Balakən Rayon Məhkəməsi Qərardad — İş №8(5-112)-13/2026

Azərbaycan Respublikası adından QƏRARDAD Balakən Rayonu İş № 8(5-112)-13/2026 23.02.2026 BALAKƏN RAYON MƏHKƏMƏSİ Hakim Cəfərova Arifə Namus qızı, X1 Balakən Rayon İcra və Probasiya Şöbəsinin icraata xitam verilməsi haqqında qərarının ləğv edilməsinə dair ərizəsini nəzərdən keçirib, MÜƏYYƏNETDİ: X2 ərizə ilə Balakən Rayon Məhkəməsinə müraciət edərək, Balakən rayon İcra və Probasiya şöbəsinin 03 dekabr 2024-cü il tarixli 2(019)-150/2024 saylı icraata xitam verilməsi barədə qərarın ləğv edilməsi və təkrar icraya yönəldilməsi barədə qərar qəbul edilməsini xahiş etmişdir. Ərizəyə və əlavə edilmiş sənədlərə baxaraq məhkəmə hesab edir ki, aşağıda göstərilən əsaslara görə ərizə geri qaytarılmalıdır. “İcra haqqında” Azərbaycan Respublikasının Qanununun: 1.1-ci maddəsinə əsasən İcra haqqında Azərbaycan Respublikasının qanunvericiliyi Azərbaycan Respublikası Konstitusiyasından, bu Qanundan, “Dövlət icra məmurları haqqında” və “Xüsusi icra məmurları haqqında” Azərbaycan Respublikasının qanunlarından, Azərbaycan Respublikasının Mülki Prosessual Məcəlləsindən, habelə digər qanunvericilik aktlarından ibarətdir. 20.5-ci maddəsinə əsasən tərəflər və icra sənədini vermiş digər orqan qərarın onlara təqdim olunduğu (onlar tərəfindən alındığı) gündən 10 gün müddətində həmin qərardan müvafiq məhkəməyə şikayət verə bilərlər. 20.7-ci maddəsinə əsasən İcraata xitam verilməsi barədə icra məmurunun qərarı bu Qanunun 20.4-cü və 20.5-ci maddələrinə müvafiq olaraq ləğv olunmadıqda və ya ondan şikayət verilmədikdə, şikayət verildikdə isə bu şikayətin təmin olunmaması barədə məhkəmə qərarı qanuni qüvvəyə mindikdən sonra icra sənədi 3 gün müddətində onu vermiş məhkəməyə və ya digər orqana (notarius istisna olmaqla) geri qaytarılır. Azərbaycan Respublikası Mülki-Prosessual Məcəlləsi: 13.4. Barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 130.1. Qanunla müəyyən edilmiş və ya məhkəmə tərəfindən təyin edilmiş müddət keçdikdə, prosessual hərəkətləri etmək hüququ keçmiş olur. 130.3. Prosessual müddətin bərpa olunması barədə vəsatət verilməmişsə, prosessual müddətlər keçdikdən sonra verilən şikayətlərə və sənədlərə baxılmır və onları verən şəxsə qaytarılır. 149.2.3-cü maddəsinə əsasən ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb; 149.2.5-ci maddəsinə əsasən ərizəyə əlavə edilən sənədlərin siyahısı göstərilməlidir. 150.1-ci maddəsinə əsasən iddia ərizəsinə aşağıdakı sənədlər əlavə edilir: 150.1.1. cavabdehlərin və üçüncü şəxslərin sayına görə iddia ərizəsinin surətləri (iddia ərizəsi elektron formada verildiyi hal istisna olmaqla) 150.1.5. iddia ərizəsi elektron qaydada verildiyi hal istisna olmaqla, iddia ərizəsində göstərilən bütün yazılı sübutların işdə iştirak edən şəxslərin sayına görə surətləri. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə olunmuş sənədləri geri qaytarır. İş materiallarından görünür ki, icraata xitam verilməsi barədə qərar 03 dekabr 2024-cü ildə qəbul olunmasına baxmayaraq, tələbkar həmin qərardan 01 ildən artıq müddət keçdikdən sonra xx.xx.2026-ci il tarixdə şikayət vermişdir. Bundan başqa o, prosessual müddətin bərpa olunması barədə vəsatət verməmişlər. Həmçinin tələbkar sözügedən qərarın surətini, proses iştirakçılarının sayına görə ərizənin surətini iş materiallarına əlavə etməmişdir. Ona görə də məhkəmə hesab edir ki, X3 Balakən rayon İcra və Probasiya şöbəsinin icraata xitam verilməsi barədə xx.xx.2024-cü il tarixli qərarın ləğv edilməsi və təkrar icraya yönəldilməsinə dair ərizəsi geri qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 13.4, 130, 263-264 və 266-268-ci maddələrini rəhbər tutub QƏRARAALDİ: X1 Balakən rayon İcra və Probasiya şöbəsinin icraata xitam verilməsi barədə xx.xx.2024-cü il tarixli qərarının ləğv edilməsi və təkrar icraya yönəldilməsinə dair ərizəsi geri qaytarılsın. Qərardaddan rəsmi qaydada verildikdən sonra 10 (on) gün müddətində Balakən Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Arifə Cəfərova