Naxçıvan MR Naxçıvan Şəhər Məhkəməsi Qərardad — İş №8(5-88)-10/2026

Azərbaycan Respublikası adından QƏRARDAD Naxçıvan şəhəri İş № 8(5-88)-10/2026 19.01.2026 NAXÇIVAN MR NAXÇIVAN ŞƏHƏR MƏHKƏMƏSİ Naxçıvan Şəhər Məhkəməsinin hakimi Əliyeva Gülsüm Kamal qızının sədrliyi, X4 məhkəmə iclas katibliyi ilə, Tələbkar Borclu qarşı alimentin indeksasiya olunması tələbinə dair ərizəsinə məhkəmənin inzibati binasında, açıq məhkəmə iclasında baxaraq, müəyyənetdim: Tələbkar Borclu oğluna qarşı alimentin indeksasiya olunması tələbinə dair ərizə ilə məhkəməyə müraciət edərək, Naxçıvan Şəhər Məhkəməsinin 14 aprel 2022-ci il tarixli, 2(078)-115/2022 nömrəli qətnaməsi ilə yetkinlik yaşına çatmamış övladları 03 sentyabr 2013-cü il təvəllüdlü X5 və 10 oktyabr 2015-ci il təvəllüdlü X1 üçün qət edilmiş sabit məbləğdə 250 manat alimentin icra icraatı qaydasında 2026-cı il üzrə müəyyən olunmuş minimum əmək haqqına indeksasiya olunmasını məhkəmədən xahiş etmişdir. Tələbkar ərizəsini əsaslandıraraq qeyd etmişdir ki, o, 20 iyun 2012-ci il tarixdə Borclu ilə rəsmi olaraq nikaha daxil olmuşdur. Birgə nikahlarından 03 sentyabr 2013-cü il təvəllüdlü X5 və 10 oktyabr 2015-ci il təvəllüdlü X6 adlı iki övladları dünyaya gəlmişdir. Ailə münasibətləri normal olmadığından əri Borclu ilə Naxçıvan Şəhər Məhkəməsinin 14 aprel 2022-ci il tarixli, 2(078)-115/2022 nömrəli qətnaməsi ilə nikahları pozulmuş, 03 sentyabr 2013-cü il təvəllüdlü X5 və 10 oktyabr 2015-ci il təvəllüdlü X3 yetkinlik yaşına çatana qədər saxlanması üçün hər ay hər uşaq üçün 125 (yüz iyirmi beş) manat olmaqla, cəmi olaraq 250 (iki yüz əlli) manat alimentin Borclu tutularaq ona ödənilməsi qət edilmişdir. Hazırda həmin məbləğ övladlarının saxlanılması üçün kifayət etmir. Övladları böyüyüb, onların zəruri tələbatları artmışdır. Cavabdehin ödədiyi aliment övladlarının nə təhsilinə, nə də zəruri ehtiyaclarına kifayət edir. O bir ata kimi övladları ilə maraqlanmır, maddi köməklik göstərmir. Bu səbəbdən də aliment məbləğinin artırılmasını istəyir. Məhkəmə iclasının vaxtı və yeri barədə iş üzrə Tələbkar və Borclu məlumat verilməsinə baxmayaraq onlar məhkəmə iclasında iştirak etməmişlər. Məhkəmə Azərbaycan Respublikası Mülki-Prosessual Məcəlləsinin 232.2-ci maddəsinə əsaslanaraq Tələbkar və Borclu iştirakları olmadan işə baxılmasını mümkün hesab etmişdir. İş materiallarına əlavə edilmiş Naxçıvan Şəhər Məhkəməsinin 14 aprel 2022-ci il tarixli, 2(078)-115/2022 nömrəli qətnaməsindən görünür ki, Tələbkar ilə Borclu arasında 20 iyun 2012-ci il tarixdə Naxçıvan şəhər Nikah Evində bağlanmış və nikahın bağlanılması haqqında akt qeydləri kitabında 196 nömrə ilə qeydə alınmış nikahın pozulması, tərəflərin birgə nikahından olan 03 sentyabr 2013-cü il təvəllüdlü X5 və 10 oktyabr 2015-ci il təvəllüdlü X3 anaları Tələbkar yanında saxlanılmaları və 24 noyabr 2021-ci il tarixdən hesablanmaqla xx.xx.2013-cü il tarixdə anadan olmuş X2 və xx.xx.2015-ci il tarixdə anadan olmuş X3 yetkinlik yaşına çatanadək saxlanılmaları üçün cavabdeh Borclu hər ay 1 uşaq üçün 125 (bir yüz iyirmi beş) manat olmaqla, ümumilikdə isə iki uşaq üçün 250 (iki yüz əlli) manat miqdarında sabit pul məbləğində alimentin tutularaq, uşaqların anası Tələbkar ödənilməsi qət edilmişdir. Məhkəmə ərizəni və ona əlavə olunmuş sənədləri nəzərdən keçirərək hesab edir ki, ərizə əsaslı olduğundan təmin edilməlidir. Azərbaycan Respublikası Ailə Məcəlləsinin 110.1-ci maddəsinə əsasən məhkəmə qətnaməsi ilə sabit pul məbləğində tutulan alimentin indeksasiyası aliment tutan təşkilatın müdiriyyəti tərəfindən müəyyən olunmuş minimum əmək haqqı məbləğinin artımına mütənasib olaraq müəyyən edilir. Həmin Məcəllənin 110.2-ci maddəsinə əsasən alimentin indeksiyası məqsədi üçün məhkəmə tərəfindən onun miqdarı müəyyən olunmuş minimum əmək haqqı məbləğinin müəyyən mislinə uyğun sabit pul məbləğində müəyyən edilir. Azərbaycan Respublikası Mülki Prosessual Məcəlləsinin 232.1-ci maddəsinə əsasən tərəflərin ərizəsi üzrə işə baxmış məhkəmə qətnamənin icrası zamanı tutulmalı pul məbləğlərinin müvafiq indeksasiyasını həyata keçirə bilər. “Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun “20” dekabr 2024cü il tarixli, 15 nömrəli qərarının 1, 1.2 və 1.2.1.-ci bəndlərindən görünür ki, Azərbaycan Respublikası Ali Məhkəməsi Plenumunun “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” 2016-cı il 28 mart tarixli 8-2/2016 nömrəli Qərarında 8-ci bənd üzrə 8.4-cü bəndə “8.4-2. Nəzərə alınmalıdır ki, Ailə Məcəlləsinin 110.1-ci maddəsinə əsasən bu Qərarın 8.4-1-ci bəndində göstərilən qaydada tutulan alimentin indeksasiyası ölkə üzrə müəyyən edilən minimum əmək haqqı məbləğinin artımına mütənasib olaraq alimentin tutulmasını həyata keçirən təşkilatın müdiriyyəti (borclunun rəsmi iş yerinin olduğu halda işəgötürən, rəsmi iş yerinin olmadığı halda isə icra qurumunun rəhbəri) tərəfindən müəyyən edilməlidir. Qanuni qüvvəyə minmiş məhkəmə qətnaməsində sabit pul məbləğində tutulan alimentin konkret məbləğlə ifadə edildiyi hallarda, indeksasiya maraqlı tərəfin ərizəsi əsasında icraya nəzarət edən məhkəmə tərəfindən MPM-in 232-ci maddəsində nəzərdə tutulmuş qaydada qərardadın qəbul edilməsi yolu ilə həyata keçirilməlidir. Qərardad qəbul edilərkən indeksasiyanın bu Qərarın 8.4-1-ci bəndində göstərilən qaydada aparılmalı olması, habelə qanunvericilikdə alimentin indeksasiyasının yeganə meyar kimi ölkə üzrə müəyyən edilmiş minimum əmək haqqı məbləğinin artımı ilə şərtləndirildiyi nəzərə alınmalıdır (məsələn 2019-cu ildə qəbul edilmiş qətnamə ilə bir uşağın saxlanılması üçün 125 manat sabit pul məbləğində alimentin tutulması qət edilibsə, məhkəmə 2024-cü ildə indeksasiyanı həyata keçirən zaman qüvvədə olan qətnamə ilə tutulmuş alimentin miqdarının 2019-cu il üzrə müəyyən edilmiş 250 manat məbləğində minimum əmək haqqının 0,5 mislini təşkil etdiyini nəzərə alaraq, qərardadın nəticə hissəsində tutulan alimentin məbləğinin ölkə üzrə müəyyən olunmuş minimum əmək haqqının 0,5 misli həddində indeksasiya olunması şəklində göstərməlidir).” məzmununda 8.4-2-ci yarımbəndin əlavə edilməsi qərara alınmışdır. Məhkəmə belə qeyd edir ki, Naxçıvan Şəhər Məhkəməsinin 14 aprel 2022-ci il tarixli, 2(078)-115/2022 nömrəli qətnaməsi çıxarılan vaxt minimum əmək haqqı 300 manat müəyyən edildiyindən həmin vaxt bir uşaq üçün müvafiq məhkəmə qətnaməsi ilə müəyyən edilmiş 125 (bir yüz iyirmi beş) manat sabit pul məbləğində aliment məbləği həmin dövr üçün müəyyən edilmiş minimum əmək haqqı məbləğinin 0.42 mislini təşkil edir. Yuxarıda qeyd edilənlərə əsasən məhkəmə belə nəticəyə gəlir ki, Tələbkar Borclu qarşı sabit pul məbləğində ödənilən aliment məbləğinin indeksasiya olunması tələbinə dair ərizəsi təmin edilməli, Naxçıvan Şəhər Məhkəməsinin 14 aprel 2022 tarixli, 2(078)- 115/2022 nömrəli qətnaməsi ilə 03 sentyabr 2013-cü il təvəllüdlü X2 və 10 oktyabr 2015-ci il təvəllüdlü X3 yetkinlik yaşına çatanadək saxlanılmaları üçün cavabdeh Borclu tutulan hər ay bir uşaq üçün 125 (bir yüz iyirmi beş) manat olmaqla, ümumilikdə iki uşaq üçün 250 (iki yüz əlli) manat miqdarında sabit pul məbləğində aliment sonrakı illər üzrə artımlar nəzərə alınmaqla hər ay hər bir uşaq üçün ölkə üzrə müəyyən olunmuş minimum əmək haqqının 0.42 misli həddində indeksasiya edilməlidir. Azərbaycan Respublikası Mülki Prosessual Məcəlləsinin 232.3-cü maddəsinə əsasən ödənilməli pul məbləğlərinin indeksasiyası barədə məhkəmə qərardadından şikayət verilə bilər. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 232, 263, 264, 267 və 268-ci maddələrini rəhbər tutaraq, q ə r a r a a l d ı m: Tələbkar Borclu qarşı sabit pul məbləğində ödənilən aliment məbləğinin indeksasiya olunması tələbinə dair ərizəsi təmin edilsin. Naxçıvan Şəhər Məhkəməsinin 14 aprel 2022-ci il tarixli, 2(078)-115/2022 nömrəli qətnaməsi ilə 03 sentyabr 2013-cü il təvəllüdlü X2 və 10 oktyabr 2015-ci il təvəllüdlü X3 yetkinlik yaşına çatanadək saxlanılmaları üçün cavabdeh Borclu tutulan hər ay bir uşaq üçün 125 (bir yüz iyirmi beş) manat olmaqla, ümumilikdə iki uşaq üçün 250 (iki yüz əlli) manat miqdarında sabit pul məbləğində aliment sonrakı illər üzrə artımlar nəzərə alınmaqla hər ay hər bir uşaq üçün ölkə üzrə müəyyən olunmuş minimum əmək haqqının 0.42 misli həddində indeksasiya edilsin. İndeksasiya edilmiş alimentin tutulması qərardad qanuni qüvvəyə mindiyi gündən hesablansın. Qərardaddan, o tərəfə rəsmi qaydada verildikdən sonra 10 gün müddətində Naxçıvan Şəhər Məhkəməsinə şikayət verilə bilər. Hakim: Gülsüm Əliyeva.