Şəki Apellyasiya Məhkəməsi Qərardad — İş №8(107)-108/2020

Azərbaycan Respublikası adından QƏRARDAD Şəki şəhəri İş № 8(107)-108/2020 19.11.2020 ŞƏKİ APELLYASİYA MƏHKƏMƏSİ Hakimlər Əsədli Mahir Abdulla oğlu (sədrlik edən və məruzəçi), Məcidov Ələddin Tofiq oğlu və Mahmudov Ayaz Akif oğlundan ibarət tərkibdə, İsayev Mikayıl Qərib oğlunun katibliyi ilə, Mingəçevir şəhər məhkəməsinin 8(051)-116/2020 saylı, xx.xx.2020-ci il tarixli qərardadından Borclu tərəfindən verilmiş şikayətə Şəki Apellyasiya Məhkəməsinin binasında, açıq məhkəmə iclasında baxaraq məhkəmə kollegiyası müəyyən etdi: Mingəçevir şəhər icra və probasiya şöbəsinin icra məmuru Sənan Hacıməmmədov Borclu icra və probasiya şöbəsinə məcburi gətirməsi haqqında təqdimatla məhkəməyə müraciət etmişdir. Mingəçevir şəhər məhkəməsinin 8(051)-116/2020 №li xx.xx.2020-ci il tarixli qərardadı ilə təqdimat təmin olunnmuş, Borclu Mingəçevir şəhər icra və probasiya şöbəsinə məcburi gətirilməsi qərara alınmışdır. Borclu həmin qərardaddan şikayət verərək ləğv olunmasını xahiş etmiş, şikayətini isə icra məmurunun onunla qərəzli olması ilə əsaslandırmışdır. Mingəçevir şəhər məhkəməsinin 8(051)-116/2020 saylı, xx xxxxxxx 2020-ci il tarixli qərardadı ilə Borclu şikаyəti təmin edilməmiş, qərardaddan verilmiş şikаyət bаxılmаsı üçün işlə birlikdə Şəki Аpellyаsiyа Məhkəməsinin Mülki Kollegiyasına göndərilmişdir. İşə baxılmasının vaxtı və yeri haqqında lazımi qaydada xəbərdar olunmalarına baxmayaraq tərəflər və Mingəçevir Şəhər İcra Şöbəsinin məmuru heç bir üzürlü səbəblər olmadan məhkəmə kollegiyasının iclasına gəlməmişdir. Məhkəmə kollegiyası Azərbaycan Respublikası Mülki Prosessual Məcəlləsinin 376.2-ci maddəsinə əsasən onların iştirakı olmadan işə baxılmasını mümkün hesab etmişdir. Məhkəmə kollegiyası işdə olan sənədlərə hüquqi qiymət verərək hesab edir ki, şikayət təmin edilməməli, iş üzrə Mingəçevir şəhər məhkəməsinin 8(051)-116/2020 saylı, xx.xx.2020-ci il tarixli qərardadı dəyişdirilmədən saxlanılmalıdır. Məhkəmə kollegiyasının iclasında müəyyən edilmişdir ki, Borclu Mingəçevir şəhər məhkəməsinin 2(051)-253/2020 №li xx.xx.2006-cı il tarixli icra sənədinə əsasən 4000 manat alınıb 8 saylı Ekologiya və Təbii Sərvətlər şöbəsinə, Kəlbəcər rayon məhkəməsinin 2(040)-71/2011 №li, xx.xx.2011-ci il tarixli icra sənədinə əsasən 4500 manat alınıb tələbkar X1 və Mingəçevir şəhər məhkəməsinin 2(051)-967/2011 №li, xx.xx.2011-ci il tarixli icra vərəqəsinə əsasən isə 3610.98 manat alınaraq tələbkar “xxxxxxxxx” ASC-yə verilməlidir. Təqdimata əlavə olunmuş bildiriş və poçt sənədlərindən görünür ki, Borclu icra sənədlərinin icrası ilə əlaqədar icra və probasiya şöbəsinə dəvət olunması ilə bağlı bildiriş göndərilmişdir, lakin borclu icra və probasiya şöbəsinə gəlməmişdir. Ona görə də borclunun icra və probasiya şöbəsinə məcburi gətirilməsi barədə təqdimatla məhkəməyə müraciət edilmişdir. “İcra Haqqında” Azərbaycan Respublikası Qanununun 84.2. maddəsinə görə icra məmurunun çağırışı ilə gəlməkdən və ya icra hərəkətlərinin həyata keçirildiyi yerə gəlməkdən üzürsüz səbəbdən yayınan şəxslər barəsində məhkəmənin qərarı əsasında məcburi gətirilmə tədbiri tətbiq olunur. Təqdimata əlavə edilmiş sənədlərdən görünür ki, Borclu icra vərəqəsinin icrası üçün Mingəçevir şəhər İcra Şöbəsinə gəlməkdən yayınmışdır. Azərbаycаn Respublikаsı Mülki Prosessuаl Məcəlləsinin 267.1-ci maddəsinə əsasən məhkəmə tərəfindən ayrıca akt şəklində qəbul edilmiş qərardaddan bu Məcəllədə göstərilmiş hallarda şikayət verilə bilər. Azərbaycan Respublikası Mülki Prosessual Məcəlləsinin 398.0.1-ci maddəsinə əsasən apellyasiya instansiya məhkəməsi şikayətə baxıb qərardad qəbul etdikdə birinci instansiya məhkəməsinin qərardadını dəyişdirmədən saxlayıb şikayəti təmin etməyə bilər. Məhkəmə kollegiyası hesab edir ki, iş üzrə Mingəçevir şəhər məhkəməsinin 8(051)-116/2020 saylı, xx.xx.2020-ci il tarixli qərardadı ilə mübahisənin maddi və prosessual hüquqi əsasları düzgün müəyyən edilmişdir. Qərardadın ləğv edilməsinə hüquqi əsaslar yoxdur. Ona görə də şikayət təmin edilməməli və iş üzrə Mingəçevir şəhər məhkəməsinin 8(051)-116/2020 saylı, xx.xx.2020-ci il tarixli qərardadı dəyişdirilmədən saxlanılmalıdır. Göstərilənlərə əsаsən və Azərbаycаn Respublikаsı Mülki Prosessuаl Məcəlləsinin 263, 264, 397, 398, 400 və 405-ci mаddələrini rəhbər tutаrаq, məhkəmə kollegiyаsı qərаrа аldı: Borclu tərəfindən verilmiş şikаyət təmin edilməsin. İş üzrə Mingəçevir şəhər məhkəməsinin 8(051)-116/2020 saylı, xx.xx.2020-ci il tarixli qərardadı dəyişdirilmədən saxlanılsın. Qərardad qəbul edildiyi andan qanuni qüvvəyə minir. Qərаrdаddаn kаssаsiyа şikаyəti verilə bilməz. Sədrlik edən: Mahir Əsədli Hakimlər: Ələddin Məcidov Ayaz Mahmudov