Naxçıvan MR Şərur Rayon Məhkəməsi Qərardad — İş №8(110)-56/2025

Azərbaycan Respublikası adından QƏRARDAD Şərur şəhəri İş № 8(110)-56/2025 11.04.2025 NAXÇIVAN MR ŞƏRUR RAYON MƏHKƏMƏSİ Hakim Qarayev Seymur Əlfəddin oğlunun sədrliyi, X2 məhkəmə iclas katibliyi, Şərur rayon İcra və Probasiya şöbəsinin rəisi X7 iştirakı ilə, Şərur rayon İcra və Probasiya şöbəsinin icra məmuru X7 Şərur Rayon Məhkəməsinin 2(110)- 305/2022 saylı xx.xx.2022-ci il tarixli icra sənədinin icrasını təmin etmək məqsədilə Borclu ölkədən getmək hüququnun müvəqqəti məhdudlaşdırılmasına dair 01 aprel 2025-ci il tarixli təqdimatına Şərur Rayon Məhkəməsinin inzibati binasında açıq məhkəmə iclasında baxaraq, məhkəmə müəyyən etdi: Şərur rayon İcra və Probasiya şöbəsinin icra məmuru X11 təqdimatla məhkəməyə müraciət edərək Şərur Rayon Məhkəməsinin 2(110)-305/2022-013 saylı xx.xx.2022-ci il tarixli icra sənədinin icrasını təmin etmək məqsədi ilə Borclu ölkədən getmək hüququnun müvəqqəti məhdudlaşdırılmasını xahiş etmişdir. Şərur rayon İcra və Probasiya şöbəsinin icra məmuru X11 təqdimatda qeyd etmişdir ki, xx.xx.2022-ci il tarixli qərarla icraata başladığım Şərur Rayon Məhkəməsinin 2(110)-305/2022-013 nömrəli xx.xx.2022-ci il tarixli icra sənədinə əsasən xx.xx.1986-cı il tarixində anadan olmuş və Şərur rayon Kərimbəyli kəndində qeydiyyatda olan Borclu hər ay 1 uşağın yetkinlik yaşına çatanadək saxlanılması üçün cəmi 150 manat sabit pul məbləğində alimentin tutularaq tutularaq tələbkar X1 xeyrinə ödənilməlidir. Yuxarıda qeyd olunan icra sənədi xx.xx.2022-ci il tarixində Naxçıvan MR ƏN Şərur rayon İcra və Probasiya Şöbəsinə daxil olmuş və qanuna müvafiq qaydada icraya yönəldilmişdir. İcraata başlamaq haqqında qərar qəbul edilərək qərarın surəti və bildiriş Borclu göndərilmişdir. Borclu bugünədək yaranmış 4310 manat borcunu ödəmədiyi üçün tərəfimizdən borclunun əmlak vəziyyətini yoxlamaq üçün aidiyyatı təşkilatlara sorğu göndərilmiş, borclunun adına tələbin yönəldilə biləcək hər hansı əmlak və mülk aşkar edilməmişdir. Həmin tarixdən bu vaxta kimi icra sənədi üzrə tələbin borclu tərəfindən tam olaraq icra edilməməsi nəticəsində 2250 manat ödənilməmiş aliment borcu yaranmışdır. Göstərilənlərə əsasən və “İcra haqqında” Azərbaycan Respublikası Qanununun 84-1-ci maddəsini rəhbər tutaraq, Borclu ölkədən getmək hüququnun müvəqqəti məhdudlaşdırılması barədə müvafiq qərar qəbul edilməsini məhkəmədən xahiş etmişdir. Məlumat üçün bildirmişdir ki, icra sənədi üzrə borclunun hal-hazırda ödənilməmiş 2250 manat aliment pulu borcu vardır. Məhkəmə iclasında iştirak edən Şərur rayon İcra və Probasiya şöbəsinin rəisi X11 izahatında təqdimatda qeyd etdiyi xüsusatlarla eyni məzmunlu izahat verərək məhkəmədən təqdimatın təmin olunmasını xahiş etmişdir. Borclu, tələbkar X3 məhkəmə iclasının yeri və vaxtı barədə xəbərdar edilmiş, onlar məhkəməyə gəlməmişlər. Məhkəmə Azərbaycan Respublikasının MPM-in 231.2-ci maddəsinə müvafiq olaraq təqdimata borclunun və tələbkarın iştirakı olmadan baxmışdır. Təqdimata əlavə edilmiş: - Şərur Rayon Məhkəməsinin 2(110)-305/2022 saylı xx.xx.2022-ci il tarixli icra sənədinin təsdiq edilmiş surətindən görünür ki, İddia qismən təmin edilməklə, iddiaçı Tələbkar ilə cavabdeh Borclu arasında Şərur rayon Kərimbəyli kənd inzibati ərazi dairəsi üzrə nümayəndəlikdə 07 fevral 2007-ci il tarixdə 01 nömrəli akt qeydi ilə bağlanmış nikah pozulması, iş üzrə tərəflərin birgə nikahlarından doğulmuş övladı 27 iyun 2008-ci il təvəllüdlü X6 anası - iddiaçı Tələbkar yanında saxlanılması, 12 aprel 2022-ci il tarixdən hesablanmaqla 27 iyun 2008-ci il təvəllüdlü X4 yetkinlik yaşına çatanadək saxlanması üçün cavabdeh Borclu hər ay 150 (bir yüz əlli) manat sabit pul məbləğində aliment tutularaq iddiaçı Tələbkar xeyrinə ödənilməsi, iddia digər hissədə rədd edilməsi, qətnamə alimentin tutlmasına dair hissədə dərhal icra olunması, Şərur Rayon Məhkəməsinin alimentin müvəqqəti tutulması barədə 13 iyun 2022-ci il tarixli 2(110)-305/2022 nömrəli qərardadı ləğv edilsin və həmin qərardad əsasında tutulmuş aliment ödənişləri nəzərə alınması, nikahın pozulması dövlət qeydiyyatına alınarkən cavabdeh Borclu 20 (iyirmi) manat məbləğində rüsum alınaraq dövlət büdcəsinə köçürülsün, iddiaçı Tələbkar bu xərci çəkməkdən azad edilməsi qət edilmişdir; - xx.xx.2022-ci il tarixli qərardan görünür ki, Şərur Rayon İcra və Probasiya şöbəsinin icra məmuru tərəfindən Şərur Rayon Məhkəməsinin 2(110)-305/2022-013 saylı xx.xx.2022-ci il tarixli icra sənədinə əsasən icra icraatına başlanılmışdır; - xx.xx.2022-ci il tarixli bildirişdən görünür ki, icraata başlama haqqında qərar, tələbin könüllü icrası haqqında bildiriş Borclu şəxsən təqdim edilmişdir; - xx.xx.2022-ci il tarixli bildirişdən görünür ki, icraata başlama haqqında qərar, tələbin könüllü icrası haqqında bildiriş Borclu göndərilmişdir; - “Poçt göndərişlərinin verilməsi haqqında” xəbərnamədən görünür ki, tələbin könüllü icrası haqqında bildiriş borclu X5 rəsmi qaydada çatdırılmışdır. Məhkəmə təqdimatı və iş materiallarını nəzərdən keçirərək hesab edir ki, təqdimat təmin edilməlidir. Məhkəmə tədqiqatı zamanı müəyyən edilmişdir ki, Şərur Rayon Məhkəməsinin 2(110)-305/2022 saylı xx.xx.2022-ci il tarixli icra sənədinə əsasən iddia qismən təmin edilməklə, iddiaçı Tələbkar ilə cavabdeh Borclu arasında Şərur rayon Kərimbəyli kənd inzibati ərazi dairəsi üzrə nümayəndəlikdə 07 fevral 2007-ci il tarixdə 01 nömrəli akt qeydi ilə bağlanmış nikah pozulması, iş üzrə tərəflərin birgə nikahlarından doğulmuş övladı 27 iyun 2008-ci il təvəllüdlü X6 anası - iddiaçı Tələbkar yanında saxlanılması, 12 aprel 2022-ci il tarixdən hesablanmaqla 27 iyun 2008-ci il təvəllüdlü X4 yetkinlik yaşına çatanadək saxlanması üçün cavabdeh Borclu hər ay 150 (bir yüz əlli) manat sabit pul məbləğində aliment tutularaq iddiaçı Tələbkar xeyrinə ödənilməsi, iddia digər hissədə rədd edilməsi qət edilmişdir. Borclu icraata başlamaq haqqında qərarın və tələbin könüllü icrası haqqında bildirişin surətləri göndərilmişdir. Dəfələrlə xəbərdarlıq edilməsinə baxmayaraq borclu icra sənədinin icrası istiqamətində heç bir addım atmamışdır. Belə olan təqdirdə məhkəmə bu qənaətə gəlir ki, Şərur Rayon Məhkəməsinin 2(110)-305/2022 saylı xx.xx.2022-ci il tarixli icra sənədinin icrasını təmin etmək məqsədilə Borclu ölkədən getmək hüququnun müvəqqəti məhdudlaşdırılmalıdır. Azərbaycan Respublikası Konstitusiyasının 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası Mülki-Prosessual Məhkəməsinin 15.2-ci maddəsinə görə məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. İnsan Hüquqları üzrə Avropa Məhkəməsinin qanuni qüvvəyə minmiş məhkəmə aktlarının icrasına dair mövqeyinə görə, son və məcburi qüvvəyə malik olan məhkəmə qərarı tərəflərdən birinin ziyanına olaraq icra edilmədikdə, ədalətli məhkəmə araşdırması xəyali hüquqa çevrilir. “İcra haqqında” Azərbaycan Respublikası Qanunun: - 3.1-ci maddəsinin tələbinə əsasən məhkəmə digər orqanların qərarlarının icrası ilə əlaqədar icra məmurunun tələbləri Azərbaycan Respublikası ərazisində bütün orqanlar, hüquqi şəxslər, onların vəzifəli şəxsləri üçün məcburidir; - 2.1-ci maddəsinə əsasən Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir; - 12.1-ci maddəsinin tələbinə görə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir; - 44.1.3-cü maddəsinə əsasən könüllü icra üçün icra məmuru tərəfindən borcluya verilmiş müddətin keçməsi məcburi icra tədbirlərinin tətbiqinin əsaslarından biri kimi təsbit edilmişdir. Azərbaycan Respublikası Mülki-Prosessual Məhkəməsinin 231.3-cü maddəsinə əsasən icra üzrə icraatın dayandırılması məsələləri, habelə borclunun ölkədən getmək hüququnun müvəqqəti məhdudlaşıdırlması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, inzibatiiqtisadi məhkəmənin verdiyi icra sənədinə əsasən başlanmış icraat isə həmin inzibati-iqtisadi məhkəmə və ya icra məmurunun olduğu yer üzrə müvafiq inzibati-iqtisadi məhkəmə tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması, habelə borclunun ölkədən getmək hüququnun müvəqqəti məhdudlaşıdırlması haqqında təqdimatlara bu məcəllənin 231.2-ci maddəsi ilə nəzərdə tutulmuş qaydada baxılır. “İcra haqqında” Azərbaycan Respublikası Qanununun 84-1.1-ci maddəsinə əsasən məhkəmə qərarları, əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər. Borclunun ölkədən getmək hüququnun müvəqqəti məhdudlaşdırılması barədə icra məmuru tərəfindən dərhal borclunun özünə, tələbkara və müvafiq icra hakimiyyəti orqanına məlumat verilir. Həmçinin məhkəmə qeyd edir ki, iş materiallarında olan sərhədkeçmə məlumatlarından görünür ki, Borclu hal hazırda ölkə hüdudlarından kənardadır. Lakin borclu Azərbaycan Respublikasının ərazisinə qayıtdıqdan sonra, yenidən ölkə hüdudlarını tərk edəcəyi təqdirdə icra sənədinin icrasına yenidən maneələr yaranacaq ki, bu isə öz növbəsində icra sənədinin icrasının daha da qeyri müəyyən müddətə mümkünsüz olması və ya uzun müddət icrasız qalması ilə nəticələnəcəkdir. Ona görə də Şərur rayon İcra və Probasiya şöbəsinin icra məmuru X7 təqdimatı əsaslı olduğundan təmin edilməli Şərur Rayon Məhkəməsinin 2(110)-305/2022 saylı xx.xx.2022-ci il tarixli icra sənədinin icrasını təmin etmək məqsədi ilə xx.xx.1986-cı il tarixində Şərur rayon Kərimbəyli kəndində doğulmuş və həmin ünvanda qeydiyyatda olan Borclu ölkədən getmək hüququ müvəqqəti məhdudlaşdırılmalıdır. Məhkəmə yuxarıda qeyd edilənləri, «İcra haqqında» Azərbaycan Respublikası Qanununun 84-1.1-ci və Azərbaycan Respublikası Mülki-Prosessual Məcəlləsinin 231, 263, 264, 266, 268-ci maddələrini rəhbər tutaraq, qərara aldı: Təqdimat təmin edilsin. Şərur Rayon Məhkəməsinin 2(110)-305/2022 saylı xx.xx.2022-ci il tarixli icra sənədinin icrasını təmin etmək məqsədilə xx.xx.1986-cı il tarixində Şərur rayon Kərimbəyli kəndində doğulmuş və həmin ünvanda qeydiyyatda olan Borclu ölkədən getmək hüququ müvəqqəti məhdudlaşdırılsın. Qərardaddan, o, tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Hakim: Seymur Qarayev