İmişli Rayon Məhkəməsi Qərardad — İş №8(5-131)-27/2026

Azərbaycan Respublikası adından QƏRARDAD İmişli rayonu İş № 8(5-131)-27/2026 12.02.2026 İMİŞLİ RAYON MƏHKƏMƏSİ Hakim Ağakişiyeva Lətafət Almazxan qızının sədrliyi, Məhkəmə iclas katibi X1 qızının katibliyi ilə İmişli Rayon Məhkəməsinin 2(036)-3035/2014 nömrəli, xx.xx.2014-cü il tarixli məhkəmə əmri ilə Borclu tutulması müəyyən edilmiş pul məbləğinin indeksasiya olunması barədə Tələbkar ərizəsinə açıq məhkəmə iclasında baxaraq, MÜƏYYƏN ETDİ: Tələbkar xx.xx.2026-cı il tarixdə ərizə ilə məhkəməyə müraciət edərək, İmişli Rayon Məhkəməsinin 2(036)-3035/2014 saylı, xx.xx.2014-cü il tarixli məhkəmə qərarı ilə müəyyən edilmiş 938 manat məbləğin indeksləşdirilərək 2014-cü il noyabr ayından 2025ci ilin dekabr ayınadək 207.90 faiz artımını (938 AZN x 207.90 % = 1950.10 AZN) nəzərə alaraq cəmi 2888.1 manat məbləğində indeksləşdirilməsi barədə qərardad çıxarılmasını xahiş etmişdir. Məhkəmə iclasının vaxtı və yeri barədə borcluya, tələbkara və icra orqanına lazımi qaydada məlumat verilməsinə baxmayaraq, məhkəmə iclasına gəlməmiş və gəlməmələrinin səbəbləri barədə məhkəməyə məlumat verməmişlər. Tələbkar elektron kabinet vasitəsilə məhkəməyə ərizə ünvanlayaraq işə onun iştirakı olmadan baxılmasını xahiş etmişdir. Məhkəmə Azərbaycan Respublikası MPM-in 232.2-ci maddəsinin tələbinə uyğun olaraq tərəflərin iştirakı olmadan ərizəyə baxılmasını mümkün hesab edir. Məhkəmə, iş materiallarını araşdıraraq hesab edir ki, ərizə təmin olunmamalıdır. Azərbaycan Respublikası MPM-in 232.1-ci maddəsinə əsasən, tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. Həmin Məcəllənin 232.2-ci maddəsinə əsasən, ödənilməli pul məbləğlərinin indeksasiyası barədə ərizəyə məhkəmə iclasında baxılır. İşdə iştirak edən şəxslər məhkəmə iclasının vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur. Həmin Məcəllənin 232.3-cü maddəsinə əsasən, ödənilməli pul məbləğlərinin indeksasiyası barədə məhkəmə qərardadından şikayət verilə bilər. İmişli Rayon Məhkəməsinin xx.xx.2014-cü il tarixli 2(036)-3035/2014 nömrəli məhkəmə əmrindən görünür ki, Borclu 917 manat əsas borcun və ödənilmiş 21 manat dövlət rüsumu, cəmi 938 (doqquz yüz otuz səkkiz) manat məbləğində pul alınaraq “Sunny Electronics” mağazasında sahibkarlıq fəaliyyəti göstərən Tələbkar ödənilməsi əmr edilmişdir. Tələbkar məhkəmə əmri ilə müəyyən edilmiş pul məbləğinin indeksləşdirilməsini xahiş etsə də, ərizəsinə məhkəmə əmrinin icraya yönəldilməsi, icra sənədi üzrə borclu tərəfindən ödənişlərin olub-olmaması barədə sənədlər əlavə etməmişdir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. (Azərbaycan Respublikası MPM-nin 77.1 və 14.2. maddələri). İnsan Hüquqları üzrə Avropa Məhkəməsinin «Mahmudovun Rusiyaya qarşı iş üzrə» 26 iyul 2007-ci il tarixli qərarında həmin məhkəmə xatırlatmışdır ki, Konvensiya araşdırmalarında sübutları qiymətləndirərkən, bir qayda olaraq, «affirmanti, non neganti, incumbit probalion» (sübutetmə yükü təkzib edənin deyil, iddia edənin üzərinə düşür) prinsipi rəhbər tutulur. Sübut kifayət qədər güclü, aydın və bir-birinə uyğun qənaətlərin həm mövcudluğundan və ya təkzibedilməz oxşar fakt ehtimallarından irəli gələ bilər. Məhkəmə hesab edir ki, ərizəçi öz tələbinin əsası kimi istinad etdiyi halları təsdiq edən sübut təqdim etmədiyindən ərizə təmin edilməməlidir. Azərbaycan Respublikası MPM-in 232, 263-264, 266-268-ci maddələrini rəhbər tutaraq, məhkəmə QƏRARA ALDİ: Ərizə təmin edilməsin. Qərardaddan rəsmi qaydada verildiyi vaxtdan 10 gün müddətində “Elektron məhkəmə” informasiya sistemində yaradılan elektron kabinetdən İmişli Rayon Məhkəməsinə şikayət verilə bilər. Hakim Lətafət Ağakişiyeva