Sumqayıt İnzibati Məhkəməsi Qərardad — İş №e-2-1(118)-1140/2021

Azərbaycan Respublikası adından QƏRARDAD Sumqayıt şəhəri İş № e-2-1(118)-1140/2021 18.05.2021 SUMQAYIT İNZİBATİ MƏHKƏMƏSİ Sumqayıt İnzibati Məhkəməsinin hakimi Quliyev İsmayıl Rza oğlu iddiaçı “İddiaçı” Məhdud Məsuliyyətli Cəmiyyətinin cavabdeh Azərbaycan Respublikasının İqtisadiyyat Nazirliyinə qarşı “Cavabdeh İqtisadiyyat Nazirliyinin hərəkətsizliyinin qanunsuz hesab edilməsi və cavabdehə ünvanlanan 03M/21 saylı 03.03.2021 tarixli məktuba cavab verilməsi vəzifəsinin cavabdehə həvalə olunması”na dair iddiasını inzibati məhkəmə icraatı qaydasında araşdıraraq MÜƏYYƏN ETDİ: İddiaçı “İddiaçı” Məhdud Məsuliyyətli Cəmiyyəti cavabdeh Azərbaycan Respublikasının İqtisadiyyat Nazirliyinə qarşı “Cavabdeh İqtisadiyyat Nazirliyinin hərəkətsizlilyinin qanunsuz hesab edilməsi və cavabdehə ünvanlanan 03M/21 saylı 03.03.2021 tarixli məktuba cavab verilməsi vəzifəsinin cavabdehə həvalə olunmasına” dair qərar qəbul edilməsini məhkəmədən xahiş etmiş, 10 may 2021-ci il tarixdə iddiaçının nümayəndəsi Nümayəndə iddia ərizəsi və ona əlavə edilmiş sənədlərin geri qaytarılması barədə elektron ərizəsi məhkəməyə daxil olmuşdur. Azərbaycan Respublikası İnzibati Prosessual Məcəlləsinin 80.1-ci maddəsinə əsasən həmin Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia ərizəsinin geri qaytarılmasını xahiş etməsi onun bu iradəsinin olmadığını göstərir. İddiaçıya izah edilsin ki, yenidən məhkəməyə müraciət etmək hüququ istisna edilmir. Yuxarıda göstərilənlərə əsasən məhkəmə, QƏRARA ALDİ: İddia ərizəsi və ona əlavə edilmiş sənədlər iddiaçıya geri qaytarılsın. Qərardaddan tərəfə rəsmi qaydada verildikdən sonra 10 gün müddətində Sumqayıt İnzibati Məhkəməsinə şikayət verilə bilər. Hakim İsmayıl Quliyev