhkəməsinin 8(007)-13/2022 nömrəli işi üzrə 21.01.2022-ci il tarixli qərardadından X2 tərəfindən verilmiş şikayətə Bakı Apellyasiya Məhkəməsinin binasında açıq məhkəmə iclasında yazılı icraat qaydasında baxaraq müəyyən etdi X2 Bakı Şəhər Nizami Rayon Məhkəməsinin 2(007)-1963/2018 saylı iş üzrə qəbul etdiyi 11 iyun 2018-ci il tarixli icra sənədinin hissə-hissə icra еdilməsinə dair ərizə ilə məhkəməyə müraciət etmişdir. Bakı şəhəri Nizami Rayon Məhkəməsinin 8(007)-13/2022 saylı işi üzrə 21.01.2022-ci il tarixli qərardadı ilə ərizənin rədd edilməsi qərara alınmışdır. Qərardadda Azərbaycan Rеspublikasının Konstitusiyasının 129, Azərbaycan Rеspublikasının Mülki Prosеssual Məcəlləsinin 15.3, 231-ci, «İcra Haqqında» Azərbaycan Rеspublikasının Qanununun 15, «Məhkəmə qətnaməsi haqqında» Azərbaycan Rеspublikası Ali Məhkəməsinin 24 noyabr 2005-ci il tariхli 4 №-li qərarının 12-ci maddələrinə istinadən qeyd edilmişdir ki, məhkəmənin qəbul еtdiyi qərarlar dövlətin adından çıхarılır və onların icrası məcburidir, məhkəmə aktının icra olunmaması qanunda nəzərdə tutulmuş məsuliyyətlə nəticələnir, qətnamənin icrasına möhlət vеrməyə və ya qətnaməni hissə-hissə icra еtdirməyə dair ərizələrə baхarkən işə baхmış hakim tərəfindən tərəflərin əmlak vəziyyəti və digər hallar nəzərə alınmalıdır, qətnamənin icrasına möhlət vеrilməsi və ya onun hissə-hissə icra edilməsi müstəsna hal olub, qətnamənin icrası üçün çətinlik törədən və yaхud borclu üçün yaranmış əlvеrişsiz hallarda tətbiq oluna bilər və məhkəmələr bu məsələləri həll еtdikdə təkcə borclunun dеyil, tələbkarın mənafеyini də nəzərə almalıdırlar. Belə ki, X2 icra sənədini və digər zəruri sənədləri məhkəməyə təqdim etməmişdir.Onun ərizədə göstərdiyi hallar 2018-ci ildə qəbul olunmuş qətnamənin hissə-hissə ödənilməsi üçün əsas vermir. X2 apellyasiya şikayəti verərək, Nizami Rayon Məhkəməsinin 8(007)-13/2022 nömrəli işi üzrə 21.01.2022-ci il tarixli qərardadının ləğv edilməsini və 11 iyun 2018-ci il tarixli 2(007)- 1963/18 saylı qətnamənin hissə-hissə ödənilməsini təmin edib hər ay üçün 50 manat ödənilməsi barədə qərar qəbul edilməsini xahiş etmişdir. Şikayətdə Azərbaycan Respublikası Konstitusiyasının 26-cı maddəsinin 1-ci bəndinə və 71-cı maddəsinə istinadən qeyd edilmişdir ki, o, bu günə kimi borcunun çox hissəsini tələbkar Maraqlı şəxs ödəmiş, lakin qalan borc məbləğini bir dəfəyə ödəyə bilmir, ailəlidir, himayəsində 10 oktyabr 2011-ci il təvəllüdlü qızı var, maddi imkanı yoxdur,heç yerdə işləmir, qardaşı X4 himayəsində ailə üzvləri ilə birlikdə yaşayır. Bakı şəhəri Nizami Rayon Məhkəməsinin 8(007)-13/2022 nömrəli 03.02.2022-ci il tarixli qərardadı ilə şikayət təmin edilməmiş və şikayət mülki işlə birlikdə Bakı Apellyasiya Məhkəməsinə göndərilmişdir. Mülki Prosesual Məcəllənin 10.8-1 və 397.2-ci maddəsinə istinadən işlərə yazılı icraat qaydasında, yəni məhkəmə iclası keçirilmədən və tərəflər izahatları dinlənilmək üçün çağırılmadan baxılır. Məhkəmə kollegiyası, Azərbaycan Respublikasının Mülki Prosessual Məcəlləsinin 15, 231, 395, 397.2-ci maddələrinə əsasən birinci instansiya məhkəməsinin gəldiyi nəticəni qanuni və əsaslı hesab edir, və qərardadın dəyişdirilməsi üçün əsaslar müəyyən etmir. Şikayyətçinin diqqətinə çatdırılmalıdır ki, ərizəçinin dəlilləri ümumi səciyyə daşıyır və sübuta yetirilmir, habelə tələbkarın hüquqlarına rəğmən dövlətin adından qəbul edilən qərarın icrasının qəsdinə yönəlmiş prosessual hərəkətlər dispozitiv imkandan sui-istifadəyə şərait yaradan amil kimi qiymətləndirilərək ərizənin təmin edilməsinə əsas verə bilməz. Göstərilənlərə əsasən və Azərbaycan Respublikasının Mülki Prosessual Məcəlləsinin 263, 397, 398, 400-cü maddələrini rəhbər tutaraq, məhkəmə kollegiyası,. q ə r a r a a l d ı: X1 şikayəti təmin edilməsin. Bakı şəhər Nizami Rayon Məhkəməsinin 8(007)-13/2022 nömrəli işi üzrə 21.01.2022-ci il tarixli qərardadı dəyişdirilmədən saxlanılsın.